19

കോ​ട്ട​യം: ആ​ര്‍എ​സ്എ​സ് നാ​ല് ഗ്രേ​ഡ് റ​ബ​ര്‍ ഷീ​റ്റി​ന് 249 രൂ​പ​യും ആ​ര്‍എ​സ്എ​സ് അ​ഞ്ച് ഗ്രേ​ഡ് 245 രൂ​പ​യു​മാ​യി ഇ​ന്നേ​വ​രെ​യു​ള്ള ഏ​റ്റ​വും ഉ​യ​ര്‍ന്ന വി​ല​യി​ലെ​ത്തി. വേ​ന​ലി​ല്‍ ഉ​ത്പാ​ദ​നം കു​റ​ഞ്ഞ് ച​ര​ക്കി​ന് ക​ടു​ത്ത ക്ഷാ​മം നേ​രി​ടു​ന്ന​തി​നാ​ല്‍ വി​ല കൂ​ടു​ത​ൽ മെ​ച്ച​പ്പെ​ടു​മെ​ന്നാ​ണ് സൂ​ച​ന.

വ്യ​വ​സാ​യി​ക​ള്‍ ഡീ​ല​ര്‍മാ​രി​ല്‍നി​ന്ന് 252 രൂ​പ നി​ര​ക്കി​ല്‍ വ​രെ ക​ഴി​ഞ്ഞ ദി​വ​സം ഷീ​റ്റ് വാ​ങ്ങി. ഇ​ന്ന​ലെ ബാ​ങ്കോ​ക്കി​ല്‍ ഒ​രു കി​ലോ റ​ബ​റി​ന് 270 രൂ​പ വി​ല​യു​ണ്ടാ​യി​രു​ന്നു. വി​ദേ​ശ​വി​ല കി​ലോ​യ്ക്ക് 21 രൂ​പ ഉ​യ​ര്‍ന്നു നി​ല്‍ക്കു​ന്ന​തി​നാ​ല്‍ ഇ​വി​ട​ത്തെ വി​ല​യി​ല്‍ ഉ​ട​നെ ഇ​ടി​വു​ണ്ടാ​കാ​നു​ള്ള സാ​ധ്യ​ത​യി​ല്ല.

അ​തേ​സ​മ​യം ചെ​റു​കി​ട ക​ര്‍ഷ​ക​ര്‍ക്ക് ഷീ​റ്റ് സ്റ്റോ​ക്കി​ല്ലാ​ത്ത​തി​നാ​ല്‍ ഉ​യ​ര്‍ന്ന വി​ല​യു​ടെ മെ​ച്ചം കി​ട്ടാ​നു​മി​ല്ല. നി​ല​വി​ല്‍ ഷീ​റ്റ് സ്റ്റോ​ക്ക് ചെ​യ്ത എ​സ്‌​റ്റേ​റ്റ് ഉ​ട​മ​ക​ള്‍ക്കും വ​ന്‍കി​ട ഡീ​ല​ര്‍മാ​ര്‍ക്കും മാ​ത്ര​മാ​ണ് ഉ​യ​ര്‍ന്ന വി​ല​യു​ടെ നേ​ട്ടം ല​ഭി​ക്കു​ന്ന​ത്.

റ​ബ​ര്‍ വി​ല 250ല്‍ ​താ​ഴ്ത്തി നി​റു​ത്താ​നു​ള്ള ത​ന്ത്ര​ത്തി​ന്റെ ഭാ​ഗ​മാ​യി ഏ​താ​നും ട​യ​ര്‍ ക​മ്പ​നി​ക​ള്‍ ഇ​ന്ന​ലെ ച​ര​ക്ക് വാ​ങ്ങ​ലി​ല്‍നി​ന്ന് പി​ന്‍മാ​റി. ഒ​രാ​ഴ്ച​യാ​യി വേ​ന​ല്‍മ​ഴ ല​ഭി​ക്കു​ക​യും വി​ല മെ​ച്ച​പ്പെ​ടു​ക​യും ചെ​യ്ത​തി​നാ​ല്‍ ഈ ​മാ​സം ടാ​പ്പിം​ഗ് പു​ന​രാ​രം​ഭി​ക്കാ​ന്‍ ക​ര്‍ഷ​ക​ര്‍ താ​ല്‍പ​ര്യ​പ്പെ​ടും.

ജൂ​ലൈ വ​രെ ഉ​ത്പാ​ദ​നം കു​റ​വാ​യ​തി​നാ​ല്‍ തൊ​ഴി​ലാ​ളി​ക​ളെ നി​യ​മി​ക്കാ​തെ ത​നി​യെ റ​ബ​ര്‍ ടാ​പ്പിം​ഗ് ന​ട​ത്തു​ന്ന​വ​ര്‍ക്കു മാ​ത്ര​മേ നേ​ട്ട​മു​ണ്ടാ​കൂ.

ടാ​പ്പിം​ഗ് തു​ട​ങ്ങാ​ന്‍ ഭാ​രി​ച്ച ചെലവ്

കോ​ട്ട​യം: വേ​ന​ല്‍ അ​വ​ധി​ക്കു​ശേ​ഷം ഒ​രേ​ക്ക​ര്‍ തോ​ട്ട​ത്തി​ല്‍ ടാ​പ്പിം​ഗ് പു​ന​രാ​രം​ഭി​ക്കാ​ന്‍ ഒ​രു ല​ക്ഷം രൂ​പ​യ്ക്ക​ടു​ത്ത് ചെ​ല​വ് വ​രും. മു​ന്‍പ് ടാ​പ്പിം​ഗി​നു മു​ന്നോ​ടി​യാ​യി റ​ബ​റു​ക​ള്‍ക്കി​ട​യി​ല്‍ വ​ഴി​ത്താ​ര​യി​ലെ കാ​ട് യ​ന്ത്ര​ത്തി​ല്‍ വെ​ട്ടു​ക​യാ​യി​രു​ന്നു പ​തി​വ്. നി​ല​വി​ല്‍ പാ​മ്പു​ശ​ല്യം രൂ​ക്ഷ​മാ​യ​തി​നാ​ല്‍ തോ​ട്ടം അ​പ്പാ​ടെ പു​ല്ല് വെ​ട്ടി സു​ര​ക്ഷി​ത​മാ​ക്കാ​ന്‍ ഏ​ക്ക​റി​ന് പ​തി​ന​യ്യാ​യി​രം രൂ​പ​യോ​ളം വേ​ണ്ടി വ​രും.

മ​ഴ​മ​റ​യി​ടാ​ന്‍ ക​ഴി​ഞ്ഞ വ​ര്‍ഷത്തേക്കാ​ള്‍ ചെ​ല​വേ​റും. പ​ശ്ചി​മേ​ഷ്യ​ന്‍ യു​ദ്ധ പ്ര​തി​സ​ന്ധി​യെ​ത്തു​ട​ര്‍ന്ന് പ്ലാ​സ്റ്റി​ക്കി​നും പ​ശ​യ്ക്കും വി​ല​യേ​റി. ഒ​രു കി​ലോ പ്ലാ​സ്റ്റി​ക്കി​ന് വി​ല 250 രൂ​പ​യോ​ട് അ​ടു​ത്തു. ഒ​രു റ​ബ​റി​ന് മ​ഴ​മ​റ​യി​ടാ​ന്‍ തൊ​ഴി​ല്‍ക്കൂ​ലി ഉ​ള്‍പ്പെ​ടെ നാ​ല്‍പ​ത് രൂ​പ​യ്ക്ക് മു​ക​ളി​ല്‍ ചെ​ല​വു​ണ്ടാ​കും. ഇ​ല​കൊ​ഴി​ച്ചി​ല്‍ ത​ട​യാ​ന്‍ സ്‌​പ്രെ​യിം​ഗ് ചെ​ല​വ് ഇ​ര​ട്ടി​യാ​യി.

സ്‌​പ്രെ​യിം​ഗ് ഓ​യി​ല്‍ വി​ല ലി​റ്റ​റി​ന് 320 രൂ​പ​യി​ല്‍ നിന്ന് 900 ​രൂ​പ​യ്ക്ക് മു​ക​ളി​ലാ​യി. തു​രി​ശു​വി​ല കി​ലോ​യ്ക്ക് 400 രൂ​പ​യ്ക്ക് മു​ക​ളി​ലെ​ത്തി​യ​തോ​ടെ ഏ​റെ​പ്പേ​രും സ്‌​പ്രെ​യിം​ഗ് ന​ട​ത്താ​ന്‍ താ​ല്‍പ​ര്യ​പ്പെ​ടു​ന്നി​ല്ല. മ​ഴ ന​ന്നാ​യി പെ​യ്താ​ലു​ട​ന്‍ റ​ബ​റി​ന് രാ​സ​വ​ള​പ്ര​യോ​ഗം ന​ട​ത്ത​ണം.

വ​ള​ത്തി​ന്‍റെ വി​ല​ക്ക​യ​റ്റ​വും ക​ര്‍ഷ​ക​ര്‍ക്ക് വ​ലി​യ ബാ​ധ്യ​ത​യാ​ണു​ണ്ടാ​ക്കു​ക. ഇ​ത്ത​ര​ത്തി​ല്‍ പ​ണം മു​ട​ക്കി ടാ​പ്പിം​ഗ് പു​നാ​രം​ഭി​ച്ചാ​ല്‍ത​ന്നെ റ​ബ​ര്‍ വി​ല നി​ല​വി​ലെ 250 രൂ​പ നി​ര​ക്കി​ല്‍ തു​ട​ര​ണ​മെ​ന്ന് നി​ര്‍ബ​ന്ധ​മി​ല്ല. ക​ഴി​ഞ്ഞ വ​ര്‍ഷം സ്‌​പ്രെ​യിം​ഗി​നും മ​ഴ​മ​റ​യ്ക്കും ഹെ​ക്‌ട​റി​ന് നാ​ലാ​യി​രം രൂ​പ വീ​തം റ​ബ​ര്‍ ബോ​ര്‍ഡ് സ​ബ്‌​സി​ഡി ന​ല്‍കി​യി​രു​ന്നു. ഇ​ക്കൊ​ല്ലം സ​ബ്‌​സി​ഡി നി​ര​ക്ക് വ​ര്‍ധി​പ്പി​ച്ചാ​ല്‍ മാ​ത്ര​മേ ക​ര്‍ഷ​ക​ര്‍ക്ക് നേ​രി​യ ആ​ശ്വാ​സം ല​ഭി​ക്കു.

Tags : Rubber sheet prices record high hit