വ​​​ത്തി​​​ക്കാ​​​ൻ സി​​​റ്റി: ഒ​​​രു മാ​​​സ​​​ത്തി​​​നി​​​ടെ വീ​​​ണ്ടും വ​​​ത്തി​​​ക്കാ​​​ൻ ലോ​​​ക​​​നേ​​​താ​​​ക്ക​​​ളു​​​ടെ സം​​​ഗ​​​മ​​​വേ​​​ദി​​​യാ​​​യ​​​പ്പോ​​​ൾ ഒ​​​രു​​​ക്കി​​​യ​​​ത് പ​​​ഴു​​​ത​​​ട​​​ച്ച സു​​​ര​​​ക്ഷ. ഇ​​​റ്റാ​​​ലി​​​യ​​​ൻ പോ​​​ലീ​​​സി​​​നു പു​​​റ​​​മെ സൈ​​​നി​​​ക ക​​​മാ​​​ൻ​​​ഡോ​​​ക​​​ളും സൈ​​​ന്യ​​​ത്തി​​​ലെ ബോം​​​ബ് സ്ക്വാ​​​ഡു​​​ക​​​ളും ഡോ​​​ഗ് സ്ക്വാ​​​ഡു​​​ക​​​ളു​​​മെ​​​ല്ലാം രം​​​ഗ​​​ത്തു​​​ണ്ടാ​​​യി​​​രു​​​ന്നു.

സെ​​​ന്‍റ് പീ​​​റ്റേ​​​ഴ്സ് ബ​​​സി​​​ലി​​​ക്ക​​​യു​​​ടെ മു​​​ക​​​ളി​​​ൽ ര​​​ഹ​​​സ്യ​​​പോ​​​ലീ​​​സ് സ​​​ദാ നി​​​രീ​​​ക്ഷ​​​ണം ന​​​ട​​​ത്തി. സൈ​​​നി​​​ക​​​വി​​​മാ​​​നം വ​​​ത്തി​​​ക്കാ​​​നു മു​​​ക​​​ളി​​​ലൂ​​​ടെ പ​​​റ​​​ന്ന് നി​​​രീ​​​ക്ഷ​​​ണം ന​​​ട​​​ത്തി. വി​​​മാ​​​ന​​​ത്താ​​​വ​​​ള​​​ങ്ങ​​​ളി​​​ലേ​​​തി​​​നു സ​​​മാ​​​ന​​​മാ​​​യ ത്രി​​​ത​​​ല പ​​​രി​​​ശോ​​​ധ​​​ന​​​യ്ക്കു​​​ശേ​​​ഷ​​​മാ​​​ണ് വി​​​ശ്വാ​​​സി​​​ക​​​ളെ ച​​​ത്വ​​​ര​​​ത്തി​​​നു​​​ള്ളി​​​ലേ​​​ക്ക് ക​​​ട​​​ത്തി​​​വി​​​ട്ട​​​ത്. പൊ​​​തു​​​ജ​​​ന സേ​​​വ​​​ന​​​ത്തി​​​നാ​​​യി നൂ​​​റു​​​ക​​​ണ​​​ക്കി​​​ന് വോ​​​ള​​​ന്‍റി​​​യ​​​ർ​​​മാ​​​രെ​​​യും മെ​​​ഡി​​​ക്ക​​​ൽ സം​​​ഘ​​​ങ്ങ​​​ളെ​​​യും സ​​​ജ്ജീ​​​ക​​​രി​​​ച്ചി​​​രു​​​ന്നു.

ക​​​ഴി​​​ഞ്ഞ ഏ​​​പ്രി​​​ൽ 26ന് ​​​ഫ്രാ​​​ൻ​​​സി​​​സ് മാ​​​ർ​​​പാ​​​പ്പ​​​യു​​​ടെ ക​​​ബ​​​റ​​​ട​​​ക്ക​​​ശു​​​ശ്രൂ​​​ഷ​​​ക​​​ൾ ന​​​ട​​​ന്ന​​​പ്പോ​​​ഴും യു​​​എ​​​സ് പ്ര​​​സി​​​ഡ​​​ന്‍റ് ഡോ​​​ണ​​​ൾ​​​ഡ് ട്രം​​​പ് അ​​​ട​​​ക്ക​​​മു​​​ള്ള ലോ​​​ക​​​നേ​​​താ​​​ക്ക​​​ളും 150 ഓ​​​ളം രാ​​​ജ്യ​​​ങ്ങ​​​ളി​​​ൽ​​​നി​​​ന്നു​​​ള്ള ഔ​​​ദ്യോ​​​ഗി​​​ക പ്ര​​​തി​​​നി​​​ധി​​​സം​​​ഘ​​​ങ്ങ​​​ളും വ​​​ത്തി​​​ക്കാ​​​നി​​​ൽ എ​​​ത്തി​​​യ​​​തി​​​നാ​​​ൽ അ​​​തീ​​​വ​​​സു​​​ര​​​ക്ഷ​​​യാ​​​ണ് ഏ​​​ർ​​​പ്പെ​​​ടു​​​ത്തി​​​യി​​​രു​​​ന്ന​​​ത്.


ച​​​ട​​​ങ്ങി​​​ൽ പ​​​ങ്കെ​​​ടു​​​ക്കു​​​ന്ന​​​തി​​​നാ​​​യി ഇ​​​ന്ന​​​ലെ അ​​​തി​​​രാ​​​വി​​​ലെ​​​ത​​​ന്നെ വി​​​ശ്വാ​​​സി​​​ക​​​ൾ ച​​​ത്വ​​​ര​​​ത്തി​​​ലേ​​​ക്കു പ്ര​​​വ​​​ഹി​​​ച്ചി​​​രു​​​ന്നു. ലെ​​​യോ പ​​​തി​​​നാ​​​ലാ​​​മ​​​ൻ മാ​​​ർ​​​പാ​​​പ്പ​​​യു​​​ടെ ജ​​​ന്മ​​​നാ​​​ടാ​​​യ അ​​​മേ​​​രി​​​ക്ക​​​യി​​​ൽ​​​നി​​​ന്നും ക​​​ർ​​​മ​​​മ​​​ണ്ഡ​​​ല​​​മാ​​​യി​​​രു​​​ന്ന പെ​​​റു​​​വി​​​ൽ​​​നി​​​ന്നും ഔ​​​ദ്യോ​​​ഗി​​​ക പ്ര​​​തി​​​നി​​​ധി​​​സം​​​ഘ​​​ങ്ങ​​​ൾ​​​ക്കു​​​പു​​​റ​​​മെ സ്വ​​​ന്തം നി​​​ല​​​യ്ക്ക് നി​​​ര​​​വ​​​ധി പേ​​​രാ​​​ണ് വ​​​ത്തി​​​ക്കാ​​​നി​​​ലെ​​​ത്തി​​​യ​​​ത്.

മാ​ർ​പാ​പ്പ മി​ഷ​ന​റി​യാ​യും ബി​ഷ​പ്പാ​യും പ്ര​വ​ർ​ത്തി​ച്ച പെ​റു​വി​ലെ ചെ​ക്ലാ​യ രൂ​പ​ത​യ്ക്കു കീ​ഴി​ലു​ള്ള പ​ള്ളി​ക​ളി​ലെ​ല്ലാം ഇ​ന്ന​ലെ വ​ലി​യ ടി​വി സ്ക്രീ​നു​ക​ൾ സ​ജ്ജ​മാ​ക്കി തി​രു​ക്ക​ർ​മ​ങ്ങ​ൾ ത​ത്‌​സ​മ​യം കാ​ണി​ച്ചു.

നൂ​റു​ക​ണ​ക്കി​നു വി​ശ്വാ​സി​ക​ളാ​ണ് പ​ള്ളി​ക​ളി​ലേ​ക്കു പ്ര​വ​ഹി​ച്ച​ത്. അ​തി​നി​ടെ, ലെ​യോ പ​തി​നാ​ലാ​മ​ൻ മാ​ർ​പാ​പ്പ ജ​നി​ച്ചു​വ​ള​ർ​ന്ന ഷി​ക്കാ​ഗോ​യി​ലെ വീ​ട് സ​ഞ്ചാ​രി​ക​ളാ​ൽ നി​റ​യു​ക​യാ​ണ്. ദി​നം​പ്ര​തി നി​ര​വ​ധി പേ​രാ​ണ് ഈ ​കൊ​ച്ചു​വീ​ട് കാ​ണാ​നും ഫോ​ട്ടോ​യെ​ടു​ക്കാ​നു​മാ​യി എ​ത്തു​ന്ന​ത്.