Deepika
ADVERTISEMENT
പ്രതീകാത്മക ചിത്രം
കോട്ടയം: കോട്ടയം നഗരത്തിലെയും സമീപ മേഖലകളിലെയും തെരുവനായ ശല്യത്തിന് സമയബന്ധിതമായി ശാശ്വത പരിഹാരം കാണാൻ സ്പീക്കര് തിരുവഞ്ചൂര് രാധാകൃഷ്ണന്റെ അധ്യക്ഷതയില് കളക്ടറേറ്റില് ചേര്ന്ന യോഗം തീരുമാനിച്ചു.
നഗരത്തിലെ നിലവിലെ സാഹചര്യം വിശദമായി പരിശോധിച്ച യോഗം നഗരത്തെ പൂര്ണമായും തെരുവുനായ മുക്തമാക്കാന് കഴിയുന്ന പദ്ധതികളാണ് നടപ്പാക്കേണ്ടതെന്ന് അഭിപ്രായപ്പെട്ടു.
അലഞ്ഞുതിരിയുന്ന നായ്ക്കളെ പിടികൂടി പാര്പ്പിക്കുന്നതിന് മതിയായ സൗകര്യങ്ങളുള്ള പുതിയൊരു കേന്ദ്രം സജ്ജമാക്കേണ്ടതുണ്ട്. ഇതിനാവശ്യമായ സ്ഥലം കണ്ടെത്തുന്ന നടപടികള് ഉടനാരംഭിക്കണമെന്നും സ്പീക്കര് നിര്ദേശിച്ചു. നായ്ക്കള്ക്ക് ഭക്ഷണവും കുറ്റമറ്റ പരിപാലനവും ഉറപ്പാക്കുന്ന കേന്ദ്രമായിരിക്കണം ഇത്. പൊതുജനങ്ങള്ക്ക് ബുദ്ധിമുട്ടുണ്ടാകാത്ത സ്ഥലത്ത് ഇത് സജ്ജീകരിക്കാന് ശ്രദ്ധിക്കണമെന്നും അദ്ദേഹം പറഞ്ഞു.
വീടുകളില് വളര്ത്തുന്ന നായ്ക്കള്ക്ക് രജിസ്ട്രേഷന് നിര്ബന്ധിതമാക്കണം. പ്രായമായതും രോഗം ബാധിച്ചതുമായ വളര്ത്തുനായകളെ പൊതുസ്ഥലങ്ങളില് ഉപേക്ഷിക്കുന്ന പ്രവണത തടയാൻ നായക്കള്ക്കു മൈക്രോ ചിപ്പ് ഘടിപ്പിക്കുന്നതിനുള്ള സാധ്യത പരിശോധിക്കും.
പൊതു സ്ഥാപനങ്ങളില്നിന്നുള്പ്പെടെ ഭക്ഷണ മാലിന്യങ്ങള് അലക്ഷ്യമായി വലിച്ചെറിയുന്നതൊഴിവാക്കാന് എല്ലാവരും ജാഗ്രത പുലര്ത്തണമെന്നും സ്പീക്കര് നിര്ദേശിച്ചു. തുടര് പ്രവര്ത്തനങ്ങളില് നഗരത്തിന്റെ സമീപ പഞ്ചായത്തുകളുടെ പങ്കാളിത്തം ഉറപ്പാക്കണമെന്ന് അദ്ദേഹം കൂട്ടിച്ചേർത്തു.
രണ്ടാഴ്ചയ്ക്കു ശേഷം വീണ്ടും യോഗം ചേര്ന്ന് തുടര്നടപടികള് ആസൂത്രണം ചെയ്യും. ജില്ലാ കളക്ടര് ചേതന്കുമാര് മീണ, മുനിസിപ്പല് ചെയര്മാന് എം.പി. സന്തോഷ് കുമാര്, ആര്ഡിഒ നിജു കുര്യന്, തഹസില്ദാര് സിറിള് സഞ്ജു ജോര്ജ്, വിവിധ വകുപ്പുകളുടെ ജില്ലാ മേധാവികള് തുടങ്ങിയവര് യോഗത്തില് പങ്കെടുത്തു.
ADVERTISEMENT
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram