ലക്നോവില് പടക്കനിര്മാണശാലയില് സ്ഫോടനം; രണ്ടു മരണം
Sunday, August 31, 2025 5:08 PM IST
ലക്നോ: ഉത്തര്പ്രദേശിലെ ലക്നോവില് പടക്കനിര്മാണശാലയിലുണ്ടായ സ്ഫോടനത്തില് രണ്ട് പേർ മരിച്ചു. അഞ്ച് പേർക്ക് പരിക്കേറ്റു. ഗുഡാംബ സ്റ്റേഷന് പരിധിയില് ഇന്ന് ഉച്ചയ്ക്കായിരുന്നു സംഭവം.
സ്ഫോടനത്തില് അഞ്ച് പേര് മരിച്ചിരിക്കാമെന്ന് പ്രാഥമിക റിപ്പോര്ട്ടുകളുണ്ടായിരുന്നെങ്കിലും രണ്ട് മരണങ്ങള് മാത്രമാണ് ഇതുവരെ ഔദ്യോഗികമായി സ്ഥിരീകരിച്ചത്.
കൂടുതല് അനിഷ്ട സംഭവങ്ങള് തടയുന്നതിനും സ്ഥിതിഗതികള് വിലയിരുത്തുന്നതിനും പോലീസും പ്രാദേശിക അധികാരികളും സ്ഥലത്തെത്തിയിരുന്നു.