കോട്ടയം: കേരള കോ ഓപ്പറേറ്റീവ് എംപ്ലോയിസ് ഫ്രണ്ട് സംസ്ഥാന കൗണ്സില് അവകാശ സംരക്ഷണ ദിനം നാളെ ആചരിക്കും. മാതൃസംഘടനയായ കേരള കോ ഓപ്പറേറ്റീവ് എംപ്ലോയീസ് ഫെഡറേഷന്റെ രൂപീകരണത്തിന്റെ 60-ാം വാര്ഷികവും 80-ാം വകുപ്പ് അനുബന്ധ ചട്ടങ്ങളുടെ 50-ാം വാര്ഷികവും സംഘടിപ്പിക്കും.
മാമ്മന് മാപ്പിള ഹാളില് നാളെ രാവിലെ ഒമ്പതിനു രജിസ്ട്രേഷന്, 9.45നു പതാക ഉയര്ത്തല്. 10നു ഗാന്ധിസ്ക്വയറില്നിന്നു മാമ്മന് മാപ്പിള ഹാളിലേക്ക് മേയ് ദിന റാലി നടത്തും. 11നു സംസ്ഥാന കൗണ്സിലും യാത്രയയപ്പും. തിരുവഞ്ചൂര് രാധാകൃഷ്ണന് എംഎല്എ ഉദ്ഘാടനം ചെയ്യും. സംസ്ഥാന പ്രസിഡന്റ് എം. രാജു അധ്യക്ഷത വഹിക്കും.
മോന്സ് ജോസഫ് എംഎല്എ, കെ.കെ. സന്തോഷ്, ഇ.ഡി. സാബു, ജോഷി ഫിലിപ്പ്, ജി. ഗോപകുമാര്, എബിസണ് കെ. ഏബ്രഹാം, ടി.സി. ലൂക്കോസ്, സി.കെ. മുഹമ്മദ് മുസ്തഫ, സി. ശ്രീകല തുടങ്ങിയവര് പ്രസംഗിക്കും. ഉച്ചകഴിഞ്ഞ് 1.30നു ചേരുന്ന സമ്മേളനം പ്രതിപക്ഷനേതാവ് വി.ഡി. സതീശന് ഉദ്ഘാടനം ചെയ്യും. ഇ.ഡി. സാബു, എം.എന്. ഗോപാലകൃഷ്ണ പണിക്കര്, നാട്ടകം സുരേഷ്, ഫില്സണ് മാത്യൂസ്, ഫിലിപ്പ് ജോസഫ്, ടി.വി. ഉണ്ണികൃഷ്ണന്, സി.വി. അജയന്, ശ്രീജി എസ്. നാഥ്, രാജു മാത്യു തുടങ്ങിയവര് പ്രസംഗിക്കും.