ല​ണ്ട​ൻ: യു​കെ ക്നാ​നാ​യ കാ​ത്ത​ലി​ക് മി​ഷ​നു​ക​ളു​ടെ വാ​ർ​ഷി​ക കു​ടും​ബ സം​ഗ​മ​മാ​യ "വാ​ഴ്‌​വ് 2025' ആ​ധ്യാ​ത്മി​ക​ത​യു​ടെ തി​ക​വി​ലും ആ​ഘോ​ഷ​ങ്ങ​ളു​ടെ ആ​ര​വ​ങ്ങ​ൾ​ക്കു​മൊ​പ്പം ഇ​ത്ത​വ​ണ ജീ​വ​കാ​രു​ണ്യ​ത്തി​ന്‍റെ കെെ​യോ​പ്പ് കൂ​ടി ചാ​ർ​ത്താ​ൻ ത​യാ​റെ​ടു​ക്കു​ന്നു.

ഇ​താ​ദ്യ​മാ​യി​ട്ടാ​ണ് യു​കെ​യി​ലെ ക്നാ​നാ​യ ക​ത്തോ​ലി​ക്കാ സ​മൂ​ഹം ആ​ഘോ​ഷ​ങ്ങ​ളു​ടെ ഭാ​ഗ​മാ​യി നാ​ട്ടി​ലെ നി​രാ​ലം​ബ​രാ​യ ക്നാ​നാ​യ കു​ടും​ബ​ത്തി​ന് ഭ​വ​ന​മൊ​രു​ക്കു​ന്ന​ത്. ഇ​തി​നാ​യി വാ​ഴ്‌​വി​ന് ല​ഭി​ക്കു​ന്ന സം​ഭാ​വ​ന​ക​ളി​ൽ നി​ന്ന് പ​ത്ത് ല​ക്ഷം രൂ​പ കൂ​ടു​ത​ലാ​യി ക​ണ്ടെ​ത്താ​നാ​ണ് വാ​ഴ്‌​വ് 2025ന്‍റെ നാ​ഷ​ണ​ൽ ക​മ്മി​റ്റി ല​ക്ഷ്യം വ​യ്ക്കു​ന്ന​ത്.

വ​രും വ​ർ​ഷ​ങ്ങ​ളി​ൽ കൂ​ടു​ത​ൽ ആ​ളു​ക​ൾ​ക്ക് സേ​വ​നം ല​ഭ്യ​മാ​കു​ന്ന ത​ര​ത്തി​ൽ വ​ലി​യ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​ന് വേ​ണ്ടി​യു​ള്ള ശ്ര​മ​ങ്ങ​ളാ​ണ് ഫാ. ​സു​നി പ​ടി​ഞ്ഞാ​റെ​ക്ക​ര​യു​ടെ നേ​തൃ​ത്വ​ത്തി​ലു​ള്ള ക്നാ​നാ​യ കാ​ത്ത​ലി​ക് മി​ഷ​ൻ വി​ഭാ​വ​നം ചെ​യ്യു​ന്ന​ത്.

ഒ​ക്ടോ​ബ​ർ നാ​ലി​ന് ബ​ർ​മിം​ഗ്ഹാം ബ​ഥേ​ൽ ക​ൺ​വ​ൻ​ഷ​ൻ സെ​ന്‍റ​റി​ലാ​ണ് വാ​ഴ്‌​വ് ന​ട​ക്കു​ന്ന​ത്. ദി​വ്യ​കാ​രു​ണ്യ ആ​രാ​ധ​ന, കു​ർ​ബാ​ന, യു​വാ​ക്ക​ൾ​ക്കും കു​ട്ടി​ക​ൾ​ക്കു​മാ​യി പ്ര​ത്യേ​ക ഇ​ന്‍റ​ർ സെ​ഷ​നു​ക​ൾ, പൊ​തുസ​മ്മേ​ള​നം യു​കെ​യി​ലെ 15 ക്നാ​നാ​യ മി​ഷ​നു​ക​ളി​ൽ നി​ന്നു​ള്ള ക​ലാ​പ്ര​തി​ഭ​ക​ൾ പ​ങ്കെ​ടു​ക്കു​ന്ന ക​ലാ​പ​രി​പാ​ടി​ക​ൾ തു​ട​ങ്ങി ഒ​രു ദി​വ​സം നീ​ണ്ടു നി​ൽ​ക്കു​ന്ന വാ​ർ​ഷി​ക സം​ഗ​മ​ത്തി​ലേ​ക്ക് ഒ​രു കു​ടും​ബ​ത്തി​ന് 20 പൗ​ണ്ടാ​ണ് പ്ര​വേ​ശ​ന നി​ര​ക്ക്.


സിം​ഗി​ൾ പ്ര​വേ​ശ​ന​ത്തി​ന് 10 പൗ​ണ്ട് ആ​ണ്. ഇ​ന്‍റ​ർ​നാ​ഷ​ന​ൽ സ്റ്റു​ഡ​ൻ​സി​നും നാ​ട്ടി​ൽ നി​ന്നും സ​ന്ദ​ർ​ശ​ക​രാ​യി എ​ത്തി​യി​രി​ക്കു​ന്ന മാ​താ​പി​താ​ക്ക​ൾ​ക്കും പ്ര​വേ​ശ​നം സൗ​ജ​ന്യ​മാ​ണ്. അ​താ​ത് മി​ഷ​ൻ ട്ര​സ്റ്റി​മാ​രെ​യോ വൈ​ദി​ക​നെ​യോ സ​മീ​പി​ച്ച് പ്ര​വേ​ശ​നം ഉ​റ​പ്പാ​ക്കാം.

ഏ​റ്റ​വും മി​ത​മാ​യ ടി​ക്ക​റ്റ് നി​ര​ക്കി​ൽ മു​ഴു​വ​ൻ ക്നാ​നാ​യ കു​ടും​ബ​ങ്ങ​ളേ​യും പ​ങ്കെ​ടു​പ്പി​ക്കു​ക എ​ന്ന​താ​ണ് മി​ഷ​ൻ വി​ഭാ​വ​നം ചെ​യ്യു​ന്ന​ത്. "വീ​ടൊ​രു​ക്കാം വാ​ഴ്‌​വി​ലൂ​ടെ' എ​ന്ന സം​രം​ഭ​ത്തി​ന് കീ​ഴി​ലാ​ണ് ഭ​വ​നം നി​ർ​മി​ച്ചു ന​ൽ​കു​ന്ന​ത്.

ഫാ.​സു​നി പ​ടി​ഞ്ഞാ​റേ​ക്ക​ര ചെ​യ​ർ​മാ​നും അ​ഭി​ലാ​ഷ് മൈ​ല​പ്പ​റ​മ്പി​ൽ ജ​ന​റ​ൽ ക​ൺ​വീ​ന​റും ഫാ. ​സ​ജി തോ​ട്ടം, ഫാ. ​ജോ​ഷി കൂ​ട്ടു​ങ്ക​ൽ എ​ന്നി​വ​ർ ക​ൺ​വീ​ന​ർ​മാ​രാ​യും സ​ജി രാ​മ​ച്ച​നാ​ട്ട് ജോ​യി​ന്‍റ് ക​ൺ​വീ​ന​റു​മാ​യു​ള്ള ക​മ്മി​റ്റി​യാ​ണ് 2025 വാ​ഴ്‌​വി​ന് ചു​ക്കാ​ൻ പി​ടി​ക്കു​ന്ന​ത്.

ഫി​നാ​ൻ​സ് ക​മ്മി​റ്റി​ക്ക് നേ​തൃ​ത്വം ന​ൽ​കു​ന്ന​ത് റെ​മി പ​ഴ​യി​ട​ത്ത്, എ​ബി നെ​ടു​വാ​മ്പു​ഴ എ​ന്നി​വ​രാ​ണ്.