ജി​ല്ല​യി​ൽ സ​ർ​ക്കാ​ർ ഡോ​ക്ട​ർ​മാ​രു​ടെ 36 ഒ​ഴി​വു​ക​ളി​ൽ പി​എ​സ്‌​സി ​നി​യ​മ​നം
Friday, June 6, 2025 2:11 AM IST
കാ​ഞ്ഞ​ങ്ങാ​ട്: ജി​ല്ല​യി​ൽ സ​ർ​ക്കാ​ർ ഡോ​ക്ട​ർ​മാ​രു​ടെ 36 ഒ​ഴി​വു​ക​ളി​ൽ പി ​എ​സ് സി ​നി​യ​മ​ന ഉ​ത്ത​ര​വ് ന​ല്കി. ഈ ​മാ​സം 16 ന​കം ജി​ല്ല​യി​ലെ​ത്തി ജോ​ലി​യി​ൽ പ്ര​വേ​ശി​ക്കാ​നാ​ണ് പു​തി​യ ഡോ​ക്ട​ർ​മാ​ർ​ക്ക് ഉ​ത്ത​ര​വ് ന​ല്കി​യി​രി​ക്കു​ന്ന​ത്. ഇ​വ​ർ എ​ത്തു​ന്ന​തോ​ടെ ജി​ല്ല​യി​ൽ നി​ന്ന് സ്ഥ​ലം​മാ​റ്റം ല​ഭി​ച്ച 10 ഡോ​ക്ട​ർ​മാ​ർ​ക്ക് വി​ടു​ത​ൽ ല​ഭി​ക്കും.

എ​ന്നാ​ൽ പി​എ​സ്‌​സി ​നി​യ​മ​നം ല​ഭി​ച്ച​വ​രി​ൽ എ​ത്ര​പേ​ർ ജി​ല്ല​യി​ൽ എ​ത്തു​മെ​ന്ന കാ​ര്യ​ത്തി​ൽ സം​ശ​യം നി​ല​നി​ൽ​ക്കു​ക​യാ​ണ്. ക​ഴി​ഞ്ഞ വ​ർ​ഷം ആ​കെ 227 ഡോ​ക്ട​ർ​മാ​ർ​ക്ക് ജി​ല്ല​യി​ൽ പി ​എ​സ് സി ​നി​യ​മ​നം ന​ല്കി​യി​രു​ന്നെ​ങ്കി​ലും അ​തി​ൽ പ​കു​തി​പ്പേ​ർ പോ​ലും ജോ​ലി​യി​ൽ പ്ര​വേ​ശി​ക്കാ​നെ​ത്തി​യി​രു​ന്നി​ല്ല. എ​ത്തി​യ​വ​രി​ൽ ത​ന്നെ 90 ശ​ത​മാ​ന​വും ഉ​പ​രി​പ​ഠ​ന​ത്തി​ന്‍റെ​യും മ​റ്റും പേ​രി​ൽ അ​വ​ധി​യെ​ടു​ത്ത് തി​രി​കെ പോ​വു​ക​യാ​യി​രു​ന്നു.

ഡോ​ക്ട​ർ​മാ​രു​ടെ ഉ​പ​രി​പ​ഠ​ന ആ​വ​ശ്യ​ത്തി​നാ​യു​ള്ള അ​വ​ധി​ക​ൾ നി​യ​മ​പ്ര​കാ​രം നി​ഷേ​ധി​ക്കാ​നാ​വാ​ത്ത​തി​നാ​ൽ ഇ​ക്കാ​ര്യ​ത്തി​ൽ ആ​രോ​ഗ്യ​വ​കു​പ്പും നി​സ്സ​ഹാ​യ​മാ​ണ്.

പു​തു​താ​യെ​ത്തു​ന്ന ഡോ​ക്ട​ർ​മാ​രി​ൽ പ​കു​തി​പ്പേ​രെ​ങ്കി​ലും ജോ​ലി​യി​ൽ തു​ട​ർ​ന്നാ​ൽ കാ​ഞ്ഞ​ങ്ങാ​ട് ഗ​വ.​ സ്ത്രീ​ക​ളു​ടെ​യും കു​ട്ടി​ക​ളു​ടെ​യും ആ​ശു​പ​ത്രി​യി​ലും പൂ​ടം​ക​ല്ല്, മം​ഗ​ൽ​പാ​ടി താ​ലൂ​ക്ക് ആ​ശു​പ​ത്രി​ക​ളി​ലും അ​ത്യാ​ഹി​ത​വി​ഭാ​ഗ​വും രാ​ത്രി​കാ​ല ചി​കി​ത്സ​യും തു​ട​രാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ.

ഡോ​ക്ട​ർ​മാ​രു​ടെ കു​റ​വ് മൂ​ലം ഈ ​സേ​വ​ന​ങ്ങ​ൾ നി​ർ​ത്ത​ലാ​ക്കാ​ൻ നേ​ര​ത്തേ തീ​രു​മാ​നി​ച്ചി​രു​ന്നു. ജി​ല്ലാ-​ജ​ന​റ​ൽ ആ​ശു​പ​ത്രി​ക​ളി​ലും വി​വി​ധ കു​ടും​ബാ​രോ​ഗ്യ​കേ​ന്ദ്ര​ങ്ങ​ളി​ലും നി​ല​വി​ലു​ള്ള ഒ​ഴി​വു​ക​ളി​ലേ​ക്കും പു​തി​യ ഡോ​ക്ട​ർ​മാ​രെ നി​യോ​ഗി​ച്ചി​ട്ടു​ണ്ട്.

ആ​രോ​ഗ്യ​വ​കു​പ്പി​ന്‍റെ ക​ണ​ക്ക് പ്ര​കാ​രം ജി​ല്ല​യി​ലാ​കെ സ​ർ​ക്കാ​ർ ഡോ​ക്ട​ർ​മാ​രു​ടെ 86 ഒ​ഴി​വ​ക​ളാ​ണ് ഉ​ണ്ടാ​യി​രു​ന്ന​ത്. 12 പേ​ർ കൂ​ടി ക​ഴി​ഞ്ഞ ദി​വ​സ​ങ്ങ​ളി​ൽ സ്ഥ​ലം​മാ​റി​പ്പോ​യി. 10 പേ​ർ സ്ഥ​ലം​മാ​റ്റ ഉ​ത്ത​ര​വ് കി​ട്ടി​യി​ട്ടും പ​ക​രം സം​വി​ധാ​ന​മാ​കാ​ത്ത​തി​നാ​ൽ ത​ത്കാ​ലം തു​ട​രു​ക​യാ​ണ്.

ഇ​വ​രും കൂ​ടി പോ​യി​ക്ക​ഴി​ഞ്ഞാ​ൽ ആ​കെ ഒ​ഴി​വു​ക​ളു​ടെ എ​ണ്ണം 108 ആ​കും. ഇ​ത്ര​യും ഒ​ഴി​വു​ക​ളി​ലേ​ക്കാ​ണ് ഇ​പ്പോ​ൾ 36 പേ​രെ മാ​ത്രം നി​യ​മി​ച്ചി​രി​ക്കു​ന്ന​ത്. 22 ഒ​ഴി​വു​ക​ളി​ൽ അ​ടു​ത്തി​ടെ താ​ത്കാ​ലി​ക നി​യ​മ​ന​വും ന​ട​ത്തി​യി​ട്ടു​ണ്ട്.

ഇ​ത്ര​യു​മാ​യി​ട്ടും ആ​കെ ഒ​ഴി​വു​ക​ളു​ടെ പ​കു​തി​യോ​ട​ടു​ത്ത് മാ​ത്ര​മാ​ണ് നി​ക​ത്ത​പ്പെ​ട്ടി​രി​ക്കു​ന്ന​ത്.
ഇ​തി​ൽ​ത​ന്നെ എ​ത്ര​പേ​ർ ജോ​ലി​യി​ൽ തു​ട​രു​മെ​ന്ന​തി​നെ ആ​ശ്ര​യി​ച്ചാ​യി​രി​ക്കും ജി​ല്ല​യി​ലെ ആ​രോ​ഗ്യ​മേ​ഖ​ല​യ്ക്ക് ആ​ശ്വ​സി​ക്കാ​നാ​വു​ക.
Copyright @ 2018 , Rashtra Deepika Ltd.