ബിഹാറില്‍ വനിതാ കോണ്‍സ്റ്റബിളിനെ സഹപ്രവര്‍ത്തകന്‍ വെടിവച്ചു
Monday, June 16, 2025 5:04 AM IST
ഭാഭുവ: ബിഹാറിലെ കൈമൂറില്‍ വനിതാ കോണ്‍സ്റ്റബിളിനു നേരേ സഹപ്രവര്‍ത്തകന്‍ വെടിയുതിര്‍ത്തു. കോണ്‍സ്റ്റബിള്‍ സരിതകുമാരി (28)ക്കു നേര്‍ക്കാണ് ബന്ധുകൂടിയായ സഹപ്രവര്‍ത്തകന്‍ അജയ് പാസ്വാന്‍ വെടിയുതിര്‍ത്തത്.
ഇന്നലെ പുലര്‍ച്ചെ 4.30ന് കുദ്ര പ്രദേശത്താണ് സംഭവം. ഭര്‍ത്താവിനൊപ്പം ബൈക്കില്‍ സഞ്ചിരിക്കുകയായിരുന്ന സരിതയ്ക്കു നേരേ പാസ്വാൻ വെടിയുതിര്‍ക്കുകയായിരുന്നു. സംഭവത്തിനു പിന്നില്‍ പണമിടപാട് സംബന്ധിച്ച തര്‍ക്കമാണെന്നാണ് പോലീസ് പറയുന്നത്.
പരിക്കേറ്റ സരിത അപകടനില തരണംചെയ്തതായി ആശുപത്രി അധികൃതർ അറിയിച്ചു. അജയ് പാസ്വാനുവേണ്ടി അന്വേഷണം ആരംഭിച്ചതായി പോലീസ് പറഞ്ഞു.