ന്യൂ​ഡ​ൽ​ഹി: ഷാ​ങ്ഹാ​യ് സ​ഹ​ക​ര​ണ സം​ഘ​ട​ന​യു​ടെ (എ​സ്‌​സി​ഒ) നേ​തൃ​ത്വ​ത്തി​ൽ ചൈ​ന​യി​ൽ ന​ട​ക്കു​ന്ന യോ​ഗ​ത്തി​ൽ പ്ര​തി​രോ​ധ​മ​ന്ത്രി രാ​ജ്നാ​ഥ് സിം​ഗ് പ​ങ്കെ​ടു​ത്തേ​ക്കും. ചൈ​ന​യി​ലെ ക്വി​ങ്ദാ​വോ​യാ​ണ് പ്ര​തി​രോ​ധ​മ​ന്ത്രി​മാ​രു​ടെ സ​മ്മേ​ള​ന​ത്തി​ന്‍റെ വേ​ദി. ഈ ​മാ​സം അ​വ​സാ​നം ന​ട​ക്കു​ന്ന യോ​ഗ​ത്തി​ൽ പ​ങ്കെ​ടു​ക്കു​ന്ന​തി​നു​ള്ള ക്ഷ​ണം രാ​ജ്നാ​ഥ് സിം​ഗി​ന് ല​ഭി​ച്ച​താ​യി പ്ര​തി​രോ​ധ മ​ന്ത്രാ​ല​യം വ്യ​ക്ത​മാ​ക്കി. 2020ലെ ​ഗാ​ൽ​വാ​ൻ ഏ​റ്റു​മു​ട്ട​ലി​നു​ശേ​ഷം ആ​ദ്യ​മാ​യാ​ണ് പ്ര​തി​രോ​ധ​മ​ന്ത്രി ചൈ​ന സ​ന്ദ​ർ​ശി​ക്കു​ന്ന​ത്.

ഇ​ന്ത്യ​യും ചൈ​ന​യും ത​മ്മി​ൽ അ​തി​ർ​ത്തി​യി​ൽ നി​ല​നി​ൽ​ക്കു​ന്ന സം​ഘ​ർ​ഷം ല​ഘൂ​ക​രി​ക്കു​ന്ന​തി​നും ഉ​ഭ​യ​ക​ക്ഷി ബ​ന്ധം മെ​ച്ച​പ്പെ​ടു​ത്തു​ന്ന​തി​നും ഇ​രു​രാ​ജ്യ​ങ്ങ​ളും ത​മ്മി​ലു​ള്ള ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണ്. അ​തി​നാ​ൽ ന​യ​ത​ന്ത്ര​ത​ല​ത്തി​ൽ ഈ ​സ​ന്ദ​ർ​ശ​ന​ത്തി​ന് വ​ലി​യ പ്രാ​ധാ​ന്യ​മു​ണ്ടെ​ന്നാ​ണ് വി​ല​യി​രു​ത്ത​ൽ.

പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ന് പി​ന്നാ​ലെ ന​ട​ത്തി​യ സൈ​നി​ക നീ​ക്ക​ങ്ങ​ൾ​ക്കു​ശേ​ഷം ഇ​രു രാ​ജ്യ​ങ്ങ​ളും ഉ​ന്ന​ത​ത​ല​ത്തി​ൽ ന​ട​ത്തു​ന്ന ആ​ദ്യ സ​ന്ദ​ർ​ശ​നം കൂ​ടി​യാ​യി​രി​ക്കും ഈ ​മാ​സം അ​വ​സാ​നം ന​ട​ക്കു​ന്ന​ത്. തെ​ക്കു​കി​ഴ​ക്ക​നേ​ഷ്യ​ൻ രാ​ജ്യ​മാ​യ ലാ​വോ​സു​വി​ൽ ന​ട​ന്ന ആ​സി​യാ​ൻ പ്ര​തി​രോ​ധ​മ​ന്ത്രി​മാ​രു​ടെ യോ​ഗ​ത്തി​ലാ​യി​രു​ന്നു അ​വ​സാ​ന​മാ​യി കൂ​ടി​ക്കാ​ഴ്ച ന​ട​ത്തി​യ​ത്.


ക​ഴി​ഞ്ഞ​യാ​ഴ്ച ഡ​ൽ​ഹി​യി​ൽ ഇ​ന്ത്യ​ൻ വി​ദേ​ശ​കാ​ര്യ സെ​ക്ര​ട്ട​റി വി​ക്രം മി​സ്രി​യും ചൈ​നീ​സ് വൈ​സ് വി​ദേ​ശ​കാ​ര്യ​മ​ന്ത്രി സ​ണ്‍ വീ​ഡോ​ങ്ങും ന​ട​ത്തി​യ ച​ർ​ച്ച​യി​ൽ യോ​ഗ​ത്തി​ന് ചൈ​ന ആ​തി​ഥേ​യ​ത്വം വ​ഹി​ക്കു​ന്ന​തി​ൽ ഇ​ന്ത്യ പൂ​ർ​ണ​പി​ന്തു​ണ വാ​ഗ്ദാ​നം ചെ​യ്തി​രു​ന്നു. ചൈ​ന, റ​ഷ്യ, ക​സാ​ക്കി​സ്ഥാ​ൻ, കി​ർ​ഗി​സ്ഥാ​ൻ, താ​ജി​ക്കി​സ്ഥാ​ൻ, ഉ​സ്ബെ​ക്കി​സ്ഥാ​ൻ, ഇ​ന്ത്യ, പാ​കി​സ്ഥാ​ൻ, ഇ​റാ​ൻ, ബെ​ലാ​റ​സ് തു​ട​ങ്ങി പ​ത്തു രാ​ജ്യ​ങ്ങ​ൾ ഉ​ൾ​പ്പെ​ട്ട സം​ഘ​ട​ന​യാ​ണ് എ​സ്‌​സി​ഒ. ഭീ​ക​ര​വി​രു​ദ്ധ പ്ര​വ​ർ​ത്ത​ന​ങ്ങ​ൾ, പ​ര​സ്പ​ര സ​ഹ​ക​ര​ണം തു​ട​ങ്ങി​യ വി​ഷ​യ​ങ്ങ​ളി​ലാ​ണ് സം​ഘ​ട​ന കൂ​ടു​ത​ലും ശ്ര​ദ്ധ കേ​ന്ദ്രീ​ക​രി​ക്കു​ന്ന​ത്.