ന്യൂ​യോ​ര്‍​ക്ക് സി​റ്റി: കാ​ന​ഡ​യി​ല്‍ ഖ​ലി​സ്ഥാ​നി ഭീ​ക​ര​വാ​ദി ഹ​ര്‍​ദീ​പ് സിം​ഗ് നി​ജ്ജാർ കൊ​ല്ല​പ്പെ​ട്ട​തി​ല്‍ ചൈ​ന​യ്ക്ക് പ​ങ്കു​ണ്ടെ​ന്ന ആ​ക്ഷേ​പ​വു​മാ​യി ബ്ലോ​ഗ​ര്‍.

സ്വ​ത​ന്ത്ര ബ്ലോ​ഗ​റാ​യ ജെ​ന്നി​ഫ​ര്‍ സെം​ഗ് ആ​ണ് ക​മ്മ്യൂ​ണി​സ്റ്റ് പാ​ര്‍​ട്ടി (സി​സി​പി) ഏ​ജ​ന്‍റുമാ​ര്‍​ക്കു നി​ജ്ജാ​ര്‍ വ​ധ​ത്തി​ല്‍ പ​ങ്കു​ണ്ടെ​ന്ന ആ​രോ​പ​ണ​വു​മാ​യി രം​ഗ​ത്തെ​ത്തി​യ​ത്.

ഇ​ന്ത്യ​യും പാ​ശ്ചാ​ത്യ ശ​ക്തി​ക​ളും ത​മ്മി​ലു​ള്ള ബ​ന്ധ​ത്തി​ല്‍ വി​ള്ള​ല്‍ വീ​ഴ്ത്തു​ക​യെ​ന്ന ല​ക്ഷ്യ​ത്തോ​ടെ​യാ​ണു നി​ജ്ജാ​ര്‍ വ​ധം ചൈ​ന ആ​സൂ​ത്ര​ണം ചെ​യ്ത​തെ​ന്നു ജെ​ന്നി​ഫ​ര്‍ പ​റ​യു​ന്നു.

ത​യ്വാ​നു​മാ​യി ബ​ന്ധ​പ്പെ​ട്ട് ചൈ​നീ​സ് പ്ര​സി​ഡ​ന്‍റ് ഷി ​ചി​ന്‍​പിം​ഗി​ന്‍റെ സൈ​നി​ക ത​ന്ത്ര​ത്തി​ന്‍റെ ഭാ​ഗ​മാ​ണി​തെ​ന്നും ജെ​ന്നി​ഫ​ര്‍ ചൂ​ണ്ടി​ക്കാ​ട്ടി.

യു​എ​സി​ല്‍ താ​മ​സി​ക്കു​ന്ന ചൈ​നീ​സ് വം​ശ​ജ​യാ​യ ഇ​വ​ര്‍ ആ​ക്ടി​വി​സ്റ്റും ജേ​ണ​ലി​സ്റ്റു​മാ​ണ്. ജൂ​ണ്‍ 18ന് ​ബ്രി​ട്ടീ​ഷ് കൊ​ളം​ബി​യ​യി​ലെ സ​റേ​യി​ല്‍ ഗു​രു​ദ്വാ​ര​യി​ലാ​ണു നി​ജ്ജാ​ര്‍ കൊ​ല്ല​പ്പെ​ട്ട​ത്.

ചൈ​നീ​സ് എ​ഴു​ത്തു​കാ​ര​നും യു​ട്യൂ​ബ​റു​മാ​യ, കാ​ന​ഡ​യി​ല്‍ താ​മ​സി​ക്കു​ന്ന ലാ​വോ ഡെം​ഗി​നെ ഉ​ദ്ധ​രി​ച്ച് ജെ​ന്നി​ഫ​ര്‍ ത​ന്‍റെ ആ​രോ​പ​ണ​ങ്ങ​ള്‍ ഉ​റ​പ്പി​ക്കു​ന്നു.

''ഇ​ഗ്നി​ഷ്യ​ന്‍ പ്ലാ​ന്‍ എ​ന്ന പ​ദ്ധ​തി​യു​ടെ ഭാ​ഗ​മാ​യി രാ​ജ്യ​സു​ര​ക്ഷാ ചു​മ​ത​ല​യു​ള്ള സി​സി​പി മ​ന്ത്രാ​ല​യം യു​എ​സി​ലെ സി​യാ​റ്റി​ലി​ലേ​ക്ക് ഉ​ന്ന​ത ഉ​ദ്യോ​ഗ​സ്ഥ​രെ അ​യ​ച്ചു. യു​എ​സി​ല്‍ ഇ​വ​ര്‍ ര​ഹ​സ്യ​യോ​ഗം ചേ​ര്‍​ന്നു. ഇ​ന്ത്യ​യും പാ​ശ്ചാ​ത്യ ശ​ക്തി​ക​ളും ത​മ്മി​ലു​ള്ള ബ​ന്ധം ത​ക​ര്‍​ക്കു​ക എ​ന്ന​താ​യി​രു​ന്നു യോ​ഗ​ത്തി​ന്‍റെ അ​ജ​ന്‍​ഡ. കാ​ന​ഡ​യി​ലെ സി​ഖ് നേ​താ​വ് നി​ജ്ജാ​റി​നെ കൊ​ല്ലാ​ന്‍ ഏ​ജ​ന്‍റുമാ​രെ നി​യോ​ഗി​ച്ചു.

ഈ ​യോ​ഗ​ത്തി​നു ശേ​ഷ​മാ​ണു സി​സി​പി ഏ​ജന്‍റുമാ​ര്‍ നി​ജ്ജാ​റി​നെ വ​ക​വ​രു​ത്തി​യ​ത്. ശ​ബ്ദ​ര​ഹി​ത​മാ​യ തോ​ക്കു​ക​ള്‍ ഉ​പ​യോ​ഗി​ച്ചു നി​ജ്ജാ​റി​നെ വ​ധി​ച്ച ശേ​ഷം കാ​റി​ന്‍റെ ഡാ​ഷ് കാ​മ​റ ത​ക​ര്‍​ത്ത് ദൃ​ശ്യ​ങ്ങ​ള്‍ മാ​യ്ച്ചു​ക​ള​ഞ്ഞു. ആ​യു​ധ​ങ്ങ​ള​ട​ക്കം ന​ശി​പ്പി​ച്ച് തെ​ളി​വു​ക​ളെ​ല്ലാം ഇ​ല്ലാ​താ​ക്കി. അ​ടു​ത്ത ദി​വ​സം​ ത​ന്നെ കാ​ന​ഡ​യി​ല്‍​നി​ന്ന് വി​മാ​നം ക​യ​റി'' സെംഗ് വി​ശ​ദീ​ക​രി​ച്ചു.

സം​ഭ​വ​ത്തി​ല്‍ ഇ​ന്ത്യ​യെ കു​ടു​ക്ക​ണ​മെ​ന്ന ഉ​ദ്ദേ​ശ്യ​ത്തോ​ടെ ഇന്ത്യൻ ഉച്ചാരണത്തിലുള്ള ഇംഗ്ലീഷിലാണ് സി​സി​പി ഏ​ജന്‍റുമാ​ര്‍ സം​സാ​രി​ച്ച​തെ​ന്നും ജെ​ന്നി​ഫ​ര്‍ പ​റ​യു​ന്നു.