തൃ​ശൂ​ർ: യൂ​ത്ത് കോ​ൺ​ഗ്ര​സ് നേ​താ​വി​നെ ക​ള്ള​ക്കേ​സി​ൽ അ​റ​സ്റ്റ് ചെ​യ്ത് സ്റ്റേ​ഷ​നി​ൽ​വ​ച്ച് മ​ർ​ദി​ച്ച സം​ഭ​വ​ത്തി​ൽ പോ​ലീ​സു​കാ​ർ​ക്കെ​തി​രെ കേ​സെ​ടു​ക്കാ​ൻ കോ​ട​തി നി​ർ​ദേ​ശം. കു​ന്നം​കു​ളം ഫ​സ്റ്റ് ക്ലാ​സ് മ​ജി​സ്ട്രേ​റ്റി​ന്‍റെ​യാ​ണ് ന​ട​പ​ടി.

യൂ​ത്ത് കോ​ൺ​ഗ്ര​സ് ചൊ​വ്വ​ന്നൂ​ർ മ​ണ്ഡ​ലം പ്ര​സി​ഡ​ന്‍റ് വി.​എ​സ്. സു​ജി​ത്തി​നെ മ​ർ​ദി​ച്ച സം​ഭ​വ​ത്തി​ൽ കു​ന്നം​കു​ളം പോ​ലീ​സ് സ്റ്റേ​ഷ​നി​ലെ നാ​ല് പോ​ലീ​സു​കാ​ർ​ക്കെ​തി​രെ​യാ​ണ് കേ​സ് ര​ജി​സ്റ്റ​ർ ചെ​യ്യു​ക. സ​ബ് ഇ​ൻ​സ്‌​പെ​ക്ട​ർ നു​ഹ്മാ​ൻ, സി​പി​ഒ​മാ​രാ​യ ശ​ശീ​ന്ദ്ര​ൻ, സ​ന്ദീ​പ്, സ​ജീ​വ​ൻ എ​ന്നി​വ​രാ​ണ് പ്ര​തി​ക​ൾ.

2023 ഏ​പ്രി​ൽ അ​ഞ്ചി​നാ​ണ് കേ​സി​നാ​സ്‌​പ​ദ​മാ​യ സം​ഭ​വം. പോ​ലീ​സു​കാ​രും സു​ജി​ത്തും ത​മ്മി​ൽ ചൊ​വ്വ​ന്നൂ​രി​ൽ വ​ച്ച് ത​ർ​ക്ക​മു​ണ്ടാ​യി​രു​ന്നു. തു​ട​ർ​ന്ന് സു​ജി​ത്തി​നെ ക​സ്റ്റ​ഡി​യി​ലെ​ടു​ത്ത് പോ​ലീ​സ് സ്റ്റേ​ഷ​നി​ലെ​ത്തി​ച്ച് മ​ർ​ദി​ക്കു​ക​യാ​യി​രു​ന്നു. തു​ട​ർ​ന്ന് മ​ദ്യ​പി​ച്ച് ബ​ഹ​ളം വ​ച്ച​തി​ന് കേ​സ് ചു​മ​ത്തി.

എ​ന്നാ​ൽ വൈ​ദ്യ പ​രി​ശോ​ധ​ന​യി​ൽ മ​ദ്യ​പി​ച്ചി​ട്ടി​ല്ലെ​ന്ന് ബോ​ധ്യ​മാ​യി. ഇ​തോ​ടെ കോ​ട​തി ജാ​മ്യം ന​ൽ​കി. തു​ട​ർ​ന്ന് സു​ജി​ത്ത് കോ​ട​തി​യി​ലും മ​നു​ഷ്യാ​വ​കാ​ശ ക​മ്മീ​ഷ​നി​ലും പ​രാ​തി ന​ൽ​കു​ക​യാ​യി​രു​ന്നു.

സ്റ്റേ​ഷ​നി​ലെ സി​സി​ടി​വി ദൃ​ശ്യ​ങ്ങ​ള​ട​ക്കം പ​രി​ശോ​ധി​ച്ചാ​ണ് പോ​ലീ​സു​കാ​ർ​ക്കെ​തി​രെ കേ​സെ​ടു​ക്കാ​ൻ കോ​ട​തി നി​ർ​ദേ​ശം ന​ൽ​കി​യ​ത്.