തി​രു​വ​ന​ന്ത​പു​രം: സം​സ്ഥാ​ന മു​ൻ മു​ഖ്യ​മ​ന്ത്രി വി.​എ​സ്. അ​ച്യു​താനന്ദ​ന്‍റെ മൃ​ത​ദേ​ഹം എ​കെ​ജി സെ​ന്‍റ​റി​ൽ​നി​ന്നും വീ​ട്ടി​ലെ​ത്തി​ച്ചു. ബാ​ർ​ട്ട​ൺ​ഹി​ല്ലി​ലെ വീ​ട്ടി​ലേ​യ്ക്കാ​ണ് മൃ​ത​ദേ​ഹം എ​ത്തി​ച്ച​ത്. ക​ഴി​ഞ്ഞ അ​ഞ്ചു വ​ർ​ഷ​മാ​യി മ​ക​നും കു​ടും​ബ​ത്തോ​ടു​മൊ​പ്പം ബാ​ർ​ട്ട​ൺ​ഹി​ല്ലി​ലെ വീ​ട്ടി​ലാ​യി​രു​ന്നു വി.​എ​സ് താ​മ​സി​ച്ചി​രു​ന്ന​ത്.

പ്ര​വ​ർ​ത്ത​ക​രു​ടെ മു​ദ്രാ​വാ​ക്യ​ങ്ങ​ൾ​ക്കി​ട​യി​ലൂ​ടെ​യാ​ണ് ആം​ബു​ല​ൻ​സ് നീ​ങ്ങി​യ​ത്. സി​പി​എം ജ​ന​റ​ൽ സെ​ക്ര​ട്ട​റി എം.​എ.​ബേ​ബി വി.​എ​സി​ന്‍റെ വീ​ട്ടി​ലെ​ത്തി. രാ​വി​ലെ വ​രെ മൃ​ത​ദേ​ഹം വീ​ട്ടി​ൽ പൊ​തു​ദ​ർ​ശ​ന​ത്തി​നു വ​യ്ക്കും. ചൊ​വ്വാ​ഴ്ച രാ​വി​ലെ എ​ട്ടി​ന് ദ​ർ​ബാ​ർ ഹാ​ളി​ൽ പൊ​തു​ദ​ർ​ശ​ന​ത്തി​നു​വ​ച്ച ശേ​ഷം ഉ​ച്ച​യോ​ടെ ആ​ല​പ്പു​ഴ​യ്ക്ക് കൊ​ണ്ടു​പോ​കും.

ചൊ​വ്വാ​ഴ്ച വൈ​കു​ന്നേ​രം ആ​ല​പ്പു​ഴ​യി​ലെ വേ​ലി​ക്ക​ക​ത്ത് വീ​ട്ടി​ൽ മൃ​ത​ദേ​ഹം പൊ​തു​ദ​ർ​ശ​ന​ത്തി​ന് വ​യ്ക്കും. ബു​ധ​നാ​ഴ്ച രാ​വി​ലെ സി​പി​എം ജി​ല്ലാ ക​മ്മി​റ്റി ഓ​ഫീ​സി​ൽ പൊ​തു​ദ​ർ​ശ​ന​ത്തി​നു​വ​യ്ക്കും. തു​ട​ർ​ന്ന് ആ​ല​പ്പു​ഴ ടൗ​ൺ ഹാ​ളി​ൽ പൊ​തു​ദ​ർ​ശ​ന​ത്തി​നു​വ​യ്ക്കു​ന്ന മൃ​ത​ദേ​ഹം ആ​ല​പ്പു​ഴ​യി​ൽ വ​ലി​യ ചു​ടു​കാ​ട് ശ്‌​മ​ശാ​ന​ത്തി​ൽ സം​സ്ക​രി​ക്കും.

ഹൃ​ദ​യാ​ഘാ​ത​ത്തെ തു​ട​ർ​ന്ന് തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ തി​ങ്ക​ളാ​ഴ്ച വൈ​കു​ന്നേ​രം 3.20 നാ​യി​രു​ന്നു വി.​എ​സ്. അ​ച്യു​താ​ന​ന്ദ​ൻ വി​ട​പ​റ​ഞ്ഞ​ത്.