25

കേ​ള​കം: ഒ​രു നാ​ടി​ന്‍റെ വി​ക​സ​ന​ത്തി​നും വ​ന​സം​ര​ക്ഷ​ണ​ത്തി​നു​മാ​യി ന​ട​ന്ന കു​ടി​യി​റ​ക്ക​ലി​ന്‍റെ ബാ​ക്കി​പ​ത്ര​മാ​യി ചീ​ങ്ക​ണ്ണി​പ്പു​ഴ​യു​ടെ തീ​ര​ത്ത് ഇ​ന്നും ഒ​റ്റ​പ്പെ​ട്ട് ക​ഴി​യു​ക​യാ​ണ് ര​ണ്ട് സ​ഹോ​ദ​ര​ങ്ങ​ൾ. ആ​റ​ളം വ​നാ​തി​ർ​ത്തി​യി​ലെ മു​ട്ടു​മാ​റ്റി​യി​ൽ 1987 ഒ​ക്ടോ​ബ​ർ 14ന് ​ന​ട​ന്ന കു​ടി​യി​റ​ക്ക​ലി​ന് 39 വ​ർ​ഷം പി​ന്നി​ടു​മ്പോ​ഴും ജോ​സ​ഫി​ന്‍റെ​യും തോ​മ​സി​ന്‍റെ​യും ജീ​വി​ത​ത്തി​ന് ഇ​നി​യും ക​ര​കാ​ണാ​നാ​യി​ട്ടി​ല്ല. ഓ​ണ​ക്കാ​ല​ത്ത് നാ​ടെ​ങ്ങും ആ​ഘോ​ഷ​ത്തി​മി​ർ​പ്പി​ലാ​കു​മ്പോ​ഴും ചീ​ങ്ക​ണ്ണി​പ്പു​ഴ​യു​ടെ തീ​ര​ത്ത് ഇ​വ​ർ​ക്ക് ആ​ഘോ​ഷ​ങ്ങ​ളി​ല്ല. വൈ​ദ്യു​തി​യും റോ​ഡും ഉ​ൾ​പ്പെ​ടെ​യു​ള്ള അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ മൂ​ന്ന് മ​ൺ​ക​ട്ട​പ്പു​ര​ക​ളി​ലൊ​ന്നി​ലാ​ണ് സ​ഹോ​ദ​ര​ങ്ങ​ൾ ക​ഴി​യു​ന്ന​ത്. പു​റം​ലോ​ക​വു​മാ​യു​ള്ള ബ​ന്ധ​വും പ​രി​മി​ത​മാ​ണ്.

മ​റു​ക​ര​യെ​ത്താ​ൻ മു​ള​പ്പാ​ലം മാ​ത്രം

ക​രി​ങ്ക​ൽ മ​തി​ലി​ന​രി​കി​ലൂ​ടെ മു​ള​യേ​ണി​യി​റ​ങ്ങി പു​ഴ​യോ​ര​ത്തെ​ത്ത​ണം. അ​വി​ടെ മ​ര​ത്തി​ൽ ചാ​രി​വ​ച്ച മ​റ്റൊ​രു മു​ള​യേ​ണി ക​യ​റി​യാ​ൽ ക​മ്പി​ക​ൾ വ​ലി​ച്ചു​കെ​ട്ടി​യ തൂ​ക്കു​പാ​ലം. ഒ​രാ​ൾ​ക്ക് മാ​ത്രം ക​ട​ന്നു​പോ​കാ​നാ​കു​ന്ന പാ​ല​ത്തി​ൽ മു​ള​ച്ചി​ല്ല​ക​ളാ​ണ് ച​വി​ട്ടു​പ​ടി​ക​ൾ. പാ​ലം അ​വ​സാ​നി​ക്കു​ന്നി​ട​ത്ത് വീ​ണ്ടും മു​ള​യേ​ണി​യി​റ​ങ്ങി​യാ​ൽ മു​ന്നി​ൽ മൂ​ന്ന് മ​ൺ​ക​ട്ട​പ്പു​ര​ക​ൾ. അ​തി​ലാ​ണ് ജോ​സ​ഫും തോ​മ​സും ക​ഴി​യു​ന്ന​ത്. ഇ​ത് അ​ഞ്ചാ​മ​ത്തെ തൂ​ക്കു​പാ​ല​മാ​ണ്. മ​ല​വെ​ള്ള​പ്പാ​ച്ചി​ലി​ലും കാ​ല​പ്പ​ഴ​ക്ക​ത്തി​ലും മു​ന്പു​ണ്ടാ​യി​രു​ന്ന പാ​ല​ങ്ങ​ൾ ത​ക​ർ​ന്നു. ഓ​രോ ത​വ​ണ​യും മ​റു​ക​ര​യെ​ത്താ​ൻ പു​തി​യ പാ​ലം പ​ണി​യേ​ണ്ടി​വ​ന്നു. നാ​ലു സ​ഹോ​ദ​ര​ങ്ങ​ളു​ണ്ടാ​യി​രു​ന്ന കു​ടും​ബ​ത്തി​ലെ മൂ​ത്ത സ​ഹോ​ദ​ര​ൻ മ​ത്താ​യി​യെ 2000ൽ ​ചീ​ങ്ക​ണ്ണി​പ്പു​ഴ​യി​ലെ മ​ല​വെ​ള്ളം ക​വ​ർ​ന്നു. അ​തി​നു ശേ​ഷ​മാ​ണ് പു​ഴ ക​ട​ക്കു​ന്ന​തി​നാ​യി തൂ​ക്കു​പാ​ലം നി​ർ​മി​ക്കാ​ൻ തു​ട​ങ്ങി​യ​ത്. മ​റ്റ് സ​ഹോ​ദ​ര​ങ്ങ​ൾ പു​റം​നാ​ടു​ക​ളി​ലേ​ക്ക് പോ​വു​ക​യും ചെ​യ്ത​തോ​ടെ. ജോ​സ​ഫും തോ​മ​സും മാ​ത്രം ജ​നി​ച്ചു​വ​ള​ർ​ന്ന മ​ണ്ണി​ൽ തു​ട​രു​ക​യാ​ണ്.

പ​ത്ത് ഏ​ക്ക​റി​ൽ​നി​ന്ന് ഒ​റ്റ​പ്പെ​ട​ലി​ലേ​ക്ക്

കു​ടി​യേ​റ്റ​കാ​ല​ത്ത് അ​ട​ക്കാ​ത്തോ​ട് മു​ട്ടു​മാ​റ്റി​യി​ലെ പു​ഴ​യോ​ര​ത്ത് പ​ത്ത് ഏ​ക്ക​ർ ഭൂ​മി​യി​ൽ വീ​ടും കൃ​ഷി​യു​മാ​യി ജീ​വി​തം തു​ട​ങ്ങി​യ കു​ടും​ബ​മാ​യി​രു​ന്നു ഇ​വ​രു​ടേ​ത്. പി​ന്നീ​ട് പ്ര​ദേ​ശം വ​ന്യ​ജീ​വി സ​ങ്കേ​ത​ത്തി​ന്‍റെ ഭാ​ഗ​മാ​യ​തോ​ടെ സ്ഥി​തി​ഗ​തി​ക​ൾ മാ​റി. സ​മീ​പ​ത്തെ ആ​ദി​വാ​സി കു​ടും​ബ​ങ്ങ​ളെ പു​ന​ര​ധി​വാ​സ മേ​ഖ​ല​യി​ലേ​ക്ക് മാ​റ്റി. കാ​ട്ടാ​ന​ക​ളെ ത​ട​യാ​ൻ പു​ഴ​യോ​ര​ത്ത് ക​രി​ങ്ക​ൽ മ​തി​ലും ഉ​യ​ർ​ന്നു. ഒ​ടു​വി​ൽ മൈ​ലാ​ടി​യി​ലെ ഇ​വ​രു​ടെ വീ​ട് കാ​ടി​നും വ​ന്യ​ജീ​വി മേ​ഖ​ല​യ്ക്കു​മി​ട​യി​ൽ ഒ​റ്റ​പ്പെ​ട്ടു. ഭൂ​മി​യി​ൽ തു​ട​ര​ണ​മോ മ​റ്റൊ​രി​ട​ത്തേ​ക്ക് മാ​റ​ണ​മോ എ​ന്ന​തു​മാ​യി ബ​ന്ധ​പ്പെ​ട്ട് വ​നം​വ​കു​പ്പു​മാ​യി വ​ർ​ഷ​ങ്ങ​ളോ​ളം ത​ർ​ക്ക​ങ്ങ​ളും നി​യ​മ​ന​ട​പ​ടി​ക​ളും ഉ​ണ്ടാ​യ​താ​യി ഇ​വ​ർ പ​റ​യു​ന്നു.
“നാ​ട്ടി​ലേ​ക്ക് മാ​റി​ത്താ​മ​സി​ക്കാ​ൻ ത​യാ​റാ​ണ്. ഒ​രു ചെ​റി​യ വീ​ടും കൃ​ഷി ചെ​യ്യാ​ൻ കു​റ​ച്ച ഭൂ​മി​യും ത​രാ​മോ? അ​ത​ല്ലെ​ങ്കി​ൽ ജ​നി​ച്ചു​വ​ള​ർ​ന്ന ഭൂ​മി​യു​ടെ അ​വ​കാ​ശം ഞ​ങ്ങ​ൾ​ക്ക് ത​രാ​ൻ ക​ഴി​യു​മെ​ങ്കി​ൽ അ​തു​മാ​ത്രം മ​തി” ജോ​സ​ഫിന്‍റെ വാ​ക്കു​ക​ളി​ൽ 39 വ​ർ​ഷ​ത്തെ കാ​ത്തി​രി​പ്പി​ന്‍റെ വേ​ദ​ന​യു​ണ്ട്. വ​ന​വും വ​ന്യ​ജീ​വി​ക​ളും സം​ര​ക്ഷി​ക്ക​പ്പെ​ടേ​ണ്ട​ത് അ​നി​വാ​ര്യ​മാ​ണ്. എ​ന്നാ​ൽ അ​തി​ന്‍റെ പേ​രി​ൽ ഒ​റ്റ​പ്പെ​ട്ടു​പോ​യ മ​നു​ഷ്യ​രു​ടെ ജീ​വി​ത​വും സ​ർ​ക്കാ​ർ പ​രി​ഗ​ണി​ക്ക​ണ​മെ​ന്നാ​ണ് ആ​വ​ശ്യം.

കൃ​ഷി​ക്ക് കാ​ട്ടാ​ന​ക​ളു​ടെ വി​ല​ക്ക്

ഒ​രു​കാ​ല​ത്ത് സി​സ​ർ​ള​പ്പു​ല്ല് ന​ട്ട് വ​ള​ർ​ത്തി വാ​റ്റി തൈ​ല​മാ​ക്കി വി​റ്റാ​യി​രു​ന്നു കു​ടും​ബ​ത്തി​ന്‍റെ ഉ​പ​ജീ​വ​നം. പി​ന്നീ​ട് അ​തും നി​ല​ച്ചു. കാ​ട്ടാ​ന​ക​ളും മ​റ്റ് വ​ന്യ​മൃ​ഗ​ങ്ങ​ളും ഇ​ട​യ്ക്കി​ടെ എ​ത്തു​ന്ന​തി​നാ​ൽ കൃ​ഷി​യി​റ​ക്കാ​നും ക​ഴി​യു​ന്നി​ല്ല. പു​റം​ലോ​ക​ത്തി​ന്‍റെ ശ​ബ്ദ​മാ​യി വീ​ട്ടി​ൽ അ​വ​ശേ​ഷി​ക്കു​ന്ന​ത് ഒ​രു റേ​ഡി​യോ മാ​ത്ര​മാ​ണ്. അ​ട​ക്കാ​ത്തോ​ട്ടി​ലെ റേ​ഷ​ൻ​ക​ട​യാ​ണ് ഇ​വ​രു​ടെ പു​റം​ലോ​ക​വു​മാ​യു​ള്ള പ്ര​ധാ​ന ബ​ന്ധം.

പ​രി​ഹാ​രം വേ​ണം

1987ലെ ​കു​ടി​യി​റ​ക്ക​ലി​ന്‍റെ ബാ​ക്കി​പ​ത്ര​മാ​യി ര​ണ്ട് മ​നു​ഷ്യ​ർ ഇ​ന്നും അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ ക​ഴി​യു​ന്ന സാ​ഹ​ച​ര്യം അ​വ​സാ​നി​പ്പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ​യും സാ​മൂ​ഹി​ക പ്ര​വ​ർ​ത്ത​ക​രു​ടെ​യും ആ​വ​ശ്യം. ജോ​സ​ഫി​നും തോ​മ​സി​നും സു​ര​ക്ഷി​ത​മാ​യ പു​ന​ര​ധി​വാ​സം ഒ​രു​ക്കു​ക, ചെ​റി​യ വീ​ട് അ​നു​വ​ദി​ക്കു​ക, കൃ​ഷി​ക്ക് അ​നു​യോ​ജ്യ​മാ​യ ഭൂ​മി ല​ഭ്യ​മാ​ക്കു​ക, അ​ല്ലെ​ങ്കി​ൽ നി​യ​മ​പ​ര​മാ​യി സാ​ധ്യ​മെ​ങ്കി​ൽ പാ​ര​മ്പ​ര്യ ഭൂ​മി​യു​ടെ അ​വ​കാ​ശം സം​ബ​ന്ധി​ച്ച് അ​ടി​യ​ന്ത​ര തീ​രു​മാ​നം എ​ടു​ക്കു​ക തു​ട​ങ്ങി​യ ആ​വ​ശ്യ​ങ്ങ​ളാ​ണ് ഉ​യ​രു​ന്ന​ത്.

Tags : NattuVishesham DistrictNews