രാജാക്കാട്: ഈശോയുടെ ഉയിർപ്പിന്‍റെ മഹാജൂബിലിക്ക് മുന്നൊരുക്കമായി ഫാ. മൈക്കിൾ പനച്ചിക്കൽ വിസിയുടെ നേതൃത്വത്തിലുള്ള അത്മായ കൂട്ടായ്മ ടീം മിഷൻ 2K33 പദ്ധതിയിട്ടിരിക്കുന്ന ദശവത്സര ആഘോഷ പരിപാടികളുടെ ഭാഗമായി ക്രിസ്തുരാജ ദേവാലയങ്ങളെ ബന്ധിപ്പിച്ച് നടത്തുന്ന ആറാമത് ക്രിസ്തുരാജത്വ സന്ദേശ റാലിക്ക് ഇന്ന് രാജാക്കാട് ക്രിസ്തുരാജ ഫൊറോന പള്ളിയിൽ സ്വീകരണം നൽകും.
ഉച്ചകഴിഞ്ഞ് മൂന്നിന് എൻആർസിറ്റി സെന്‍റ് മേരീസ് പള്ളിയങ്കണത്തിൽനിന്ന് ആരംഭിക്കുന്ന പദയാത്ര എൻആർസിറ്റി സെന്‍റ് മേരീസ് പള്ളി വികാരി ഫാ. ഷെൽട്ടൻ അപ്പോഴിപ്പറമ്പിൽ ഫ്ലാഗ് ഓഫ് ചെയ്യും.
3.45 ന് രാജാക്കാട് ക്രിസ്തുരാജാ ഫൊറോന പള്ളിയിൽ പദയാത്ര സമാപിക്കും.നാലിനു വിശുദ്ധ കുർബാന, 5.10ന് ഇടുക്കി രൂപത വികാരി ജനറാൾ മോൺ. ഏബ്രഹാം പുറയാറ്റ്, രാജാക്കാട് ക്രിസ്തുരാജ ഫൊറോന പള്ളി വികാരി ഫാ. ജോബി വാഴയിൽ, സഹവികാരിമാരായ ഫാ. ജോയൽ വള്ളിക്കാട്ട്, ഫാ.ജെയിൻ കണിയോടിക്കൽ, ഇടവക അത്മായ പ്രതിനിധികൾ എന്നിവർ ചേർന്ന് പദയാത്ര സംഘത്തിന് സ്വീകരണം നൽകും.
5.20ന് ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ അനുഗ്രഹ പ്രഭാഷണം നടത്തും.
ഇടുക്കി രൂപത വികാരി ജനറാൾ മോൺ. ജോസ് പ്ലാച്ചിക്കൽ ആശംസ പ്രസംഗം നടത്തും.
ഗിരിജ്യോതി ആശ്രമ ദേവാലയത്തിൽ തിരുനാൾ
കുമളി: ഗിരിജ്യോതി ആശ്രമ ദേവാലയത്തിൽ വിശുദ്ധ യൂദാ തദേവൂസ് ശ്ലീഹായുടെ തിരുനാൾ 24ന് തുടങ്ങി മേയ് മൂന്നിന് സമാപിക്കും. 24 മുതൽ മേയ് രണ്ടുവരെ രാവിലെ 6.30നും ഉച്ചകഴിഞ്ഞ് 2.30 നും ജപമാല, വിശുദ്ധ കുർബാന, നൊവേന, ആശീർവാദം.
സമാപന ദിവസമായ മേയ് മൂന്നിന് രാവിലെ 6.30ന് ജപമാല , വിശുദ്ധ കുർബാന, 10.30ന് വിശുദ്ധ കുർബാന, സന്ദേശം, നൊവേന, ആശീർവാദം, ഉൗട്ട് നേർച്ച, ഉച്ചകഴിഞ്ഞ് 3.30ന് വിശുദ്ധ കുർബാന, നൊവേന.