ഇ​ൻ​സ്റ്റ​ഗ്രാം പോ​സ്റ്റ്: വി​ദ്യാ​ർ​ഥി​ക​ൾ ചേ​രി​തി​രി​ഞ്ഞ് ഏ​റ്റു​മു​ട്ടി
Thursday, August 7, 2025 1:07 AM IST
കാ​ഞ്ഞാ​ണി: ഇ​ൻ​സ്റ്റ​ഗ്രാം ഗ്രൂ​പ്പി​ൽ കു​റ്റ​പ്പെ​ടു​ത്തി പോ​സ്റ്റി​ട്ട​തു​മാ​യി ബ​ന്ധ​പ്പെ​ട്ട വൈ​രാ​ഗ്യ​ത്തി​ൽ വി​ദ്യാ​ർ​ഥി​ക​ൾ സ്കൂ​ൾ​മു​റ്റ​ത്ത് ഏ​റ്റു​മു​ട്ടി.

സം​ഘ​ട്ട​ന​ത്തി​ല്‌ ക​മ്പ്യൂ​ട്ട​ർ സ​യ​ൻ​സ് വി​ദ്യാ​ർ​ഥി​ക്ക് ഗു​രു​ത​ര​പ​രി​ക്കേ​റ്റു. കാ​ര​മു​ക്ക് എ​സ്എ​ൻ​ജി​എ​സ് സ്കൂ​ളി​ലെ പ്ല​സ്‌ വ‌​ൺ വി​ദ്യാ​ർ​ഥി കാ​ഞ്ഞാ​ണി നീ​ല​ങ്കാ​വി​ൽ ജെ​യ്സ​ന്‍റെ മ​ക​ൻ ആ​ൽ​വി​നാ​ണ്(16) പ​രി​ക്കേ​റ്റ​ത്. ത​ല​യോ​ട്ടി​ക്ക് പൊ​ട്ട​ലും മൂ​ക്കി​ന്‍റെ​പാ​ല​വും ത​ക​ർ​ന്ന​നി​ല​യി​ൽ ആ​ൽ​വി​നെ തൃ​ശൂ​രി​ല്‌ സ്വ​കാ​ര്യാ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ചൊ​വ്വാ​ഴ്ച രാ​വി​ലെ ഇ​ട​വേ​ള സ​മ​യ​ത്താ​യി​രു​ന്നു സ്കൂ​ളി​ലെ ക​മ്പ്യൂ​ട്ട​ർ സ​യ​ൻ​സ് വി​ഭാ​ഗ​ത്തി​ലെ ആ​ൺ​കു​ട്ടി​ക​ളും കൊ​മേ​ഴ് സ് വി​ഭാ​ഗ​ത്തി​ലെ ആ​ൺ​കു​ട്ടി​ക​ളും ഏ​റ്റു​മു​ട്ടി​യ​ത്.

ഇ​രു​വി​ഭാ​ഗം കു​ട്ടി​ക​ളും ഇ​ൻ​സ്റ്റ​ഗ്രാം ഗ്രൂ​പ്പി​ൽ പോ​സ്റ്റി​ട്ട് ചേ​രി​തി​രി​ഞ്ഞ് പോ​ർ​വി​ളി പ​തി​വാ​ണ്. കൊ​മേ​ഴ്സ് വി​ഭാ​ഗ​ത്തി​ലെ 22 ഓ​ളം വ​രു​ന്ന വി​ദ്യാ​ർ​ഥി​ക​ൾ ഇ​ത് ചോ​ദ്യം​ചെ​യ്തു. വാ​ക്കേ​റ്റ​ത്തെ തു​ട​ർ​ന്ന് ഇ​രു​ക്ലാ​സി​ലേ​യും കു​ട്ടി​ക​ൾ കൂ​ട്ട​ത്ത​ല്ലാ​യി. ഇ​തു​ക​ണ്ട് അ​ധ്യാ​പ​ക​ർ പി​ടി​ച്ചു​മാ​റ്റാ​നെ​ത്തി.

ആ​ൽ​വി​ന്‍റെ ക്ലാ​സി​ലെ എ​ല്ലാ​വ​രേ​യും​മാ​റ്റി​പ്പോ​ൾ ആ​ൽ​വി​ൻ ത​നി​ച്ചാ​യി. ഈ ​ത​ക്കം​നോ​ക്കി ആ​ൽ​വി​നെ മ​ർ​ദി​ക്കു​ക​യാ​യി​രു​ന്നു. അ​ടി​കൊ​ണ്ട് നി​ല​ത്തു​വീ​ണ ആ​ൽ​വി​ന്‍റെ ത​ല​യ്ക്കും മു​ഖ​ത്തും നെ​ഞ്ചി​ലും കൈ​കൊ​ണ്ട് ഇ​ടി​ക്കു​ക​യും കാ​ൽ​കൊ​ണ്ട് ചി​വി​ട്ടു​ക​യു​മാ​യി​രു​ന്നു.

ആ​ൽ​വി​നെ ആ​ക്ര​മി​ച്ച 22 ഓ​ളം വ​രു​ന്ന വി​ദ്യാ​ർ​ഥി​ക​ൾ​ക്കെ​തി​രേ അ​ന്തി​ക്കാ​ട് പോ​ലീ​സ് കേ​സെ​ടു​ത്തു.
Copyright @ 2018 , Rashtra Deepika Ltd.