ആറാം വിവാഹവാർഷികത്തിന് ചെമ്പൻ വിനോദിന് ആശംസകളുമായി ഭാര്യ മറിയം. ആറു വർഷമായി ഇരുവരുടെയും വിവാഹം കഴിഞ്ഞിട്ട്. മനോഹരമായ ഒരു കുറിപ്പിലൂടെയാണ് മറിയം ചെമ്പന് ആശംസകൾ നേർന്നത്.
‘‘ആറ് വർഷങ്ങൾ... അനവധി ഓർമ്മകൾ... ഇന്നും നീ തന്നെയാണ് എന്റെ ഏറ്റവും പ്രിയപ്പെട്ടവൻ. സ്നേഹത്തിലും ചിരിയിലും ഞങ്ങളുടെ എല്ലാ സാഹസികതകളിലും എന്റെ പങ്കാളി. നമുക്കായി ഇതാ ഇന്നും എന്നുമെന്നും. ഹാപ്പി ആനിവേഴ്സറി ചെമ്പോസ്ക്കാ.’’ മറിയം കുറിച്ചു.
2020ലാണ് ചെമ്പൻ വിനോദും മറിയം തോമസും വിവാഹിതരാകുന്നത്. കോട്ടയം സ്വദേശിയായ മറിയം സൈക്കോളജിസ്റ്റാണ്.
ചെമ്പൻ വിനോദ് നിർമിച്ച ഭീമന്റെ വഴി എന്ന ചിത്രത്തിലൂടെ അഭിനയരംഗത്തും മറിയം അരങ്ങേറ്റം കുറിച്ചിരുന്നു. ചിത്രത്തിൽ നഴ്സിന്റെ വേഷത്തിലാണ് മറിയം എത്തിയത്.
Tags : chemban vinod wedding anniversary