റോക്കോ പശുവോ? വീഡിയോ കണ്ടശേഷം ഉത്തരം തീരുമാനിച്ചോളു
തൊണ്ണൂറുകളിലെ കുട്ടികളുടെ ഏറ്റവും പ്രിയപ്പെട്ട ഒരു ടിവി പരിപാടിയായിരുന്നല്ലൊ ഡബ്ല്യുഡബ്ല്യുഎഫ് എന്നത്. പിന്നീടത് ഡബ്ല്യുഡബ്ല്യുഇ ആയപ്പോഴും ആരാധകര്‍ക്കത്ര കുറവൊന്നും വന്നില്ല.

ഈ ഇടിക്കൂട്ടില്‍ ഏറ്റവും ആരാധകരുള്ള ഒരു സൂപ്പര്‍സ്റ്റാറായിരുന്നു റോക്ക്. ഡ്വെയ്ന്‍ ജോണ്‍സണ്‍ എന്നാണ് ഇദ്ദേഹത്തിന്‍റെ യഥാര്‍ഥ പേര്. പിന്നീട് നിരവധി ഹോളിവുഡ് ചലച്ചിത്രങ്ങളില്‍ തിളങ്ങിയ ഇദ്ദേഹത്തിന്‍റെ പുരികം ചലിപ്പിച്ചുള്ള ഒരു ആംഗ്യം ഏറെ പ്രശസ്തമാണ്. പുരികം ഉയര്‍ത്തി "റ' പോലെ നിര്‍ത്തിയുള്ള ആ നോട്ടം ആരാധകരെ ആവേശഭരിതരാക്കിയിരുന്നു.

അടുത്തിടെ ഡോക്ടര്‍ അജയിത എന്ന ട്വിറ്റര്‍ ഉപയോക്താവ് പങ്കുവച്ച ഒരു വീഡിയോയില്‍ റോക്കിന്‍റെ ഈ നോട്ടം പോലെ ഒരു പശുവും പുരികം വയ്ക്കുന്നത് കാണാം. വീഡിയോ സമൂഹ മാധ്യമങ്ങളില്‍ വൈറലായി മാറി. ദ റോക്കിനെയും ഡോക്ടറെയും അഭിനന്ദിച്ച് നിരവധി പേര്‍ ഇതിന് കമന്‍റിട്ടു.

ഈ വീഡിയോ റോക്കും റീട്വീറ്റ് ചെയ്തിരുന്നു. തന്‍റെ ഈ ആംഗ്യം പശു ഇങ്ങനെ അനുകരിക്കുമെന്ന് താന്‍ പ്രതീക്ഷിച്ചിരുന്നില്ലെന്ന് അദ്ദേഹം തന്‍റെ പോസ്റ്റില്‍ കുറിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.