ഗീ​ത അ​വ​ർ​ക്ക് അ​ഭ​യ സം​ഗീ​ത​മാ​ണ്!
Wednesday, June 29, 2022 10:22 PM IST
തൊ​ടു​പു​ഴ: ആ​രോ​രു​മി​ല്ലാ​ത്ത മ​നു​ഷ്യ​രെ സം​ര​ക്ഷി​ക്കാ​ന്‍ ഇ​ന്ന് ഒ​ട്ടേ​റെ സ്ഥാ​പ​ന​ങ്ങ​ളു​ണ്ട്. എ​ന്നാ​ല്‍, പ​ല​പ്പോ​ഴും റോ​ഡി​ലും മ​റ്റും ഉ​പേ​ക്ഷി​ക്ക​പ്പെ​ടു​ന്ന മൃ​ഗ​ങ്ങ​ളെ ആ​രും തി​രി​ഞ്ഞു​നോ​ക്കാ​റി​ല്ല. എ​ന്നാ​ൽ, ആ ​ക​ഥ തി​രു​ത്തു​ക​യാ​ണ് ഗീ​താ വി​ന​യ​ന്‍ എ​ന്ന റി​ട്ട. പ​ഞ്ചാ​യ​ത്ത് സെ​ക്ര​ട്ട​റി. ഇ​വ​രു​ടെ മ​ണ​ക്കാ​ടു​ള്ള വീ​ട് തെ​രു​വി​ല്‍ ഉ​പേ​ക്ഷി​ക്ക​പ്പെ​ടു​ന്ന നാ​യ്ക്ക​ളു​ടെ​യും പൂ​ച്ച​ക​ളു​ടെ​യും അ​ഭ​യ​കേ​ന്ദ്ര​മാ​ണ്. ഒ​ട്ടേ​റെ പൂ​ച്ച​ക​ളും നാ​യ്ക്ക​ളും ഗീ​ത​യു​ടെ സ്‌​നേ​ഹ​ലാ​ള​ന​മേ​റ്റു ക​ഴി​യു​ന്നു. റോ​ഡി​ല്‍ പ​രി​ക്കേ​റ്റു കി​ട​ന്ന നാ​യ്ക്ക​ളെ വ​രെ ഏ​റ്റെ​ടു​ത്തു ചി​കി​ത്സ ന​ല്‍​കി വ​ള​ര്‍​ത്തു​ക​യാ​ണ് ഈ ​വീ​ട്ട​മ്മ.

‌വ​ന്നു​ക​യ​റി​യ പൂ​ച്ച​ക​ൾ

‌കു​മാ​ര​മം​ഗ​ലം സ്വ​ദേ​ശി​നി​യാ​യ ഗീ​ത വി​വാ​ഹ​ത്തോ​ടെ​യാ​ണ് തൊ​ടു​പു​ഴ​യി​ലേ​ക്ക് എ​ത്തി​യ​ത്. മ​ണ​ക്കാ​ട് വീ​ടു​വ​ച്ചു ഭ​ര്‍​ത്താ​വ് വി​ന​യ​കു​മാ​റി​നും മ​ക​ള്‍ വി​നീ​ത​യ്ക്കും ഒ​പ്പം എ​ത്തി​യ​പ്പോ​ള്‍ ര​ണ്ടു പൂ​ച്ച​ക​ളും കൂ​ടെ​യു​ണ്ടാ​യി​രു​ന്നു. വീ​ട്ടി​ല്‍ വ​ന്നു​ക​യ​റി​യ പൂ​ച്ച​ക​ളാ​യി​രു​ന്നു അ​വ. ഇ​വ​യെ ഉ​പേ​ക്ഷി​ക്കാ​ന്‍ മ​ന​സു വ​രാ​ത്ത​തി​നാ​ല്‍ അ​വ​യെ​യും ഒ​പ്പം കൂ​ട്ടി. പി​ന്നെ നാ​യ്ക്ക​ളും പൂ​ച്ച​ക​ളു​മാ​യി ഒ​ട്ടേ​റെ അ​ന്തേ​വാ​സി​ക​ള്‍ ഗീ​ത​യു​ടെ വീ​ടു തേ​ടി​വ​ന്നു. പ​ല​തി​നെ​യും ഉ​ട​മ​സ്ഥ​ര്‍ ഉ​പേ​ക്ഷി​ക്കു​ന്ന​വ​യും ചി​ല​ത് വ​ഴി​യി​ല്‍ വാ​ഹ​ന​മി​ടി​ച്ചും മ​റ്റും പ​രി​ക്കേ​റ്റ​വ​യു​മാ​യി​രു​ന്നു. ഒ​ന്നി​നെ​യും കൈ ​വി​ടാ​തെ ഗീ​ത ഓ​രോ പേ​രി​ട്ട് ത​നി​ക്കൊ​പ്പം ചേ​ര്‍​ത്തു വ​ള​ര്‍​ത്തു​ക​യാ​ണ്.

അ​മ്മു, അ​പ്പു, പൊ​ന്നു എ​ന്നി​ങ്ങ​നെ​യാ​ണ് നാ​യ്ക്ക​ളി​ല്‍ ചി​ല​തി​ന്‍റെ പേ​രു​ക​ള്‍. വാ​വ​ച്ചി, മാ​ളു. കി​ട്ടു, ബി​ച്ചു, കു​ട്ടു​മ​ണി, കു​ഞ്ഞു​ണ്ണി, കാ​ത്തു എ​ന്നി​ങ്ങ​നെ നീ​ളു​ന്നു പൂ​ച്ച​ക​ളു​ടെ പേ​രു​ക​ള്‍. തൊ​ടു​പു​ഴ ന​ഗ​ര​ത്തി​ല്‍ ആ​രോ ക​ണ്ണ് അ​ടി​ച്ചു​ത​ക​ര്‍​ത്ത നി​ല​യി​ലാ​ണ് അ​മ്മു​വി​നെ ല​ഭി​ച്ച​ത്. ചി​കി​ത്സ ന​ല്‍​കി​യെ​ങ്കി​ലും ഒ​രു ക​ണ്ണി​ന് കാ​ഴ്ച ന​ഷ്ട​പ്പെ​ട്ടു. എ​ങ്കി​ലും ഇ​പ്പോ​ള്‍ ആ​രോ​ഗ്യ​വ​തി​യാ​യി ഓ​ടി ന​ട​ക്കു​ന്നു. വാ​ഹ​നം ക​യ​റി ന​ട്ടെ​ല്ലും കാ​ലും ത​ക​ര്‍​ന്ന നി​ല​യി​ലാ​ണ് അ​പ്പു​വി​നെ വ​ഴി​യി​ല്‍​നി​ന്നു ല​ഭി​ച്ച​ത്. അ​പ്പു ഇ​പ്പോ​ള്‍ ആ​രോ​ഗ്യം വീ​ണ്ടെ​ടു​ത്തു​ക​ഴി​ഞ്ഞു. ക​ണ്ണി​നു കാ​ഴ്ച​യി​ല്ലാ​ത്ത നി​ല​യി​ല്‍ തി​രു​വ​ന​ന്ത​പു​ര​ത്തു​നി​ന്നാ​ണ് പൊ​ന്നു​വി​നെ ല​ഭി​ച്ച​ത്. വ​ള​ര്‍​ത്തി​യ പ​ന്ത്ര​ണ്ടോ​ളം നാ​യ്ക്ക​ളെ വ​ഴി​യി​ല്‍​നി​ന്നു ല​ഭി​ച്ച​താണ്.

നാ​ൽ​പ്പ​തോ​ളം പൂ​ച്ച​ക​ൾ

‌പൂ​ച്ച​ക​ളി​ല്‍ കൂ​ടു​ത​ല്‍ എ​ണ്ണ​ത്തെ​യും പ​ല​രും ഗീ​ത​യു​ടെ വീ​ടി​നു സ​മീ​പം ഉ​പേ​ക്ഷി​ച്ച​താ​ണ്. ഇ​വ​യെ ഗീ​ത സം​ര​ക്ഷി​ക്കു​മെ​ന്ന് ഉ​റ​പ്പു​ള്ള​തി​നാ​ലാ​ണ് ആ​ളു​ക​ള്‍ ഗേ​റ്റി​നു മു​ന്നി​ല്‍ ഉ​പേ​ക്ഷി​ക്കു​ന്ന​ത്. ഇ​ത്ത​ര​ത്തി​ലു​ള്ള നാ​ല്‍​പ്പ​തോ​ളം പൂ​ച്ച​ക​ളെ​യാ​ണ് വ​ള​ര്‍​ത്തി​യ​ത്. ഇ​പ്പോ​ള്‍ ചെ​റു​തും വ​ലു​തു​മാ​യി പ​തി​ന​ഞ്ചോ​ളം പൂ​ച്ച​ക​ള്‍ വീ​ട്ടി​ലു​ണ്ട്. കോ​വി​ഡ് കാ​ല​ത്ത് തെ​രു​വോ​ര​ത്ത് ക​ഴി​യു​ന്ന നാ​യ്ക്ക​ള്‍​ക്ക് ഭ​ക്ഷ​ണ​വും ഗീ​ത എ​ത്തി​ച്ചു ന​ല്‍​കി​യി​രു​ന്നു.

മൃ​ഗ​ങ്ങ​ളോ​ടു​ള്ള ഇ​ഷ്ട​ത്തി​നു താ​ങ്ങാ​യി ഒ​പ്പ​മു​ണ്ടാ​യി​രു​ന്ന കെ​എ​സ്ആ​ര്‍​ടി​സി​യി​ല്‍ വി​ജി​ല​ന്‍​സ് ഓ​ഫീ​സ​റാ​യി​രു​ന്ന ഭ​ര്‍​ത്താ​വ് വി​ന​യ​കു​മാ​ര്‍ ആ​റു വ​ര്‍​ഷം മു​മ്പ് മ​രി​ച്ചു. ഇ​പ്പോ​ള്‍ മ​ക​ള്‍ ഡോ. ​വി​നീ​ത​യു​ടെ​യും കൊ​ച്ചു​മ​ക​ന്‍ ഇ​ഷ​ന്‍ ശ​ങ്ക​റി​ന്‍റെ​യും പ്രോ​ത്സാ​ഹ​ന​മാ​ണ് ഈ ​വീ​ട്ട​മ്മ​യു​ടെ ക​രു​ത്ത്. വീ​ട്ടു​ജോ​ലി​ക്കാ​രി​യാ​യ സ​തി​യാ​ണ് ഗീ​ത​യോ​ടൊ​പ്പം മൃ​ഗ​ങ്ങ​ളു​ടെ പ​രി​ര​ക്ഷ​യ്ക്കാ​യി സ​ദാ​സ​മ​യ​വു​മു​ള്ള​ത്.