മ​ല​യോ​ര​ത്ത് അ​തി​ശ​ക്ത​മാ​യ മ​ഴ; ഒ​ഴു​ക്കി​ൽ​പ്പെ​ട്ട യു​വാ​വി​നെ ര​ക്ഷ​പ്പെ​ടു​ത്തി
Wednesday, August 6, 2025 5:26 AM IST
വി​ല​ങ്ങാ​ട്: മ​ല​യോ​ര​ത്ത് അ​തി​ശ​ക്ത​മാ​യ മ​ഴ. നി​ർ​ത്താ​തെ പെ​യ്ത മ​ഴ​യി​ൽ ന​രി​പ്പ​റ്റ പ​ഞ്ചാ​യ​ത്തി​ലെ ക​മ്മാ​യി മ​ല​യോ​ര​ത്ത് ഉ​രു​ൾ പൊ​ട്ടി​യ​താ​യി സം​ശ​യം. ക​മ്മാ​യി, ത​രി​പ്പ തോ​ടു​ക​ളി​ൽ മ​ല​വെ​ള്ള​പ്പാ​ച്ചി​ലു​ണ്ടാ​യി.

ചൊ​വ്വാ​ഴ്ച്ച ഉ​ച്ച​യോ​ടെ നാ​ല് മ​ണി​ക്കൂ​റോ​ളം മേ​ഖ​ല​യി​ൽ ക​ന​ത്ത മ​ഴ പെ​യ്തു. ഇ​തി​ന് പി​ന്നാ​ലെ മ​ല​വെ​ള്ളം കു​ത്തി ഒ​ഴു​കു​ക​യാ​യി​രു​ന്നു. ച​ളി നി​റ​ഞ്ഞ ക​ല​ക്ക് വെ​ള്ള​മാ​ണ് പു​ഴ​ക​ളി​ലും തോ​ടു​ക​ളി​ലൂ​ടെ​യും ഒ​ഴു​കി​യി​റ​ങ്ങി​യ​ത്. വി​ല​ങ്ങാ​ട് മേ​ഖ​ല​യി​ലെ പു​ഴ​ക​ളി​ലും വെ​ള്ളം ഉ​യ​ർ​ന്നി​ട്ടു​ണ്ട്. വി​ഷ്ണു​മം​ഗ​ലം ബ​ണ്ട് നി​റ​ഞ്ഞ് ക​വി​ഞ്ഞൊ​ഴു​കി.

ഇ​തി​നി​ടെ വി​ല​ങ്ങാ​ട് പു​ഴ​യു​ടെ ഭാ​ഗ​മാ​യ വാ​ണി​മേ​ൽ പു​ഴ​യു​ടെ പു​ഴ​മൂ​ല​യി​ൽ കു​ളി​ക്കാ​നി​റ​ങ്ങി​യ വ​ള​യം സ്വ​ദേ​ശി​ക​ളാ​യ ര​ണ്ട് പേ​ർ ഒ​ഴു​ക്കി​ൽ പെ​ട്ടു. പു​ഴ​യി​ൽ ജ​ല നി​ര​പ്പ് ഉ​യ​രു​ന്ന​ത് ക​ണ്ട് ഒ​രാ​ൾ നീ​ന്തി ര​ക്ഷ​പ്പെ​ട്ടെ​ങ്കി​ലും കൂ​ടെ ഉ​ണ്ടാ​യി​രു​ന്ന​യാ​ൾ പു​ഴ​യി​ലെ പാ​റ കൂ​ട്ട​ങ്ങ​ൾ​ക്കി​ട​യി​ൽ അ​ക​പ്പെ​ട്ട് പോ​വു​ക​യാ​യി​രു​ന്നു.

ഇ​വ​ർ ബ​ഹ​ളം വെ​ച്ച​തി​നെ തു​ട​ർ​ന്ന് പ്ര​ദേ​ശ​ത്ത് ത​ട്ട് ക​ട​യി​ൽ ഉ​ണ്ടാ​യി​രു​ന്ന​വ​രും നാ​ട്ടു​കാ​രും ചേ​ർ​ന്ന് ക​യ​ർ എ​റി​ഞ്ഞ് കൊ​ടു​ത്ത് യു​വാ​വി​നെ ക​ര​ക്കെ​ത്തി​ക്കു​ക​യാ​യി​രു​ന്നു. സം​ഭ​വ​മ​റി​ഞ്ഞ് നാ​ദാ​പു​രം ഫ​യ​ർ ഫോ​ഴ്സും സ്ഥ​ല​ത്ത് എ​ത്തി​യി​രു​ന്നു.
Copyright @ 2018 , Rashtra Deepika Ltd.