5

കാ​ല്‍ നൂ​റ്റാ​ണ്ടി​നി​ട​യി​ലെ ഏ​റ്റ​വും ദൈ​ര്‍​ഘ്യ​മേ​റി​യ പ്ര​തി​വാ​ര ന​ഷ്ട​പ​ര​മ്പ​ര​യി​ലെ ച​ക്ര​വ്യൂ​ഹ​ത്തി​ല്‍ നി​ഫ്റ്റി സൂ​ചി​ക അ​ക​പ്പെ​ട്ടു. ര​ക്ഷ​നേ​ടാ​ന്‍ പ​ണി പ​തി​നെ​ട്ടും പ​യ​റ്റി​യ നി​ക്ഷേ​പ​ക​ര്‍ ആ​ശ​ങ്ക​യി​ലാ​ണ്. ദീ​പാ​വ​ലി​ക്ക് മു​ന്നേ ഒ​രു തി​രി​ച്ചു​വ​ര​വ് ഏ​താ​രു ഇ​ന്ത്യ​ന്‍ നി​ക്ഷേ​പ​ക​ന്‍റെ​യും സ്വ​പ്ന​മാ​ണ്. എ​ന്നാ​ല്‍ അ​തി​ന് അ​വ​സ​രം ന​ല്‍​കാ​ത്ത വി​ധം അ​തി​ശ​ക്ത​മാ​യ വി​ൽപ​ന ത​രം​ഗ​മാ​ണ് വി​ദേ​ശ ഫ​ണ്ടു​ക​ള്‍ സൃ​ഷ്ടി​ക്കു​ന്ന​ത്. വി​പ​ണി ചെ​കു​ത്താ​നും ക​ട​ലി​നു​മി​ട​യി​ലൂ​ടെ നീ​ങ്ങു​ന്ന​തി​നാ​ല്‍ പു​തി​യ ബാ​ധ്യ​ത​ക​ള്‍​ക്ക് മു​തി​രാ​തെ ചെ​റു​കി​ട നി​ക്ഷേ​പ​ക​ര്‍ പ​ക​ച്ചു​നി​ല്‍​ക്കു​ക​യാ​ണ്. അ​തേ​സ​മ​യം ക​ഴു​ക​ന്‍ ക​ണ്ണു​ക​ളു​മാ​യി ഓ​രോ താ​ഴ്ച​യും അ​വ​സ​ര​മാ​ക്കി ഊ​ഹ​ക്ക​ച്ച​വ​ട​ക്കാ​ര്‍ വ​ല​യെ​റി​യു​ന്നു​ണ്ട്.

വി​ദേ​ശ ഫ​ണ്ടു​ക​ള്‍ പി​ന്നി​ട്ട മാ​സം 44,012.82 കോ​ടി രൂ​പ​യു​ടെ ഓ​ഹ​രി​ക​ള്‍ വി​റ്റു. പോ​യ​വാ​രം അ​വ​ര്‍ 34,970 കോ​ടി രൂ​പ​യു​ടെ വിൽപ​ന ന​ട​ത്തി. ജൂ​ണി​ന് ശേ​ഷം ഇ​ത്ര ക​ന​ത്ത പ്ര​തി​വാ​ര വി​ല്പ​ന ആ​ദ്യ​മാ​ണ്. മൂ​ല​ധ​ന വി​പ​ണി​യി​ലെ ത​ക​ര്‍​ച്ച ത​ട​യാ​ന്‍ ആ​ഭ്യ​ന്ത​ര മ്യൂ​ച്വ​ല്‍ ഫ​ണ്ടു​ക​ള്‍ നി​ര​ന്ത​ര ശ്ര​മ​ത്തി​ലാ​ണ്. പി​ന്നി​ട്ട നാ​ല് ദി​വ​സ​ങ്ങ​ളി​ല്‍ അ​വ​ര്‍ 33,460 കോ​ടി രൂ​പ​യു​ടെ ഓ​ഹ​രി​ക​ള്‍ വാ​ങ്ങി. സെ​പ്റ്റം​ബ​റി​ലെ മൊ​ത്തം നി​ക്ഷേ​പം 76,030 കോ​ടി രൂ​പ​യാ​ണ്.

സെ​ന്‍​സെ​ക്സ് 2024 ഫെ​ബ്രു​വ​രി​ക്ക് ശേ​ഷ​മു​ള്ള ഏ​റ്റ​വും താ​ഴ്ന്ന നി​ല​യി​ലും നി​ഫ്റ്റി ആ​റു​മാ​സ​ത്തി​നി​ട​യി​ലെ ഏ​റ്റ​വും താ​ഴ്ന്ന ക്ലോ​സി​ംഗിലു​മാ​ണ്. നി​ഫ്റ്റി സൂ​ചി​ക 694 പോ​യി​ന്‍റും സെ​ന്‍​സെ​ക്സ് 1690 പോ​യി​ന്‍റും പ്ര​തി​വാ​ര ന​ഷ്ട​ത്തി​ലാ​യി. തു​ട​ര്‍​ച്ച​യാ​യ എ​ട്ട് ആ​ഴ്ച​ക​ളി​ലെ ത​ക​ര്‍​ച്ച​യി​ല്‍ നി​ഫ്റ്റി 8.7 ശ​ത​മാ​ന​വും സെ​ന്‍​സെ​ക്സ് 8.4 ശ​ത​മാ​ന​വും ഇ​ടി​ഞ്ഞു.

രൂ​പ പി​രി​മു​റു​ക്ക​ത്തി​ൽ

പ​ണ്ടേ ദു​ര്‍​ബ​ല പി​ന്നെ​ ഗ​ര്‍​ഭി​ണി​യു​മെ​ന്ന അ​വ​സ്ഥ​യി​ലാ​ണ് ഇ​ന്ത്യ​ന്‍ രൂ​പ. ഓ​ഹ​രി​ക​ളി​ലെ വി​ല്പ​ന സ​മ്മ​ര്‍​ദ​ത്തി​നി​ട​യി​ല്‍ ഡോ​ള​ര്‍ ശേ​ഖ​രി​ച്ച് രം​ഗം വി​ടാ​ന്‍ വി​ദേ​ശ ഫ​ണ്ടു​ക​ള്‍ ന​ട​ത്തി​യ നീ​ക്കം രൂ​പ​യെ പി​രി​മു​റു​ക്ക​ത്തി​ലാ​ക്കി. 95.83ല്‍ ​നി​ന്നും രൂ​പ 96.30ലേ​ക്ക് ഇ​ടി​ഞ്ഞു. രൂ​പ​യു​ടെ അ​ടി​യൊ​ഴു​ക്ക് ക​ണ​ക്കി​ലെ​ടു​ത്താ​ല്‍ 96.55ലേ​ക്കും തു​ട​ര്‍​ന്ന് 97.28ലേ​ക്കും ദു​ര്‍​ബ​ല​മാ​കാം. താ​ത്ക്കാ​ലി​ക​മാ​യി 95.41ല്‍ ​താ​ങ്ങു​ണ്ട്.

സാ​മ്പ​ത്തി​ക മേ​ഖ​ല​യി​ലെ സ്ഥി​തി​ഗ​തി​ക​ള്‍ അ​ത്ര സു​ഖ​ക​ര​മ​ല്ലാ​ത്ത സാ​ഹ​ച​ര്യ​ത്തി​ല്‍ ആ​ര്‍​ബി​ഐ മോ​ണി​റ്റ​റി പോ​ളി​സി ക​മ്മി​റ്റി അ​ടു​ത്ത ദി​വ​സം യോ​ഗം ചേ​രും. പ​ണ​പ്പെ​രു​പ്പം ക​ണ​ക്കി​ലെ​ടു​ത്താ​ല്‍ റി​പ്പോ നി​ര​ക്കി​ല്‍ 25 ബേ​സി​സ് പോ​യി​ന്‍റ് വ​ര്‍​ധ​ന​യ്ക്ക് സാ​ധ്യ​ത. ബോ​ണ്ട് യീ​ല്‍​ഡു​ക​ള്‍ ഉ​യ​ര്‍​ന്ന​തി​നാ​ല്‍ അ​മേ​രി​ക്ക​യു​ടെ​യും ഇ​ന്ത്യ​യു​ടെ​യും പ​ലി​ശ​നി​ര​ക്കി​ലെ വ്യ​ത്യാ​സം കു​റ​യ്ക്കാ​ന്‍ നീ​ക്കം ന​ട​ക്കാം.

നി​ഫ്റ്റി സ​മ്മ​ര്‍​ദ​ത്തി​ൽ

നി​ഫ്റ്റി ക​ടു​ത്ത സ​മ്മ​ര്‍​ദ​ത്തി​ലാ​ണ്. തി​രി​ച്ചു​വ​ര​വി​ന് ഒ​രു വൈ​ക്കോ​ല്‍​ത്തു​മ്പ് പോ​ലും ല​ഭി​ക്കാ​ന്‍ അ​വ​സ​രം ന​ല്‍​കാ​ത്തവി​ധം ക​ന​ത്ത വി​ല്പ​ന വി​ദേ​ശ ഫ​ണ്ടു​ക​ള്‍ ന​ട​ത്തി. 23,140ല്‍​നി​ന്ന് ഒ​രു പോ​യി​ന്‍റ് പോ​ലും ഉ​യ​രാ​നു​ള്ള സാ​ഹ​ച​ര്യം ന​ല്‍​കാ​തെ ബ്ലൂ​ചി​പ്പ് ഓ​ഹ​രി​ക​ള്‍ അ​വ​ര്‍ വി​റ്റ​തോ​ടെ 22,747ലെ ​സ​പ്പോ​ര്‍​ട്ട് ത​ക​ര്‍​ത്ത് 22,218ലേ​ക്ക് ഇ​ടി​ഞ്ഞു.

നി​ഫ്റ്റി​യെ സം​ബ​ന്ധി​ച്ച് 200 ആ​ഴ്ച​ക​ളി​ലെ നി​ര്‍​ണാ​യ​ക സ​പ്പോ​ര്‍​ട്ട് മേ​ഖ​ല​യാ​യി​രു​ന്ന 23,000 പോ​യി​ന്‍റി​ല്‍ കാ​ലി​ട​റി​യ​ത് വ​ന്‍ ആ​ഘാ​ത​ങ്ങ​ള്‍​ക്ക് ഇ​ട​യാ​ക്കാം. ക്ലോ​സിം​ഗി​ല്‍ സൂ​ചി​ക 22,421 പോ​യി​ന്‍റി​ലാ​ണ്. ഈ ​വാ​രം 22,066ലെ ​ആ​ദ്യ സ​പ്പോ​ര്‍​ട്ട് ന​ഷ്ട​മാ​യാ​ല്‍ മാ​സ​മ​ധ്യം സൂ​ചി​ക 21,711ലേ​ക്ക് തി​രി​യാം. തി​രി​ച്ചു​വ​ര​വി​ന് ശ്ര​മി​ച്ചാ​ല്‍ 22,928ല്‍ ​പ്ര​തി​രോ​ധ​മു​ണ്ട്. ഡെ​യ്‌​ലി, വീ​ക്കി​ലി ചാ​ര്‍​ട്ടു​ക​ളി​ല്‍ എം​എ​സി​ഡി നെ​ഗ​റ്റീ​വ് സോ​ണി​ല്‍ നീ​ങ്ങു​ന്ന​ത് ദു​ര്‍​ബ​ലാ​വ​സ്ഥ രൂ​ക്ഷ​മാ​ക്കാം. സൂ​പ്പ​ര്‍ ട്രെ​ന്‍​ഡും പാ​ര​ബോ​ളി​ക്കും സെ​ല്ലിം​ഗി​ല്‍ നീ​ങ്ങു​ന്ന​ത് വി​ൽപ​ന​ക്കാ​രു​ടെ വീ​ര്യം വ​ര്‍​ധി​പ്പി​ക്കും.

നി​ഫ്റ്റി ഫ്യൂ​ച്ചേ​ഴ്സ് ഒ​ക്‌​ടോ​ബ​ര്‍ 23,064ല്‍​നി​ന്ന് വാ​രാ​ന്ത്യം 22,321ലേ​ക്ക് താ​ഴ്ന്ന​ങ്കി​ലും ക്ലോ​സിം​ഗി​ല്‍ 22,520ലാ​ണ്. വി​പ​ണി​യി​ലെ ഓ​പ്പ​ണ്‍ ഇ​ന്‍റ​റ​സ്റ്റ് 104.4 ല​ക്ഷം ക​രാ​റു​ക​ളി​ല്‍​നി​ന്ന് 191.6 ല​ക്ഷ​മാ​യി. ഓ​പ്പ​ണ്‍ ഇ​ന്‍റ​റ​സ്റ്റി​ലെ വ​ര്‍​ധ​ന പു​തി​യ ഷോ​ര്‍​ട്ട് പൊ​സി​ഷ​നു​ക​ള്‍​ക്ക് മു​ന്‍​തൂ​ക്കം ന​ല്‍​കു​ന്നു. നി​ല​വി​ല്‍ ബു​ള്ളി​ഷ് സൂ​ച​ന​ക​ളൊ​ന്നും ദൃ​ശ്യ​മ​ല്ലാ​ത്ത​തി​നാ​ല്‍ സ​പ്പോ​ര്‍​ട്ട് മേ​ഖ​ല​യാ​യ 22,000-21,800ലേ​ക്ക് മാ​സ​ത്തി​ന്‍റെ ര​ണ്ടാം പ​കു​തി​യി​ല്‍ ദൃ​ഷ്ടി തി​രി​യാം.

സെൻസെക്സ് ഇടിവിൽ

സെ​ന്‍​സെ​ക്സ് 73,895ല്‍​നി​ന്ന് ഇ​ടി​വോ​ടെ​യാ​ണ് ഓ​പ്പ​ണ്‍ ചെ​യ്ത​ത്. മു​ന്‍​നി​ര ഓ​ഹ​രി​ക​ളി​ലെ വി​ൽപ​ന സ​മ്മ​ര്‍​ദ​ത്തി​ല്‍ 72,575ലെ ​താ​ങ്ങ് ത​ക​ര്‍​ത്ത് 71,300ലേ​ക്ക് ഇ​ടി​ഞ്ഞെ​ങ്കി​ലും ക്ലോ​സിം​ഗി​ല്‍ 71,909 പോ​യി​ന്‍റി​ലാ​ണ്. ഈ ​വാ​രം 70,892 -69,876 പോ​യി​ന്‍റി​ല്‍ സ​പ്പോ​ര്‍​ട്ടു​ണ്ട്. മു​ന്നേ​റാ​ന്‍ ശ്ര​മി​ച്ചാ​ല്‍ 73,334ല്‍ ​പ്ര​തി​രോ​ധ​വും.

സ്വ​ര്‍​ണത്തിൽ ചാഞ്ചാട്ടം

അ​ന്താ​രാ​ഷ്ട്ര സ്വ​ര്‍​ണ വി​പ​ണി​യി​ല്‍ സെ​ല്ലിം​ഗ് പ്ര​ഷ​ര്‍ വ​ര്‍​ധി​ച്ചു. ട്രോ​യ് ഔ​ണ്‍​സി​ന് 4284 ഡോ​ള​റി​ല്‍​നി​ന്ന് 4114ലേ​ക്ക് താ​ഴ്ന്ന ശേ​ഷം വ്യാ​പാ​രാ​ന്ത്യം 4142 ഡോ​ള​റി​ലാ​ണ്.

Tags : Deepika DeepikaNewspaper BreakingNews NewsUpdate Market drenched in red