ഭാര്യയുടെ ചിതാഭസ്മം നിമജ്ജനം ചെയ്തു മടങ്ങിയ അർജുന് ദാരുണാന്ത്യം
Saturday, June 14, 2025 2:33 AM IST
ഭാര്യയുടെ ചിതാഭസ്മം നിമജ്ജനം ചെയ്തശേഷം ലണ്ടനിലേക്കു മടങ്ങുകയായിരുന്ന അർജുൻ പട്ടോളിയയ്ക്ക് അഹമ്മദാബാദ് വിമാനദുരന്തത്തിൽ ദാരുണാന്ത്യം. ഏതാനും ദിവസംമുന്പാണ് അർജുന്‍റെ ഭാര്യ ഭാരതി മരിച്ചത്.
ഗുജറാത്തിലെ അമ്രേലി ജില്ലയിലെ വാദിയ ഗ്രാമത്തിൽ തന്‍റെ ചിതാഭസ്മം നിമജ്ജനം ചെയ്യണമെന്നത് ഭാരതിയുടെ ആഗ്രഹമായിരുന്നു. അതിനാണ് അർജുനെത്തിയത്. ചിതാഭസ്മം നിമജ്ജനം ചെയ്തശേഷം ലണ്ടനിലുള്ള മക്കളുടെ അടുത്തേക്കു പോകുകയായിരുന്നു അർജുൻ.
എട്ടും നാലും വയസ് പ്രായമുള്ള രണ്ടു പെണ്‍മക്കളാണ് ഇദ്ദേഹത്തിനുള്ളത്.