"ഇ​ന്ന​ലെ ഉ​ച്ച​യ്ക്ക് ര​ണ്ടി​ന് അ​പ്ര​തീ​ക്ഷി​ത​മാ​യി ന​വാ​സി​ന്‍റെ ഫോ​ണ്‍​കോ​ളെ​ത്തി. ഞാ​ന്‍ പു​ത്ത​ന്‍​കു​രി​ശി​ല്‍ ജീ​ത്തു ജോ​സ​ഫി​ന്‍റെ സെ​റ്റി​ലാ​യി​രു​ന്നു. 15 മി​നി​റ്റോ​ളം ഞ​ങ്ങ​ള്‍ സം​സാ​രി​ച്ചു. ചോ​റ്റാ​നി​ക്ക​ര​യി​ലു​ണ്ടെ​ന്നും ന​വാ​സി​ന്‍റെ പു​തി​യ സി​നി​മ​യു​ടെ വി​ശേ​ഷ​ങ്ങ​ളു​മൊ​ക്കെ പ​റ​ഞ്ഞു. അ​വ​ന്‍ വ​ള​രെ​യ​ധി​കം സ​ന്തോ​ഷ​ത്തി​ലാ​ണ് സം​സാ​രി​ച്ച​ത്.

ഞ​ങ്ങ​ളു​ടെ പ​ഴ​യ മി​മി​ക്ര​ക്കാ​ല​ത്തെ​ക്കു​റി​ച്ചൊ​ക്കെ വാ​തോ​രെ സം​സാ​രി​ച്ചു. ഞാ​നും ന​വാ​സും കോ​ട്ട​യം ന​സീ​റും ഒ​രു​മി​ച്ചു മി​മി​ക്രി ചെ​യ്തി​രു​ന്ന ആ ​കാ​ല​ത്തെ​ക്കു​റി​ച്ചൊ​ക്കെ ന​വാ​സ് സ​ന്തോ​ഷ​ത്തോ​ടെ​യാ​ണ് പ​റ​ഞ്ഞ​ത്. ഇ​തി​നി​ട​യ്ക്ക് എ​ന്‍റെ ഷൂ​ട്ട് തു​ട​ങ്ങാ​ന്‍ സ​മ​യ​മാ​യ​പ്പോ​ള്‍ ന​മു​ക്ക് ഉ​ട​നെ കാ​ണാ​മെ​ന്നു പ​റ​ഞ്ഞാ​ണ് ഫോ​ണ്‍ വ​ച്ച​ത്. രാ​ത്രി​യോ​ടെ അ​വ​ന്‍റെ മ​ര​ണ​വി​വ​ര​മാ​ണ് എ​ത്തി​യ​ത്.

എ​നി​ക്ക് ഇ​തു​വ​രെ അ​ത് ഉ​ള്‍​ക്കൊ​ള്ളാ​ന്‍ ക​ഴി​ഞ്ഞി​ല്ല. ഇ​ന്ന് പു​ല​ര്‍​ച്ചെ ര​ണ്ടു​വ​രെ ആ​ശു​പ​ത്രി മോ​ര്‍​ച്ച​റി​ക്ക് മു​ന്നി​ല്‍ ത​ന്നെ​യു​ണ്ടാ​യി​രു​ന്നു- ന​ട​ന്‍ ഷാ​ജു ശ്രീ​ധ​ര്‍ ഇ​തു പ​റ​യു​മ്പോ​ള്‍ വാ​ക്കു​ക​ള്‍ പൂ​ര്‍​ത്തി​യാ​ക്കാ​നാ​വാ​തെ വി​തു​മ്പി.

ന​വാ​സ് ക​ലാ​ഭ​വ​നി​ല്‍ നി​ന്നും ഷാ​ജു ശ്രീ​ധ​ര്‍ കൊ​ച്ചി​ന്‍ ഹൈ​ന​സി​ല്‍ നി​ന്നു​മാ​ണ് മി​മി​ക്രി രം​ഗ​ത്തേ​ക്ക് എ​ത്തി​യ​തെ​ങ്കി​ലും 1994 മു​ത​ലു​ള്ള സൗ​ഹൃ​ദ​മാ​ണ് ഇ​രു​വ​രു​ടേ​യും. 1995 ല്‍ ​മി​മി​ക്‌​സ് ആ​ക്ഷ​ന്‍ 500 എ​ന്ന ചി​ത്ര​ത്തി​ലാ​യി​രു​ന്നും ഇ​രു​വ​രും ആ​ദ്യ​മാ​യി ഒ​രു​മി​ച്ച് അ​ഭി​ന​യി​ച്ച​ത്. അ​തി​നു​ശേ​ഷം കോ​ട്ട​യം ന​സീ​റി​നൊ​പ്പം കേ​ര​ള​ത്തി​ല​ങ്ങോ​ള​മി​ങ്ങോ​ളം ഇ​വ​ര്‍ മി​മി​ക്രി അ​വ​ത​രി​പ്പി​ച്ച് കൈ​യ​ടി നേ​ടി. വി​ദേ​ശ​ത്തും ക​ലാ​പ​രി​പാ​ടി​ക​ള്‍ അ​വ​ത​രി​പ്പി​ച്ചു.

‘ഇ​ക്ക​ഴി​ഞ്ഞ ജൂ​ണ്‍ 22 ന് ​കൊ​ച്ചി​യി​ല്‍ ന​ട​ന്ന ‘അ​മ്മ' ജ​ന​റ​ല്‍​ബോ​ഡി മീ​റ്റിം​ഗി​ലാ​ണ് ഞ​ങ്ങ​ൾ ഇ​രു​വ​രും അ​വ​സാ​ന​മാ​യി ക​ണ്ട​ത്. അ​ന്ന് ഒ​ത്തി​രി​നേ​രം സം​സാ​രി​ച്ചു. ഒ​രു​മി​ച്ചി​രു​ന്ന് ഭ​ക്ഷ​ണം ക​ഴി​ച്ച് ത​മാ​ശ​യൊ​ക്കെ പ​റ​ഞ്ഞാ​ണ് പി​രി​ഞ്ഞ​ത്. ഞ​ങ്ങ​ള്‍​ക്കി​ട​യി​ല്‍ ത​മാ​ശ​ക​ള്‍ മാ​ത്ര​മാ​ണ് എ​ന്നും ഉ​ണ്ടാ​യി​രു​ന്ന​ത്.

എ​ന്നെ​ക്കാ​ള്‍ ഒ​രു വ​യ​സി​നു മൂ​ത്ത​യാ​ളാ​ണ് ന​വാ​സെ​ങ്കി​ലും ഞ​ങ്ങ​ള്‍ എ​ന്നും ഒ​രേ വൈ​ബി​ലാ​യി​രു​ന്നു. 21 വ​ര്‍​ഷം മു​മ്പ് ഞ​ങ്ങ​ള്‍ ഇ​രു​വ​രും വി​വാ​ഹ​ത​രാ​യ​തും ഒ​രു ഒ​ക്ടോ​ബ​ര്‍ 27 നു ​ത​ന്നെ​യാ​യി​രു​ന്നു. എ​ന്‍റെ ഭാ​ര്യ ചാ​ന്ദ്‌​നി​യും ന​വാ​സി​ന്‍റെ ഭാ​ര്യ ര​ഹ്ന​യും അ​ടു​ത്ത സു​ഹൃ​ത്തു​ക്ക​ളു​മാ​ണ്. ഇ​രു കു​ടും​ബ​ങ്ങ​ളും ഇ​ട​യ്ക്ക് ഒ​ത്തു​ചേ​രാ​റു​മു​ണ്ട്'- പ്രി​യ സു​ഹൃ​ത്തി​ന​ന്‍റെ ഓ​ര്‍​മ​ക​ള്‍ ഷാ​ജു നൊ​മ്പ​ര​ത്തോ​ടെ പ​ങ്കു​വ​ച്ചു.

‘ന​വാ​സ് ഇ​നി​യി​ല്ലെ​ന്ന് എ​നി​ക്ക് ഇ​തു​വ​രെ വി​ശ്വ​സി​ക്കാ​ന്‍ ക​ഴി​ഞ്ഞി​ട്ടി​ല്ല. ഒ​രു അ​സു​ഖ​വു​മി​ല്ലാ​തെ ആ​രോ​ഗ്യ​വാ​നാ​യി​രു​ന്ന ആ​ള്‍ പെ​ട്ടെ​ന്ന് ക​ണ്‍​മു​ന്നി​ല്‍ നി​ന്നു മ​റ​യു​മ്പോ​ള്‍... മ​ണി​ക്കൂ​റു​ക​ള്‍​ക്ക് മു​മ്പ് വ​രെ സം​സാ​രി​ച്ച ആ​ള്‍ പെ​ട്ടെ​ന്ന് പോ​യെ​ന്ന് അ​റി​യു​മ്പോ​ള്‍... അ​ത് ഉ​ള്‍​ക്കൊ​ള്ളാ​ന്‍ എ​നി​ക്ക് ഇ​നി ഏ​റെ​ക്കാ​ല​മെ​ടു​ക്കും...' വാ​ക്കു​ക​ള്‍ ഇ​ട​റി​ക്കൊ​ണ്ട് ഷാ​ജു ശ്രീ​ധ​ര്‍ പ​റ​ഞ്ഞു നി​ര്‍​ത്തി.