വൈ​ക​ല്യ​ത്തി​ല്‍ ത​ള​രാ​തെ വോട്ട​വ​കാ​ശം വി​നി​യോ​ഗി​ച്ച് സു​രേ​ഷ്
Saturday, April 27, 2024 4:14 AM IST
കൊ​ച്ചി: വീ​ല്‍ ചെ​യ​റി​ല്‍ നി​ന്ന് സു​രേ​ഷി​നെ കൈ​ക​ളി​ല്‍ താ​ങ്ങി​യെ​ടു​ത്ത് മ​ക​ന്‍ അ​ശ്വി​ന്‍ നേ​വ​ല്‍​ബേ​സ് ക​ഠാ​രി​ബാ​ഗി​ലെ 138ാം ന​മ്പ​ര്‍ പോ​ളിം​ഗ് ബൂ​ത്തി​ലേ​ക്ക് കൊ​ണ്ടു​പോ​കു​മ്പോ​ള്‍ തെ​ര​ഞ്ഞെ​ടു​പ്പി​ന്‍റെ ഭാ​ഗ​മാ​കാ​ന്‍ ക​ഴി​ഞ്ഞ​തി​ലു​ള്ള സ​ന്തോ​ഷ​മാ​യി​രു​ന്നു അ​ദ്ദേ​ഹ​ത്തി​ന്. തെ​ര​ഞ്ഞെ​ടു​പ്പ് നാ​ളു​ക​ളി​ല്‍ സ​ജീ​വ രാ​ഷ്ട്രീ​യ പ്ര​വ​ര്‍​ത്ത​നം കാ​ഴ്ച​വ​ച്ചി​രു​ന്ന എ​റ​ണാ​കു​ളം വാ​ത്തു​രു​ത്തി ശാ​സ്താ​നി​കേ​ത​ന്‍ വീ​ട്ടി​ല്‍ ടി.​എ​സ്. സു​രേ​ഷി​ന്‍റെ ഇ​രു​കാ​ലു​ക​ളും കോ​വി​ഡ് അ​നു​ബ​ന്ധ​രോ​ഗ​ത്തെ തു​ട​ര്‍​ന്ന് മു​റി​ച്ചു മാ​റ്റേ​ണ്ടി​വ​ന്നു.

ശ​രീ​ര​ത്തി​ലെ കോ​ശ​ങ്ങ​ള്‍ ന​ശി​ക്കു​ന്ന രോ​ഗ​മാ​യ ഗം​ഗ്രീ​ന്‍ വ​ര്‍​ഷ​ങ്ങ​ള്‍​ക്ക് മു​മ്പ് സു​രേ​ഷി​നെ ചെ​റി​യ തോ​തി​ല്‍ ബാ​ധി​ച്ചി​രു​ന്നു. കോ​വി​ഡ് രോ​ഗ​ബാ​ധ​യ്ക്കു ശേ​ഷം ഒ​രു ദി​വ​സം വീ​ട്ടി​ല്‍ ബോ​ധ​ര​ഹി​ത​നാ​യി വീ​ണ സു​രേ​ഷി​നെ ആ​ശു​പ​ത്രി​യി​ലെ​ത്തി​ച്ച​പ്പോ​ഴാ​ണ് ഗം​ഗ്രീ​ന്‍ രോ​ഗം ഇ​രു​കാ​ലു​ക​ളെ​യും ബാ​ധി​ച്ച​താ​യി ഡോ​ക്ട​ര്‍​മാ​ര്‍ ക​ണ്ടെ​ത്തി​യ​ത്. ദി​വ​സ​ങ്ങ​ള്‍​ക്കു​ള്ളി​ല്‍ അ​ദ്ദേ​ഹ​ത്തി​ന്‍റെ ഇ​രു​കാ​ലു​ക​ളും മു​റി​ച്ചു​മാ​റ്റു​ക​യാ​യി​രു​ന്നു. വാ​ത്തു​രു​ത്തി​യി​ല്‍ ബി​സി​ന​സ് ന​ട​ത്തു​ക​യാ​യി​രു​ന്നു അ​ദ്ദേ​ഹം.

പ​ത്തു വ​ര്‍​ഷം മു​മ്പ് വാ​ത്തു​രു​ത്തി​യി​ല്‍ നി​ന്ന് കൊ​ച്ചി ന​ഗ​ര​സ​ഭ കൗ​ണ്‍​സി​ല​റാ​യി മ​ത്സ​രി​ച്ചെ​ങ്കി​ലും വി​ജ​യി​ച്ചി​ല്ല. കാ​ലു​ക​ള്‍ മു​റി​ച്ചു മാ​റ്റി​യ ശേ​ഷം വ​രു​ന്ന ആ​ദ്യ​ത്തെ തെ​ര​ഞ്ഞെ​ടു​പ്പാ​ണി​ത്. അ​ടു​ത്ത ത​വ​ണ വീ​ട്ടി​ല്‍ വോ​ട്ട് ചെ​യ്യാ​നു​ള്ള സം​വി​ധാ​നം ഒ​രു​ക്ക​ണ​മെ​ന്ന് പോ​ളിം​ഗ് ഏ​ജ​ന്‍റു​മാ​രോ​ട് ആ​വ​ശ്യ​പ്പെ​ട്ടാ​ണ് മ​ട​ങ്ങി​യ​ത്.

Copyright @ 2022 , Rashtra Deepika Ltd.