കാ​ട്ടു​പോ​ത്തി​ന്‍റെ ആ​ക്ര​മ​ണ​ം: ഫോ​റ​സ്റ്റ​ർ​ക്കും വാ​ച്ച​ർ​ക്കും പ​രി​ക്ക്
Monday, April 29, 2024 11:21 PM IST
കു​മ​ളി: മം​ഗ​ളാ​ദേ​വി ക​ർ​ണ​കി ക്ഷേ​ത്ര​ത്തി​നു സ​മീ​പം കാ​ട്ടു​പോ​ത്തി​ന്‍റ അ​ക്ര​മ​ണ​ത്തി​ൽ ര​ണ്ടു ത​മി​ഴ്നാ​ട് വ​ന​പാ​ല​ക​ർ​ക്ക് ഗു​രു​ത​ര​മാ​യി പ​രി​ക്കേ​റ്റു. ഗൂ​ഡ​ല്ലൂ​ർ ഫോ​റ​സ്റ്റ് സ്റ്റേ​ഷ​നി​ലെ ഫോ​റ​സ്റ്റ​ർ ഭൂ​പ​തി, വാ​ച്ച​ർ സു​മ​ൻ എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​വ​രെ തേ​നി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

മം​ഗ​ളാ​ദേ​വി ക്ഷേ​ത്ര​ത്തി​നു സ​മീ​പം അ​ടി​വാ​ര​ത്ത് ത​മി​ഴ്നാ​ട് വ​ന​മേ​ഖ​ല​യി​ൽ ഇ​ന്ന​ലെ രാ​വി​ലെ പ​തി​നൊ​ന്നോ​ടെ​യാ​ണ് സം​ഭ​വം.

വ​ര​യാ​ടി​ന്‍റെ ക​ണ​ക്കെ​ടു​ക്കാ​നെ​ത്തി​യ പ​ത്തം​ഗ സം​ഘ​ത്തി​ൽപ്പെ​ട്ട​വ​രാ​യി​രു​ന്നു ഇ​രു​വ​രും. മ​ല​യി​ൽ മേ​ഞ്ഞു ന​ട​ന്നി​രു​ന്ന ഒ​റ്റ​യാ​ൻ പോ​ത്തി​ന്‍റെ മു​ന്നി​ൽ വ​ന​പാ​ല​ക​ർ പെ​ടു​ക​യാ​യി​രു​ന്നു. സു​മ​ന്‍റെ ഇ​രു​കാ​ലു​ക​ൾ​ക്കും ഒ​ടി​വു​ണ്ട്. വി​വ​രം ല​ഭി​ച്ച​തി​നെത്തു​ട​ർ​ന്നു തേ​ക്ക​ടി​യി​ൽനി​ന്നു വ​ന​പാ​ല​ക​ർ എ​ത്തി​ച്ച ആം​ബു​ല​ൻ​സി​ൽ ഇ​രു​വ​രേ​യും ക​ന്പം സ​ർ​ക്കാ​ർ ആ​ശു​പ​ത്രി​യി​ലെ​ത്തി​ച്ച ശേ​ഷം തേ​നി മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി.

ക​ന​ത്ത വേ​ന​ലി​ൽ വ​ന​ത്തി​ലെ ജ​ല​സ്രോ​ത​സു​ക​ൾ വ​റ്റി വ​ര​ളു​ക​യും പു​ൽ​മേടു​ക​ൾ ക​രി​ഞ്ഞു​ണ​ങ്ങു​ക​യും ചെ​യ്തി​ട്ടു​ണ്ടെ​ങ്കി​ലും ക്ഷേ​ത്ര​ത്തി​ന്‍റെ താ​‌ഴ്‌വാ​ര​ത്ത് പു​ല്ലും വ​റ്റാ​ത്ത കു​ടി​വെ​ള്ള​വും ഉ​ള്ള​തി​നാ​ൽ ഈ ​പ്ര​ദേ​ശ​ത്ത് വ​ന്യ​മൃ​ഗ സാ​ന്നി​ധ്യം ഏ​റെ​യു​ണ്ട്.

Copyright @ 2022 , Rashtra Deepika Ltd.