ലോ​കം മ​റ​ക്കാ​ത്ത പാ​ട്ടി​ന്‍റെ ദൃ​ശ്യ​വി​സ്മ​യം
ആ​ൽ​പ്സ് പ​ർ​വ​ത​ശി​ഖ​ര​ങ്ങ​ളു​ടെ ഓ​ര​ത്ത് സാ​ൽ​സ്ബ​ർ​ഗ് എ​ന്ന ഓ​സ്ട്രി​യ​ൻ പ​ട്ട​ണം പ്ര​സി​ദ്ധ വി​നോ​ദ​സ​ഞ്ചാ​ര കേ​ന്ദ്ര​മാ​ണ്. സം​ഗീ​ത ച​ക്ര​വ​ർ​ത്തി​യാ​യി​രു​ന്ന മൊസാ​ർ​ട്ടി​ന്‍റെ ജന്മനാ​ട് എ​ന്ന നി​ല​യി​ലാ​ണ് ജ​ർ​മ​ൻ​കാ​രും ഓ​സ്ട്രി​യ​ക്കാ​രും സാ​ൽ​സ്ബ​ർ​ഗി​നെ ഇ​ഷ്ട​പ്പെ​ടു​ന്ന​തെ​ങ്കി​ലും യൂ​റോ​പ്പി​നു പു​റ​ത്തു​നി​ന്നു​ള്ള സ​ഞ്ചാ​രി​ക​ളു​ടെ മ​ന​സി​ൽ ഇ​ത് സൗ​ണ്ട് ഓ​ഫ് മ്യൂ​സി​ക് എ​ന്ന വി​ഖ്യാ​ത സി​നി​മ ചി​ത്രീ​ക​രി​ച്ച സ്ഥ​ല​മാ​യാ​ണ് ഇ​ടം നേ​ടി​യ​ത്.

1965 ൽ ​ലോ​ക​മെ​ന്പാ​ടു​മു​ള്ള ച​ല​ച്ചി​ത്ര പ്രേ​മി​ക​ൾ​ക്ക് ദൃ​ശ്യ-​ശ്രാ​വ്യ വി​രു​ന്നൊ​രു​ക്കി അ​ഞ്ച് ഓ​സ്ക​ർ അ​വാ​ർ​ഡു​ക​ളും ഒ​പ്പം ബോ​ക്സ് ഓ​ഫീ​സി​ൽ വ​ൻ വി​ജ​യ​വും നേ​ടി അ​ഞ്ചു പ​തി​റ്റാ​ണ്ടു ക​ഴി​ഞ്ഞി​ട്ടും പ്രേ​ക്ഷ​ക​ർ ആ​ഘോ​ഷി​ക്കു​ന്ന ക്ലാ​സി​ക്കാ​ണ് സൗ​ണ്ട് ഓ​ഫ് മ്യൂ​സി​ക്. ഹോ​ളി​വു​ഡ് സി​നി​മ​യു​ടെ സു​വ​ർ​ണ​കാ​ല​ത്തി​ന്‍റെ ഉ​ച്ച​സ്ഥാ​യി​യെ അ​ട​യാ​ള​പ്പെ​ടു​ത്തു​ന്ന പ്ര​മു​ഖ ചി​ത്ര​ങ്ങ​ളി​ലൊ​ന്നാ​ണി​ത്. ഗാ​യി​ക​യും ന​ടി​യു​മാ​യ ജൂ​ലി ആ​ൻ​ഡ്രൂ​സി​നെ ലോ​കം ഓ​ർ​ക്കു​ന്ന​ത് ഈ ​ചി​ത്ര​ത്തി​ലൂ​ടെ​യാ​ണ്. ഒ​പ്പം ക്രി​സ്റ്റ​ഫ​ർ പ്ല​മ്മ​റും.

സൗ​ണ്ട് ഓ​ഫ് മ്യൂ​സി​ക്കി​ന്‍റെ പ​ശ്ചാ​ത്ത​ലം ര​ണ്ട് ലോ​ക​യു​ദ്ധ​ങ്ങ​ൾ​ക്കി​ട​യി​ലു​ള്ള യൂ​റോ​പ്പി​ന്‍റെ സാ​ഹ​ച​ര്യ​ങ്ങ​ളാ​ണ്. അ​നാ​ഥ​യാ​യി ക​ന്യാ​സ്ത്രീ​മ​ഠ​ത്തി​ൽ വ​ള​ർ​ന്ന ഒ​രു പെ​ണ്‍​കു​ട്ടി​യു​ടെ​യും അ​വ​ളു​ടെ നേ​തൃ​ത്വ​ത്തി​ൽ പി​ൽ​ക്കാ​ല​ത്ത് പ്ര​സി​ദ്ധ​മാ​യി​ത്തീ​ർ​ന്ന ട്രാ​പ് ഫാ​മി​ലി സിം​ഗേ​ഴ്സ് എ​ന്ന സം​ഗീ​ത കു​ടും​ബ​ത്തി​ന്‍റെ​യും ക​ഥ.

അ​നാ​ഥാ​ല​യ​ത്തി​ൽ​നി​ന്ന് സ​ന്യാ​സി​നാ​യാ​കാൻ ആ​ഗ്ര​ഹി​ച്ച് ക​ന്യ​കാ​ല​യ​ത്തി​ൽ ചേ​ർ​ന്ന മ​രി​യ ഏ​റെ താ​മ​സി​യാ​തെ വി​ഭാ​ര്യ​നും പ​ത്തു​മ​ക്ക​ളു​ടെ പി​താ​വു​മാ​യ ക്യാ​പ്റ്റ​ൻ ജോ​ർ​ജ് ഫോ​ണ്‍​ടോ​പ്പി​ന്‍റെ മ​ക്ക​ളു​ടെ പ​രി​ശീ​ല​ക​യാ​യി നി​യോ​ഗി​ക്ക​പ്പെ​ട്ടു. ത​ന്‍റെ കു​ട്ടി​ക​ൾ​ക്ക് ഏ​റെ പ്രി​യ​ങ്ക​രി​യാ​യ മ​രി​യ​യോ​ട് ക്യാ​പ്റ്റ​ൻ വി​വാ​ഹാ​ഭ്യ​ർ​ഥ​ന ന​ട​ത്തു​ക​യും മ​ഠാ​ധി​പ​യു​ടെ അ​നു​ഗ്ര​ഹ​ത്തോ​ടെ മ​രി​യ ഫോ​ണ്‍ ട്രാ​പ് കു​ടും​ബ​ത്തി​ന്‍റെ അ​മ്മ​യും സം​ഗീ​ത ട്രൂ​പ്പി​ന്‍റെ നാ​യി​ക​യു​മാ​യി. ഫാ. ​ഫ്രി​ൻ​സ് വാ​സ്ന​ർ എ​ന്ന സം​ഗീ​ത പ​രി​ശീ​ല​ക​ൻ ഫോ​ണ്‍​ട്രാ​പ്പ് ക്വ​യ​റി​നെ യൂ​റോ​പ്പി​ലെ അ​റി​യ​പ്പെ​ടു​ന്ന ഗാ​യ​ക സം​ഘ​മാ​ക്കി വ​ള​ർ​ത്തി.

യൂ​റോ​പ്പ് ര​ണ്ടാം ലോ​ക​യു​ദ്ധ​ത്തി​ലേ​ക്ക് നീ​ങ്ങി​ക്കൊ​ണ്ടി​രു​ന്ന കാ​ല​ത്ത് യൂ​റോ​പ്പി​ൽ പ​ര്യ​ട​ന​ത്തി​ലാ​യി​രു​ന്ന ഫോ​ണ്‍​ട്രാ​പ്പ് കു​ടും​ബം ഓ​സ്ട്രിയ ​ഹി​റ്റ്‌ലർ പി​ടി​ച്ചെ​ടു​ത്ത സാ​ഹ​ച​ര്യ​ത്തി​ൽ 1938ൽ ​അ​മേ​രി​ക്ക​യി​ലേ​ക്ക് പോ​യി. അ​വി​ടെ സം​ഘം സം​ഗീ​തം ജീ​വി​ത​മാ​ർ​ഗ​മാ​ക്കി ക​ഴി​ഞ്ഞു. ഇം​ഗ്ല​ണ്ടി​ൽ വെ​സ്റ്റ് എ​ൻ​ഡ് തി​യ​റ്റ​റി​ലും ന്യൂ​യോ​ർ​ക്കി​ലെ ബ്രോ​ഡ് വേയ​ട​ക്കം പ​ല​യി​ട​ങ്ങ​ളി​ലും സം​ഗീ​ത സ​ദ​സു​ക​ൾ അ​വ​ത​രി​പ്പി​ച്ചു. യു​ദ്ധ​കാ​ലം ക​ഴി​ഞ്ഞ​പ്പോ​ൾ ഓ​സ്ട്രി​യ​യി​ൽ കെ​ടു​തി​ക​ൾ​ക്ക് ഇ​ര​യാ​യ​വ​ർ​ക്ക് ട്രാ​പ് ഫാ​മി​ലി ഓ​സ്ട്രി​യ​ൻ റി​ലീ​ഫ് എ​ന്ന പേ​രി​ൽ സം​ഗീ​ത സം​ഗീ​ത പ​ര്യ​ട​നം വ​ഴി സ​ഹാ​യ​നി​ധി സം​ഭ​രി​ച്ച് ജീ​വ​കാ​രു​ണ്യ പ്ര​വ​ർ​ത്ത​ന​വും ന​ട​ത്തി. ര​ണ്ട് പ​തി​റ്റാ​ണ്ടി​ന്‍റെ സം​ഗീ​ത സ​പ​ര്യ​യു​ടെ അ​വ​സാ​ന​ത്തി​ൽ വെ​ർ​മ​ണ്ടി​ൽ കോ​ർ​യൂ​നം എ​ന്ന പേ​രി​ൽ അ​റി​യ​പ്പെ​ടു​ന്ന എ​സ്റ്റേ​റ്റി​ൽ സ്ഥി​ര​താ​മ​സ​വു​മാ​ക്കി.

ഇ​തി​നി​ട​യി​ൽ സ്നേ​ഹി​ത​യു​ടെ നി​ർ​ബ​ന്ധ​ത്തി​ന് വ​ഴ​ങ്ങി മ​രി​യ ഫോ​ണ്‍​ട്രാ​പ്പ് ദ ​സ്റ്റോ​റി ഓ​ഫ് ദ ​ട്രാ​പ്പ് ഫാ​മി​ലി സിം​ഗേ​ഴ്സ് എ​ന്ന പേ​രി​ൽ ത​ന്‍റെ ഓ​ർ​മ​ക്കു​റി​പ്പു​ക​ൾ പ്ര​സി​ദ്ധീ​ക​രി​ച്ചു. ശ്ര​ദ്ധേ​യ​മാ​യ ഈ ​ക​ഥ​യെ അ​ധി​ക​രി​ച്ച് 1956ലും 58​ലും ര​ണ്ട് ജ​ർ​മ​ൻ ച​ല​ച്ചി​ത്ര​ങ്ങ​ൾ നി​ർ​മി​ക്ക​പ്പെ​ട്ടു. 1959ൽ ​ഈ കു​ടും​ബ​ക​ഥ ബ്രോ​ഡ്‌വെ​യി​ൽ സം​ഗീ​ത നാ​ട​ക​മാ​യി അ​വ​ത​രി​പ്പി​ക്ക​പ്പെ​ട്ട​ത് വ​ൻ​വി​ജ​യ​മാ​യി​രു​ന്നു. 1443 ത​വ​ണ അ​വ​ത​രി​പ്പി​ക്ക​പ്പെ​ട്ട നാ​ട​കം ഹോ​ളി​വു​ഡ് ഏ​റ്റെ​ടു​ത്തു. അ​ങ്ങ​നെ​യാ​ണ് 1965ൽ ​സൗ​ണ്ട് ഓ​ഫ് മ്യൂ​സി​ക് അ​വ​ത​രി​പ്പി​ക്ക​പ്പെ​ട്ട​ത്.

റോ​ബ​ർ​ട്ട് വൈ​സി​ന്‍റെ സം​വി​ധാ​ന​ത്തി​ൽ റി​ച്ചാ​ഡ് റോ​ഡ്ജേ​ഴ്സ്, ഓ​സ്ക​ർ ഹാ​മ​ർ​സ്റ്റീ​ൽ ദ്വ​യം ഒ​രു​ക്കി​യ ഗാ​ന​ങ്ങ​ളു​മാ​യി ഇ​റ​ങ്ങി​യ ഈ ​ചി​ത്രം സെ​ഞ്ച്വ​റി ഫോ​ക്സാ​ണ് വി​ത​ര​ണം ചെ​യ്ത​ത്. ഇ​ന്ത്യ​യ​ട​ക്കം ഏ​ഷ്യ​ൻ രാ​ജ്യ​ങ്ങ​ളി​ലും ചി​ത്രം വ​ൻ​വി​ജ​യം നേ​ടി. മു​ൻപൊരു ഹോ​ളി​വു​ഡ് സി​നി​മ​യ്ക്കും ല​ഭി​ച്ചി​ട്ടി​ല്ലാ​ത്ത സ​മ്മ​തി നേ​ടി ച​രി​ത്രം സൃ​ഷ്ടി​ച്ചു.

മൂ​ന്നു മ​ണി​ക്കൂ​ർ ക​ഥ​യി​ൽ മു​ഖ്യ​ഭാ​ഗ​ങ്ങ​ളും ചി​ത്രീ​ക​രി​ച്ചി​രി​ക്കു​ന്ന​ത് സാ​ൽ​സ്ബ​ർ​ഗി​ലും പ​രി​സ​ര പ്ര​ദേ​ശ​ങ്ങ​ളി​ലു​മാ​ണ്. അ​തേ​സ​മ​യം യ​ഥാ​ർ​ഥ ജീ​വി​ത​ക​ഥ​യി​ൽ ഹോ​ളി​വു​ഡ് സി​നി​മ​യു​ടെ പ്ര​ത്യേ​കി​ച്ച് മ്യൂ​സി​ക്ക​ൽ ഇ​ന​ത്തി​ൽ വ​രു​ന്ന ചി​ത്രം എ​ന്ന നി​ല​യി​ൽ ക​ഥാ​പാ​ത്ര​ങ്ങ​ൾ​ക്കും സ​ന്ദ​ർ​ഭ​ങ്ങ​ൾ​ക്കും മാ​റ്റ​ങ്ങ​ൾ വ​രു​ത്തി​യി​ട്ടു​ണ്ടെ​ന്ന​തും മ​റ​ന്നു​കൂ​ടാ. ഇ​തേ​പ്പ​റ്റി ട്രാ​പ് കു​ടും​ബം ത​ന്നെ​യും പ​രാ​തി​പ്പെ​ട്ടി​ട്ടു​ണ്ട്. ഫോ​ണ്‍​ട്രാ​പ് കു​ടും​ബ​ത്തി​ന്‍റെ ക​ഥ 2015ൽ ​വീ​ണ്ടും ദ ​ഫോ​ണ്‍​ട്രാ​പ് ഫാ​മി​ലി എ ​ലൈ​ഫ് ഓ​ഫ് മ്യൂ​സി​ക് എ​ന്ന പേ​രി​ൽ ച​ല​ച്ചി​ത്ര​മാ​ക്കു​ക​യു​ണ്ടാ​യി.

ജിജി ജോസഫ് കൂട്ടുമ്മേൽ


Copyright @ 2022 , Rashtra Deepika Ltd.