മമ്മൂട്ടിയെ നായകനാക്കി ഷാജി കൈലാസ് സംവിധാനം ചെയ്ത് പുറത്തിറങ്ങിയ സിനിമയാണ് വല്യേട്ടൻ. അറയ്‌ക്കൽ മാധവനുണ്ണിയുടെയും സഹോദരങ്ങളുടെയും കഥപറയുന്ന വല്യേട്ടൻ വീണ്ടും റീ-റിലീസിനൊരുങ്ങുമ്പോൾ സിനിമയുടെ പുതിയ പോസ്റ്ററാണ് അണിയറ പ്രവർത്തകർ ഇപ്പോൾ പുറത്തുവിട്ടിരിക്കുന്നത്.
മാസ് ലുക്കിൽ ഇരിക്കുന്ന അറയ്‌ക്കൽ മാധവനുണ്ണിയാണ് പോസ്റ്ററിലുള്ളത്. 4K ഡോൾബി അറ്റ്‌മോസ് സിസ്റ്റത്തിൽ ദൃശ്യമികവോടെ പുറത്തിറങ്ങുന്ന സിനിമ ആരാധകർക്ക് മികച്ച അനുഭവം നൽകുമെന്ന് അണിയറപ്രവർത്തകർ പറഞ്ഞു.
രഞ്ജിത്തിന്‍റെ തിരക്ക‍ഥയിൽ 2000-ത്തിലാണ് വല്യേട്ടൻ പുറത്തിറങ്ങിയത്. അറയ്‌ക്കൽ തറവാട്ടിൽ നടക്കുന്ന സംഭവവികാസങ്ങളാണ് സിനിമ പറയുന്നത്.
സിദ്ദിഖ്, മനോജ് കെ ജയൻ, സുധീഷ്, സായ്കുമാർ, ശോഭന തുടങ്ങിയവരാണ് ചിത്രത്തിലെ മറ്റ് കേന്ദ്ര കഥാപാത്രങ്ങൾ. അമ്പലക്കര ഫിലിംസിന്‍റെ ബാനറിൽ ബൈജു അമ്പലക്കരയും, അനിൽ അമ്പലക്കരയും ചേർന്നാണ് ചിത്രത്തിന്‍റെ നിർമാണം. 4K ഡോൾബി അറ്റ്‌മോസ് സിസ്റ്റത്തിൽ അവതരിപ്പിക്കുന്നത് മാറ്റിനി നൗ എന്ന കമ്പിനിയാണ്. ചിത്രം സെപ്റ്റംബർ അവസാനവാരം പ്രദർശനത്തിനെത്തും. പിആർഒ-വാഴൂർ ജോസ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.