ചങ്ങനാശേരി: കൂട്ടായ്മയിൽ ഊന്നിയ സമുദായിക പ്രവർത്തനം സമൂഹ നന്മയ്ക്ക് ഉപയുക്തമാകുമെന്നും ഒറ്റയ്ക്കു വളരാമെന്ന ചിന്ത ഒരുമിച്ചുള്ള തകർച്ചയിൽ അവസാനിക്കുമെന്നും ബിഷപ് മാർ തോമസ് തറയിൽ. കത്തോലിക്ക കോൺഗ്രസ് ചങ്ങനാശേരി അതിരൂപതയുടെ 2024-27 പ്രവർത്തന വർഷത്തെ ഭാരവാഹികളുടെ സത്യപ്രതിജ്ഞാ ചടങ്ങും പ്രഥമ നിർവാഹകസമിതി യോഗവും ഉദ്ഘാടനം ചെയ്യുകയായിരുന്നു അദ്ദേഹം.
കത്തോലിക്കാ കോൺഗ്രസ് ചങ്ങനാശേരി അതിരൂപത പ്രസിഡന്‍റ് ബിജു സെബാസ്റ്റ്യൻ അധ്യക്ഷത വഹിച്ചു. ഗ്ലോബൽ ജനറൽ സെക്രട്ടറി രാജീവ് കൊച്ചുപറമ്പിൽ മുഖ്യസന്ദേശം നല്കി.
ഡയറക്ടർ ഫാ. സെബാസ്റ്റ്യൻ ചാമക്കാല, ജാഗ്രതാസമിതി ഡയറക്ടർ ഫാ. ജയിംസ് കൊക്കാവയലിൽ, ജനറൽ സെക്രട്ടറി ബിനു ഡൊമിനിക് നടുവിലേഴം, ട്രഷറർ ജോസ് ജോൺ വെങ്ങാന്തറ, ഗ്ലോബൽ സമിതി അംഗം രാജേഷ് ജോൺ,
ഭാരവാഹികളായ ജേക്കബ് നിക്കോളാസ്, സി.ടി. തോമസ്, റോസിലിൻ കുരുവിള, ജിനോ ജോസഫ്, ജോർജുകുട്ടി മുക്കത്ത്, ജോബി ചൂരക്കുളം, കുഞ്ഞ് കളപ്പുര, ജെസി ആന്‍റണി, സി.സി. സെബാസ്റ്റ്യൻ, സേവ്യർ തോമസ്, സൈബി അക്കര, കെ.എസ്. ആന്‍റണി, സെബാസ്റ്റ്യൻ പുല്ലാട്ടുകാല, പി.സി. കുഞ്ഞപ്പൻ, സെബാസ്റ്റ്യൻ വർഗീസ് എന്നിവര്‍ പ്രസംഗിച്ചു.