ഭോ​പ്പാ​ൽ: ഏ​ഷ്യ​യി​ലെ ഏ​റ്റ​വും പ്രാ​യം കൂ​ടി​യ പെ​ൺ ആ​ന​യാ​യ വ​ത്സ​ല ച​രി​ഞ്ഞു. മ​ധ്യ​പ്ര​ദേ​ശി​ലെ പ​ന്ന ടൈ​ഗ​ർ റി​സ​ർ​വി​ൽ (പി​ടി​ആ​ർ) വ​ച്ച് ചൊ​വ്വാ​ഴ്ച​യാ​ണ് അ​ന്ത്യം.

ആ​ന്ത​രി​ക അ​വ​യ​വ​ങ്ങ​ൾ ത​ക​രാ​റി​ലാ​യ​തി​നെ തു​ട​ർ​ന്ന് നി​രീ​ക്ഷ​ണ​ത്തി​ലാ​യി​രു​ന്നു ആ​ന. പ​ന്ന​യി​ലെ ഏ​റ്റ​വും പ്രാ​യം കൂ​ടി​യ​തും എ​ല്ലാ​വ​ർ​ക്കും പ്രി​യ​പ്പെ​ട്ട​തു​മാ​യ ആ​ന ഡോ​ക്ട​ർ​മാ​രു​ടെ നി​രീ​ക്ഷ​ണ​ത്തി​ലാ​യി​രു​ന്നു.

വ​നം ജീ​വ​ന​ക്കാ​രു​ടെ​യും വ​ന്യ​ജീ​വി സ്നേ​ഹി​ക​ളു​ടെ​യും ഇ​ട​യി​ൽ "ഡാ​ഡി' എ​ന്നും "ഡാ​യി മാ' ​എ​ന്നും വി​ളി​പ്പേ​രു​ണ്ടാ​യി​രു​ന്ന ആ​ന​യ്ക്ക് 100ന് ​മു​ക​ളി​ൽ പ്രാ​യ​മു​ണ്ടാ​യി​രു​ന്നു.

കേ​ര​ള​ത്തി​ലെ നി​ല​മ്പൂ​രി​ലാ​ണ് വ​ത്സ​ല​യു​ടെ ജ​ന​നം. ആ​ദ്യ കാ​ല​ങ്ങ​ളി​ൽ ത​ടി പി​ടി​ക്കാ​നാ​ണ് വ​ത്സ​ല​യെ ഉ​പ​യോ​ഗി​ച്ചി​രു​ന്ന​ത്. 1971-ൽ ​മ​ധ്യ​പ്ര​ദേ​ശി​ലെ ഹോ​ഷം​ഗാ​ബാ​ദി​ലേ​ക്ക് കൊ​ണ്ടു​വ​രി​ക​യും പി​ന്നീ​ട് 1993-ൽ ​പ​ന്ന ടൈ​ഗ​ർ റി​സ​ർ​വി​ലേ​ക്ക് മാ​റ്റു​ക​യു​മാ​യി​രു​ന്നു. വി​നോ​ദ​സ​ഞ്ചാ​രി​ക​ളു​ടെ പ്രി​യ​പ്പെ​ട്ട ആ​ന​യാ​യി​രു​ന്നു വ​ത്സ​ല.