സി.കെ. ജാനുവിന്റെ ജെആർഎസ് എൻഡിഎ വിട്ടു
Saturday, August 30, 2025 8:19 PM IST
കോഴിക്കോട്: ആദിവാസി നേതാവ് സി.കെ. ജാനുവിന്റെ ജനാധിപത്യ രാഷ്ട്രീയ സഭ (ജെആർഎസ്) ബിജെപി നേതൃത്വത്തിലുള്ള ദേശീയ ജനാധിപത്യ സഖ്യം (എൻഡിഎ) വിട്ടു.
എൻഡിഎയിൽനിന്ന് അവഗണന നേരിട്ടെന്ന് ചൂണ്ടിക്കാട്ടിയാണ് ജെആർഎസ് സഖ്യം വിട്ടത്. കോഴിക്കോട് ചേർന്ന ജെആർഎസ് സംസ്ഥാന കമ്മിറ്റിയിലാണ് തീരുമാനം. മറ്റു മുന്നണികളുമായി സഹകരിക്കണമോയെന്നകാര്യമടക്കം പിന്നീട് തീരമാനിക്കുമെന്നാണ് വിവരം. ഇപ്പോള് സ്വതന്ത്രമായി നിൽക്കാനാണ് തീരുമാനം.
ബോർഡ്, കോർപറേഷൻ സ്ഥാനങ്ങൾ നൽകാതത്തിൽ പാർട്ടിയിൽ അമർഷം ഉയർന്നിരുന്നു. ഇതിനുപിന്നാലെയാണ് മുന്നണി വിടാനുള്ള തീരുമാനത്തിലെത്തിയത്.