ന്യൂഡൽഹി: ര​ണ്ടു മ​ല​യാ​ളി ക​ന്യാ​സ്ത്രീ​ക​ൾ​ക്കു​ നേ​രേ ബ​ജ്‌​രം​ഗ് ദ​ൾ പ്ര​വ​ർ​ത്ത​ക​ർ ന​ട​ത്തി​യ ആ​ക്ര​മ​ണ​ത്തി​ലും വൈ​ദി​ക​ർ​ക്കു​നേ​രെ മ​ഹാ​രാ​ഷ്‌​ട്ര എം​എ​ൽ​എ ന​ട​ത്തി​യ പ്ര​കോ​പ​ന​പ​ര​മാ​യ പ​രാ​മ​ർ​ശ​ത്തി​ലും സി​ബി​സി​ഐ ആ​ശ​ങ്ക പ്ര​ക​ടി​പ്പി​ച്ചു.

ന്യൂ​ന​പ​ക്ഷ​ങ്ങ​ൾ​ക്കെ​തി​രേ വ​ർ​ധി​ച്ചു​വ​രു​ന്ന ആ​ക്ര​മ​ണ​ത്തി​ൽ ഭ​ര​ണ​ഘ​ട​നാ മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ക്കാ​ൻ ചു​മ​ത​ല​പ്പെ​ട്ട​വ​ർ മൗ​നം പാ​ലി​ക്കു​ന്ന​ത് കൂ​ടു​ത​ൽ അ​സ്വ​സ്ഥ​ത ഉ​ള​വാ​ക്കു​ന്ന​താ​ണ്.

മ​ത​പ​രി​വ​ർ​ത്ത​നം ന​ട​ത്താ​ൻ പെ​ണ്‍കു​ട്ടി​ക​ളെ ക​ട​ത്തി​ക്കൊ​ണ്ടു​പോ​കു​ന്നു എ​ന്നാ​രോ​പി​ച്ച് ചേ​ർ​ത്ത​ല ആ​സ്ഥാ​ന​മാ​യ അ​സീ​സി സി​സ്റ്റേ​ഴ്സ് ഓ​ഫ് മേ​രി ഇ​മ്മാ​കു​ലേ​റ്റ് (ഗ്രീ​ൻ ഗാ​ർ​ഡ​ൻ​സ്) സ​ന്യാ​സ​സ​ഭ​യി​ലെ അം​ഗ​ങ്ങ​ളാ​യ സി​സ്റ്റ​ർ പ്രീ​തി മേ​രി, സി​സ്റ്റ​ർ വ​ന്ദ​ന ഫ്രാ​ൻ​സി​സ് എ​ന്നി​വ​രോ​ട് പ​ക​യോ​ടു​കൂ​ടി​യ സ​മീ​പ​ന​മാ​യി​രു​ന്നു.


ദേ​ശ​വി​രു​ദ്ധ സം​ഘ​ട​ന​ക​ളാ​ണ് ഇ​തി​നു പി​ന്നി​ൽ. ഈ ​സം​ഘ​ട​ന​ക​ളെ നി​രോ​ധി​ക്ക​ണ​മെ​ന്നും സി​ബി​സി​ഐ വാ​ർ​ത്താ​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു. മ​ഹാ​രാ​ഷ്‌​ട്ര​യി​ലെ ബി​ജെ​പി എം​എ​ൽ​എ വൈ​ദി​ക​രെ മ​ർ​ദിക്കുന്നവർക്ക് പ്ര​തി​ഫ​ലം പ്ര​ഖ്യാ​പി​ച്ചു. പ്ര​കോ​പ​ന​പ​ര​മാ​യ കു​റ്റ​കൃ​ത്യം ക​ണ്‍മു​ന്നി​ൽ ന​ട​ന്നി​ട്ടും കേ​സെ​ടു​ക്കാ​ൻ ബ​ന്ധ​പ്പെ​ട്ട അ​ധി​കൃ​ത​ർ തയാ​റാ​യി​ല്ലെ​ന്നും മെ​ത്രാ​ൻ​ സ​മി​തി ചൂ​ണ്ടി​ക്കാ​ട്ടി.

പ്ര​ധാ​ന​മ​ന്ത്രി​യു​ടെ ഓ​ഫീ​സി​ൽ വി​ഷ​യം ധ​രി​പ്പി​ച്ചി​ട്ടു​ണ്ട്. പ്ര​തി​പ​ക്ഷ പാ​ർ​ട്ടി​ക​ളു​ടെ പി​ന്തു​ണ​യ്ക്ക് ന​ന്ദി അ​റി​യി​ക്കു​ന്ന​താ​യും സി​ബി​സി​ഐ ഡെ​പ്യൂ​ട്ടി സെ​ക്ര​ട്ട​റി ജ​ന​റ​ൽ ഫാ. ​മാ​ത്യു കോ​യി​ക്ക​ൽ വ്യ​ക്ത​മാ​ക്കി. സ​ർ​ക്കാ​രി​ന്‍റെ ഭാ​ഗ​ത്തു​നി​ന്ന് അ​നു​ഭാ​വ​പൂ​ർ​ണ​മാ​യ ന​ട​പ​ടി​ക​ൾ പ്ര​തീ​ക്ഷി​ക്കു​ന്ന​താ​യും അ​ദ്ദേ​ഹം വ്യ​ക്ത​മാ​ക്കി.