25

റോം: ​ലോ​ക​ത്തെ ഏ​റ്റ​വും പ്ര​ശ​സ്ത​മാ​യ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലൊ​ന്നാ​യ ഇ​റ്റ​ലി​യു​ടെ ത​ല​സ്ഥാ​ന​മാ​യ റോ​മി​ലെ പു​രാ​ത​ന കൊ​ളോ​സി​യ​ത്തി​ൽ (Colosseum) അ​റ്റ​കു​റ്റ​പ്പ​ണി​ക്കി​ടെ തൊ​ഴി​ലാ​ളി വീ​ണു മ​രി​ച്ചു. അ​പ​ക​ട​ത്തെ​ത്തു​ട​ർ​ന്ന് ബു​ധ​നാ​ഴ്ച കൊ​ളോ​സി​യ​ത്തി​ലേ​ക്ക് വി​നോ​ദ​സ​ഞ്ചാ​രി​ക​ൾ​ക്കു​ള്ള പ്ര​വേ​ശ​നം അ​ധി​കൃ​ത​ർ പൂ​ർ​ണമാ​യി റ​ദ്ദാ​ക്കി.

ചൊ​വ്വാ​ഴ്ച രാ​ത്രി കൊ​ളോ​സി​യ​ത്തി​നു​ള്ളി​ൽ വെ​ളി​ച്ച വി​ത​ര​ണ സം​വി​ധാ​ന​ങ്ങ​ൾ (ലൈ​റ്റിം​ഗ് ഇ​ൻ​സ്റ്റ​ലേ​ഷ​ൻ) സ്ഥാ​പി​ക്കു​ന്ന ജോ​ലി​ക​ളി​ൽ ഏ​ർ​പ്പെ​ട്ടി​രു​ന്ന ആ​ൻ​ഡ്രി​യ മൊ​റെ​റ്റി (Andrea Moretti - 22) എ​ന്ന സാ​ങ്കേ​തി​ക വി​ദ​ഗ്ദ്ധ​നാ​യ യു​വാ​വാ​ണ് ഉ​യ​ര​ത്തി​ൽ​നി​ന്ന് കാ​ൽ​വ​ഴു​തി വീ​ണ് ദാ​രു​ണ​മാ​യി മ​ര​ണ​പെടുകയായിരുന്നു.

ക​ണ്ണീ​ര​ണി​ഞ്ഞ് രാ​ജ്യം; ദുഃ​ഖം രേ​ഖ​പ്പെ​ടു​ത്തി പ്ര​ധാ​ന​മ​ന്ത്രി

ദാ​രു​ണ സം​ഭ​വ​ത്തി​ൽ ഇ​റ്റാ​ലി​യ​ൻ പ്ര​ധാ​ന​മ​ന്ത്രി ജോ​ർ​ജി​യ മെ​ലോ​നി അ​തീ​വ ദുഃ​ഖ​വും ഞെ​ട്ട​ലും രേ​ഖ​പ്പെ​ടു​ത്തി.

"കൊ​ളോ​സി​യ​ത്തി​ൽ ജോ​ലി ചെ​യ്യു​ന്ന​തി​നി​ടെ ജീ​വ​ൻ ന​ഷ്ട​പ്പെ​ട്ട സ​മ​ർ​ത്ഥ​നാ​യ തൊ​ഴി​ലാ​ളി ആ​ൻ​ഡ്രി​യ മൊ​റെ​റ്റി​യു​ടെ വി​യോ​ഗ​വാ​ർ​ത്ത വ​ലി​യ ആ​ഘാ​ത​മാ​ണു​ണ്ടാ​ക്കി​യ​ത്. കേ​വ​ലം 22 വ​യ​സു​ള്ള ഒ​രു ചെ​റു​പ്പ​ക്കാ​ര​ൻ ഇ​ത്ത​ര​ത്തി​ൽ ജീ​വ​ൻ വെ​ടി​യേ​ണ്ടി വ​രു​ന്ന​ത് ഒ​ട്ടും അം​ഗീ​ക​രി​ക്കാ​നാ​വി​ല്ല — അ​തും ഉ​പ​ജീ​വ​ന​ത്തി​നാ​യി ജോ​ലി ചെ​യ്യു​ന്ന തൊ​ഴി​ലി​ട​ത്തി​ൽ വെ​ച്ച് സം​ഭ​വി​ക്കു​മ്പോ​ൾ അ​ത് ഏ​റെ വേ​ദ​നാ​ജ​ന​ക​മാ​ണ്" — പ്ര​ധാ​ന​മ​ന്ത്രി പ്ര​സ്താ​വ​ന​യി​ൽ വ്യ​ക്ത​മാ​ക്കി.

സ​ന്ദ​ർ​ശ​ക​ർ​ക്ക് ക​ർ​ശ​ന വി​ല​ക്ക്; പോലീ​സ് അ​ന്വേ​ഷ​ണം

അ​പ​ക​ടം ന​ട​ന്ന​യു​ട​ൻ, യു​വാ​വ് വീ​ണ ര​ണ്ടാ​മ​ത്തെ ത​ട്ട് (second-tier section) ദുഃ​ഖ​സൂ​ച​ക​മാ​യി അ​ധി​കൃ​ത​ർ അ​ട​ച്ചി​ട്ടി​രു​ന്നു. എ​ന്നാ​ൽ പി​ന്നീ​ട് സ്ഥി​തി​ഗ​തി​ക​ൾ വി​ല​യി​രു​ത്തി​യ സാം​സ്കാ​രി​ക മ​ന്ത്രാ​ല​യം, നി​ല​വി​ൽ അ​ക​ത്തു​ണ്ടാ​യി​രു​ന്ന സ​ന്ദ​ർ​ശ​ക​രെ ക്ര​മ​പ്ര​കാ​രം പു​റ​ത്തി​റ​ക്കി​യ ശേ​ഷം ച​രി​ത്ര സ്മാ​ര​കം പൊ​തു​ജ​ന​ങ്ങ​ൾ​ക്കാ​യി പൂ​ർ​ണ്ണ​മാ​യി അ​ട​ച്ചി​ടാ​ൻ ഉ​ത്ത​ര​വി​ടു​ക​യാ​യി​രു​ന്നു.

അ​പ​ക​ട​ത്തി​ലേ​ക്ക് ന​യി​ച്ച യ​ഥാ​ർ​ത്ഥ സാ​ഹ​ച​ര്യ​ങ്ങ​ളെ​ക്കു​റി​ച്ചും തൊ​ഴി​ലി​ട​ങ്ങ​ളി​ലെ സു​ര​ക്ഷാ വീ​ഴ്ച​ക​ളെ​ക്കു​റി​ച്ചും ഇ​റ്റാ​ലി​യ​ൻ പൊ​ലീ​സ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

പ്ര​തി​ദി​നം ഇ​രു​പ​തി​നാ​യി​ര​ത്തോ​ളം സ​ഞ്ചാ​രി​ക​ൾ എ​ത്തു​ന്ന കേ​ന്ദ്രം

എ​ഡി ഒ​ന്നാം നൂ​റ്റാ​ണ്ടി​ൽ നി​ർ​മ്മി​ച്ച്, ഗ്ലാ​ഡി​യേ​റ്റ​ർ പോ​രാ​ട്ട​ങ്ങ​ൾ​ക്കും മൃ​ഗ​വേ​ട്ട​ക​ൾ​ക്കും വേ​ദി​യാ​യി​രു​ന്ന ലോ​ക​ത്തി​ലെ ഏ​റ്റ​വും വ​ലി​യ ആം​ഫി തി​യേ​റ്റ​റാ​ണ് റോ​മി​ലെ കൊ​ളോ​സി​യം. ഒ​രേ​സ​മ​യം അ​മ്പ​തി​നാ​യി​ര​ത്തോ​ളം കാ​ണി​ക​ളെ ഉ​ൾ​ക്കൊ​ള്ളാ​ൻ ശേ​ഷി​യു​ള്ള ഈ ​ച​രി​ത്ര വി​സ്മ​യം കാ​ണാ​ൻ നി​ത്യേ​ന ഇ​രു​പ​തി​നാ​യി​ര​ത്തോ​ളം സ​ഞ്ചാ​രി​ക​ളാ​ണ് ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നു​മെ​ത്തു​ന്ന​ത്.

ഇ​റ്റ​ലി​യി​ൽ തൊ​ഴി​ലി​ട​ങ്ങ​ളി​ലെ സു​ര​ക്ഷാ വീ​ഴ്ച​ക​ൾ കാ​ര​ണ​മു​ണ്ടാ​കു​ന്ന മ​ര​ണ​ങ്ങ​ൾ​ക്കെ​തി​രെ പ്ര​തി​ഷേ​ധം ശ​ക്ത​മാ​യി​ക്കൊ​ണ്ടി​രി​ക്കു​ന്ന സാ​ഹ​ച​ര്യ​ത്തി​ൽ, രാ​ജ്യ​ത്തിന്‍റെ മു​ഖ​മു​ദ്ര​യാ​യ ച​രി​ത്ര സ്മാ​ര​ക​ത്തി​നു​ള്ളി​ൽ വെ​ച്ചു​ണ്ടാ​യ ഈ ​ദു​ര​ന്തം ഇ​റ്റാ​ലി​യ​ൻ പൊ​തു​സ​മൂ​ഹ​ത്തി​ൽ വ​ലി​യ ച​ർ​ച്ച​ക​ൾ​ക്ക് വ​ഴി​വെ​ച്ചി​രി​ക്കു​ക​യാ​ണ്.

Tags : Deepika DeepikaNewspaper BreakingNews NewsUpdate Worker dies after falling at Rome's historic Colosseum