4

റോം: ​ഇ​റ്റ​ലി​യി​ലെ ഇ​ന്ത്യ​ൻ വി​ദ്യാ​ർ​ഥി​ക​ളും പ്ര​വാ​സി​ക​ളും നേ​രി​ടു​ന്ന വി​വി​ധ പ്ര​ശ്ന​ങ്ങ​ൾ ച​ർ​ച്ച ചെ​യ്യു​ന്ന​തി​നാ​യി പ്ര​വാ​സി ലീ​ഗ​ൽ സെ​ൽ (പി​എ​ൽ​സി) ഇ​റ്റ​ലി ചാ​പ്റ്റ​ർ പ്ര​തി​നി​ധി​ക​ൾ റോ​മി​ലെ ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​രു​മാ​യി കൂ​ടി​ക്കാ​ഴ്ച ന​ട​ത്തി.

പി​എ​ൽ​സി ഇ​റ്റ​ലി ചാ​പ്റ്റ​ർ പ്ര​തി​നി​ധി സം​ഘ​ത്തി​ൽ പ്ര​ഫ. ജോ​സ് ഫി​ലി​പ്പ്, പ്രി​യ ജോ​ർ​ജ്, ലീ​ന ബ്രി​ട്ട​ൺ എ​ന്നി​വ​ർ ഉ​ൾ​പ്പെ​ടു​ന്നു. ഇ​ന്ത്യ​ൻ എം​ബ​സി​യി​ൽ ന​ട​ന്ന കൂ​ടി​ക്കാ​ഴ്ച​യി​ൽ ഡ​പ്യൂ​ട്ടി ചീ​ഫ് ഓ​ഫ് മി​ഷ​ൻ ഗൗ​ര​വ് ഗാ​ന്ധി​യും ഫ​സ്റ്റ് സെ​ക്ര​ട്ട​റി സു​ഭാ​ഷി​ണി ശ​ങ്ക​ര​നും പ​ങ്കെ​ടു​ത്തു.

ച​ർ​ച്ച​യി​ൽ വി​ദ്യാ​ർ​ഥി​ക​ളു​ടെ താ​മ​സാ​നു​മ​തി ല​ഭി​ക്കു​ന്ന​തി​ലു​ള്ള കാ​ല​താ​മ​സ​ങ്ങ​ൾ, വി​ദ്യാ​ർ​ഥി താ​മ​സ സൗ​ക​ര്യ​ങ്ങ​ളും റ​സി​ഡ​ൻ​സ് ര​ജി​സ്ട്രേ​ഷ​നും ഹെ​ൽ​ത്ത് കാ​ർ​ഡും ആ​രോ​ഗ്യ സേ​വ​ന​ങ്ങ​ളു​മാ​യി ബ​ന്ധ​പ്പെ​ട്ട ഉ​യ​ർ​ന്ന ചെ​ല​വു​ക​ളും പ്ര​തി​നി​ധി​ക​ൾ എം​ബ​സി​യു​ടെ ശ്ര​ദ്ധ​യി​ൽ​പ്പെ​ടു​ത്തി.

ഇ​തോ​ടൊ​പ്പം, ഇ​റ്റാ​ലി​യ​ൻ ഭാ​ഷ പ​ഠ​ന കേ​ന്ദ്രം ഇ​ന്ത്യ​ൻ എം​ബ​സി​യു​ടെ മേ​ൽ​നോ​ട്ട​ത്തി​ൽ സ്ഥാ​പി​ക്ക​ണ​മെ​ന്ന നി​ർ​ദേശ​വും ഇ​റ്റ​ലി​യി​ലെ ഇ​ന്ത്യ​ൻ വി​ദ്യാ​ർ​ഥി​ക​ൾ​ക്കാ​യി വാ​ർ​ഷി​ക ഓ​റി​യ​ന്റേ​ഷ​ൻ പ്രോ​ഗ്രാം സം​ഘ​ടി​പ്പി​ക്ക​ണ​മെ​ന്ന ആ​വ​ശ്യ​വും പി​എ​ൽ​സി മു​ന്നോ​ട്ടു​വ​ച്ചു.

ഇ​ന്ത്യ​യി​ൽ പ്ര​വ​ർ​ത്തി​ക്കു​ന്ന അ​ന​ധി​കൃ​ത ഏ​ജ​ൻ​സി​ക​ൾ ഇ​റ്റ​ലി​യി​ലേ​ക്ക് നി​യ​മ​വി​രു​ദ്ധ കു​ടി​യേ​റ്റം സം​ഘ​ടി​പ്പി​ച്ച് വ​ൻ തു​ക ഈ​ടാ​ക്കു​ന്ന പ്ര​വ​ണ​ത​യെ​യും പ്ര​തി​നി​ധി​ക​ൾ ചൂ​ണ്ടി​ക്കാ​ട്ടി.

ഉ​ന്ന​യി​ച്ച വി​ഷ​യ​ങ്ങ​ൾ ഗൗ​ര​വ​ത്തോ​ടെ പ​രി​ഗ​ണി​ക്കു​മെ​ന്നും തു​ട​ർ​ന​ട​പ​ടി​ക​ൾ സ്വീ​ക​രി​ക്കു​മെ​ന്നും എം​ബ​സി ഉ​ദ്യോ​ഗ​സ്ഥ​ർ ഉ​റ​പ്പു​ന​ൽ​കി.

Tags : pravasi legal cell italy chapter ndian embassy officials rome