കൊച്ചി: ഇന്ത്യൻ സഞ്ചാരികൾക്കായി ശൈത്യകാല ഓഫറുകളൊരുക്കി ശ്രീലങ്കൻ എയർലൈൻസ്.
കൊളംബോ, ഗാലെ, നെഗോംബോ മുതൽ മിരിസ, വെലിഗമ വരെയുള്ള പ്രശസ്തമായ തീരദേശ ഹോട്ട്സ്പോട്ടുകളും സിഗിരിയ റോക്ക് ഫോർട്ട്, ദംബുള്ള, പൊളന്നരുവ, അനുരാധപുര എന്നിവയുൾപ്പെടെ സാംസ്കാരിക കേന്ദ്രങ്ങളും സന്ദർശിക്കുന്നതിനാണ് ഓഫറുകൾ.
ഹോട്ടലുകൾ, ടൂർ ഓപ്പറേറ്റർമാർ, അവശ്യ യാത്രാസേവനങ്ങൾ എന്നിവയുമായി ചേർന്നാണ് ശ്രീലങ്കൻ എയർലൈൻസ് ശൈത്യകാല ഓഫറുകളൊരുക്കിയിരിക്കുന്നത്.
നിലവിൽ കൊച്ചി, ചെന്നൈ, മുംബൈ, ഡൽഹി, ഹൈദരാബാദ്, ബംഗളൂരു, തിരുവനന്തപുരം, മധുര, തിരുച്ചിറപ്പള്ളി എന്നീ ഒമ്പത് ഇന്ത്യൻ നഗരങ്ങളിൽനിന്ന് എയർലൈൻ പതിവായി സർവീസ് നടത്തുന്നുണ്ട്. ഈ വർഷം ഇതുവരെ ഏകദേശം 5,00,000 സന്ദർശകർ ഇന്ത്യയിൽനിന്ന് എത്തിയതായും എയർലൈൻസ് അധികൃതർ പറഞ്ഞു.