പ​ര​സ്യ പ്ര​ചാ​ര​ണം നാ​ളെ അ​വ​സാ​നിക്കും
Monday, April 22, 2024 11:36 PM IST
തൊ​ടു​പു​ഴ: ക​ന​ത്ത വേ​ന​ൽ​ച്ചൂ​ടി​ലും വി​ശ്ര​മ​മി​ല്ലാ​തെ അ​വ​സാ​ന വ​ട്ട ഓ​ട്ട പ്ര​ദ​ക്ഷി​ണ​വു​മാ​യി സ്ഥാ​നാ​ർ​ഥി​ക​ൾ.

ശ​ബ്ദ പ്ര​ചാ​ര​ണം നാ​ളെ അ​വ​സാ​നി​ക്കാ​നി​രി​ക്കെ പ​ര​മാ​വ​ധി സ്ഥ​ല​ങ്ങ​ളി​ൽ ഒ​രി​ക്ക​ൽ കൂ​ടി ഓ​ടി​യെ​ത്താ​നു​ള്ള അ​ശ്രാ​ന്ത പ​രി​ശ്ര​മ​ത്തി​ലാ​ണ് സ്ഥാ​നാ​ർ​ഥി​ക​ൾ.

മു​ന്ന​ണി​ക​ളു​ടെ വാ​ഗ്ദാ​ന​ങ്ങ​ളും സ്ഥാ​നാ​ർ​ഥി​ക​ളു​ടെ അ​പ​ദാ​ന​ങ്ങ​ളും വി​ളി​ച്ച​റി​യി​ച്ചു​ള്ള അ​നൗ​ണ്‍​സ്മെ​ന്‍റ് വാ​ഹ​ന​ങ്ങ​ൾ നാ​ടി​ന്‍റെ മു​ക്കി​ലും മൂ​ല​യി​ലും ക​റ​ങ്ങു​ന്നു​ണ്ട്.

തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ ക​ർ​ശ​ന നി​യ​ന്ത്ര​ണ​മു​ള്ള​തി​നാ​ൽ പ്ര​ചാ​ര​ണ വാ​ഹ​ന​ങ്ങ​ളു​ടെ എ​ണ്ണ​ത്തി​ൽ മു​ൻ കാ​ല​ങ്ങ​ളെ അ​പേ​ക്ഷി​ച്ച് ഇ​ത്ത​വ​ണ വ​ലി​യ കു​റ​വു​ണ്ടാ​യി.

നാ​ളെ വൈ​കു​ന്നേ​രം ന​ട​ക്കു​ന്ന ക​ലാ​ശ​ക്കൊ​ട്ട് കൊ​ഴു​പ്പി​ക്കാ​നു​ള്ള ത​യാ​റെ​ടു​പ്പി​ലാ​ണ് മൂ​ന്നു മു​ന്ന​ണി​ക​ളു​ടെ​യും പ്ര​വ​ർ​ത്ത​ക​ർ.

താ​ള​മേ​ള​ങ്ങ​ളു​ടെ അ​ക​ന്പ​ടി​യോ​ടെ​യാ​യി​രി​ക്കും വി​വി​ധ കേ​ന്ദ്ര​ങ്ങ​ളി​ൽ ക​ലാ​ശ​ക്കൊ​ട്ട്.
ക​ഴി​ഞ്ഞ നി​യ​മ​സ​ഭ, ത​ദ്ദേ​ശ സ്ഥാ​പ​ന തെ​ര​ഞ്ഞെ​ടു​പ്പു​ക​ളി​ൽ കോ​വി​ഡ് വ്യാ​പ​നം മൂ​ലം ക​ലാ​ശ​ക്കൊ​ട്ടി​ന് നി​യ​ന്ത്ര​ണ​മേ​ർ​പ്പെ​ടു​ത്തി​യി​രു​ന്നു. അ​തി​നാ​ൽ ഇ​ത്ത​വ​ണ ക​ലാ​ശ​ക്കൊ​ട്ട് ശ​ക്തി​പ്ര​ക​ട​ന​മാ​ക്കി മാ​റ്റാ​നാ​യി​രി​ക്കും മൂ​ന്നു മു​ന്ന​ണി​ക​ളു​ടെ​യും ശ്ര​മം.

ക​ഴി​ഞ്ഞ പ്രാ​വ​ശ്യം ഓ​രോ അ​സം​ബ്ലി മ​ണ്ഡ​ല​ത്തി​ലും കൊ​ട്ടി​ക്ക​ലാ​ശം സം​ഘ​ടി​പ്പി​ച്ചി​രു​ന്നു. ഏ​തെ​ങ്കി​ലും ഒ​രു അ​സം​ബ്ലി മ​ണ്ഡ​ല​ത്തി​ൽ പ്ര​വ​ർ​ത്ത​ക​ർ​ക്ക് ആ​വേ​ശ​മാ​യി സ്ഥാ​നാ​ർ​ഥി പ​ങ്കെ​ടു​ക്കും.

ഇ​ത്ത​വ​ണ സ്ഥാ​നാ​ർ​ഥി​ക​ൾ എ​വി​ടെ പ​ങ്കെ​ടു​ക്കു​മെ​ന്ന കാ​ര്യ​ത്തി​ൽ തീ​രു​മാ​ന​മെ​ടു​ത്തി​ട്ടി​ല്ല.
കൊ​ട്ടി​ക്ക​ലാ​ശം സം​ഘ​ർ​ഷ​ത്തി​ൽ ക​ലാ​ശി​ക്കാ​തി​രി​ക്കാ​ൻ പോ​ലീ​സും ക​ർ​ശ​ന സു​ര​ക്ഷ​യൊ​രു​ക്കും.

ഇ​തു​വ​രെ​യും എ​ത്താ​ത്ത ഇ​ട​ങ്ങ​ളി​ൽ വോ​ട്ട​ർ​മാ​രെ നേ​രി​ൽക്ക​ണ്ട് വോ​ട്ട​ഭ്യ​ർ​ഥി​ക്കാ​നാ​ണ് ഇ​നി​യു​ള്ള ദി​വ​സ​ങ്ങ​ളി​ൽ സ്ഥാ​നാ​ർ​ഥി​ക​ൾ ശ്ര​ദ്ധ ചെ​ലു​ത്തു​ക.

ഓ​രോ വോ​ട്ടും ത​ങ്ങ​ൾ​ക്ക് അ​നു​കൂ​ല​മാ​ക്കാ​നു​ള്ള അ​വ​സാ​ന​വ​ട്ട സ്ക്വാ​ഡ് പ്ര​വ​ർ​ത്ത​ന​ങ്ങ​ളും സ​ജീ​വ​മാ​ണ്. മു​ൻ തെ​ര​ഞ്ഞെ​ടു​പ്പു​ക​ളെ അ​പേ​ക്ഷി​ച്ച് പൊ​തു​യോ​ഗ​ങ്ങ​ൾ​ക്ക് പ​ക​രം കു​ടും​ബ സ​മ്മേ​ള​ന​ങ്ങ​ൾ​ക്കാ​യി​രു​ന്നു ഇ​ത്ത​വ​ണ മു​ന്ന​ണി​ക​ൾ പ്രാ​ധാ​ന്യം ന​ൽ​കി​യ​ത്.

സം​സ്ഥാ​ന ദേ​ശീ​യ നേ​താ​ക്ക​ൾ പ​ങ്കെ​ടു​ത്ത ചു​രു​ക്കം പൊ​തു യോ​ഗ​ങ്ങ​ൾ മാ​ത്ര​മാ​ണ് ഇ​ത്ത​വ​ണ ഉ​ണ്ടാ​യ​ത്. എ​ൽ​ഡി​എ​ഫ് സ്ഥാ​നാ​ർ​ഥി ജോ​യ്സ് ജോ​ർ​ജി​നാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​നും മ​ന്ത്രി​മാ​രും സി​പി​എം സം​സ്ഥാ​ന സെ​ക്ര​ട്ട​റി എം.​വി.​ ഗോ​വി​ന്ദ​നും ജി​ല്ല​യി​ൽ എ​ത്തി പ്ര​ചാ​ര​ണം കൊ​ഴു​പ്പി​ച്ചു.

യു​ഡി​എ​ഫ് സ്ഥാ​നാ​ർ​ഥി ഡീ​ൻ കു​ര്യാ​ക്കോ​സി​ന്‍റെ പ്ര​ചാ​ര​ണ​ത്തി​നാ​യി പ്ര​തി​പ​ക്ഷ നേ​താ​വ് വി.​ഡി.​ സ​തീ​ശ​ൻ ഉ​ൾ​പ്പെ​ടെ​യു​ള്ള നേ​താ​ക്ക​ൾ എ​ത്തി.

എ​ൻ​ഡി​എ സ്ഥാ​നാ​ർ​ഥി സം​ഗീ​ത വി​ശ്വ​നാ​ഥ​ന്‍റെ പ്ര​ചാ​ര​ണ​ത്തി​നാ​യി ബി​ജെ​പി ദേ​ശീ​യ നേ​താ​ക്ക​ളും ബി​ഡി​ജെഎസ് പ്ര​സി​ഡ​ന്‍റ് തു​ഷാ​ർ വെ​ള്ളാ​പ്പ​ള്ളി​യും ജി​ല്ല​യി​ലെ​ത്തി.

Copyright @ 2022 , Rashtra Deepika Ltd.