ന്യൂ​ഡ​ൽ​ഹി: ഛത്തീ​സ്ഗ​ഡി​ൽ അ​റ​സ്റ്റി​ലാ​യ മ​ല​യാ​ളി ക​ന്യാ​സ്ത്രീ​ക​ളു​ടെ കേ​സി​ൽ എ​ഫ്ഐ​ആ​റി​ൽ തി​രി​മ​റി ന​ട​ന്ന​താ​യി സൂ​ച​ന. മ​നു​ഷ്യ​ക്ക​ട​ത്തു​മാ​യി ബ​ന്ധ​പ്പെ​ട്ട് ഭാ​ര​തീ​യ ന്യാ​യ​ സം​ഹി​ത​യി​ലെ 143 വ​കു​പ്പു പ്ര​കാ​ര​മു​ള്ള കേ​സാ​യി​രു​ന്നു ക​ന്യാ​സ്ത്രീ​ക​ൾ​ക്കു​ നേ​രേ പോ​ലീ​സ് ആ​ദ്യം ചു​മ​ത്തി​യ​ത്.

വെ​ള്ളി​യാ​ഴ്ച വൈ​കി​ട്ട് 3.30 ന് ​പോ​ലീ​സ് കൈ​പ്പ​ട​യി​ൽ എ​ഴു​തി​യ ആ​ദ്യ എ​ഫ്ഐ​ആ​റി​ലാ​യി​രു​ന്നു ഇ​ത്. എ​ന്നാ​ൽ, അ​തേ​ദി​വ​സം വൈ​കി​ട്ട് 5.22ന് ​പു​തി​യ എ​ഫ്ഐ​ആ​ർ ഇ​ട്ട് അ​തി​ൽ ഛത്തീ​സ്ഗ​ഡ് മ​ത​സ്വാ​ത​ന്ത്ര്യ നി​യ​മ​ത്തി​ലെ നാ​ലാം​വ​കു​പ്പും കൂ​ട്ടി​ച്ചേ​ർ​ത്തു.

മ​ത​പ​രി​വ​ർ​ത്ത​ന​ത്തി​നാ​യി കു​ട്ടി​ക​ളെ ക​ട​ത്തി​ക്കൊ​ണ്ട് പോ​കു​ന്ന​തു​മാ​യി ബ​ന്ധ​പ്പെ​ട്ട ജാ​മ്യം കി​ട്ടാ​ത്ത വ​കു​പ്പാ​ണി​ത്.​എ​ഫ്ഐ​ആ​റി​ലെ ഈ ​സ​മ​യ​വൈ​രു​ദ്ധ്യ​മ​ട​ക്കം ചൂ​ണ്ടി​ക്കാ​ട്ടി കോ​ട​തി​യി​ൽ ജാ​മ്യ​ത്തി​നു​ള്ള ശ്ര​മം ന​ട​ത്തു​മെ​ന്ന് ഇ​ന്ത്യ​യി​ലെ ക​ത്തോ​ലി​ക്ക മെ​ത്രാ​ൻ സ​മി​തി (സി​ബി​സി​ഐ) അ​റി​യി​ച്ചു.

ജാ​മ്യ​ത്തി​നാ​യി ഇ​ന്ന​ലെ കോ​ട​തി​യെ സ​മീ​പി​ച്ചി​ട്ടി​ല്ല. സി​സ്റ്റ​ർ വ​ന്ദ​ന ഫ്രാ​ൻ​സി​സ്, സി​സ്റ്റ​ർ പ്രീ​തി മേ​രി എ​ന്നി​വ​രെ എ​ത്ര​യും​വേ​ഗം ജാ​മ്യ​ത്തി​ലെ​ടു​ക്കു​ന്ന​തി​നു​ള്ള ന​ട​പ​ടി​ക​ൾ ഛത്തീസ്ഗ​ഡ് കേ​ന്ദ്രീ​ക​രി​ച്ച് ന​ട​ക്കു​ന്ന​താ​യും സി​ബി​സി​ഐ വ്യ​ക്ത​മാ​ക്കി.


ബ​ജ്‌​രം​ഗ് ദ​ൾ പ്ര​വ​ർ​ത്ത​ക​ർ ക​ന്യാ​സ്ത്രീ​ക​ളെ​യും കു​ട്ടി​ക​ളെ​യും മ​ർ​ദി​ച്ച​താ​യും പെ​ണ്‍കു​ട്ടി​ക​ളെ മൊ​ഴി​മാ​റ്റാ​ൻ നി​ർ​ബ​ന്ധി​ച്ച​താ​യും സി​ബി​സി​ഐ ആ​രോ​പി​ച്ചു.

കു​ട്ടി​യെ ഛത്തീ​സ്ഗ​ഡി​ന് പു​റ​ത്തേ​ക്കു കൊ​ണ്ടു​പോ​കു​ന്ന​താ​യി അ​റി​വി​ല്ലാ​യി​രു​ന്നു​വെ​ന്ന് പെ​ണ്‍കു​ട്ടി​യുടെ മാ​താ​പി​താ​ക്ക​ളി​ൽ ഒരാൾ പോ​ലീ​സി​ന് മൊ​ഴി ന​ൽ​കി. എ​ന്നാ​ൽ ഇ​തു നി​ർ​ബ​ന്ധി​ച്ച് പ​റ​യി​​ച്ച​താ​ണെ​ന്ന് സി​ബി​സി​ഐ ചൂ​ണ്ടി​ക്കാ​ട്ടി.

സം​ഭ​വ​മ​റി​ഞ്ഞെ​ത്തി​യ കു​ട്ടി​ക​ളു​ടെ മാ​താ​പി​താ​ക്ക​ൾ​ക്ക് അ​വ​രെ കാ​ണാ​നു​ള്ള നി​യ​മ​പ​ര​മാ​യ അ​വ​കാ​ശം പോ​ലീ​സ് നി​ഷേ​ധി​ച്ച​താ​യും സി​ബി​സി​ഐ ആ​സ്ഥാ​ന​ത്തു ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ൽ സെ​ക്ര​ട്ട​റി ജ​ന​റ​ൽ ആ​ർ​ച്ച് ബി​ഷ​പ് ഡോ. ​അ​നി​ൽ തോ​മ​സ് കൂ​ട്ടോ പ​റ​ഞ്ഞു.