പ്രതീകാത്മക ചിത്രം
കൊല്ലം: ബീന്സിന്റെയും ചെറിയ ഉള്ളിയുടെയും വില കുതിക്കുന്നു. ബീന്സ് വില 90ല് നിന്ന് 120 രൂപയായി വര്ധിച്ചു. ചെറിയ ഉള്ളിയുടെ വില 60ല് നിന്ന് 100 രൂപയായി.
കടുത്ത വേനല് കാരണമാണ് പച്ചക്കറിക്ക് വില വര്ധിക്കാന് ഇടയാക്കിയത്. കേരളത്തിലേക്കു പച്ചക്കറി എത്തുന്ന തമിഴ്നാട്ടില് മഴ കുറവായതാണ് വില വര്ധനയ്ക്കു പ്രധാന കാരണം.
ആവശ്യത്തിന് പച്ചക്കറി ലഭിക്കുന്നില്ലെന്ന് വ്യാപാരികള് പറഞ്ഞു. 100 രൂപയ്ക്കുമേല് ഓണക്കാലത്ത് വിറ്റ ചേമ്പിന് കിഴങ്ങിന് വില കുറഞ്ഞു.
തട്ടുകടകളില് രണ്ടു കിലോയ്ക്ക് 100 രൂപയ്ക്ക് വില്ക്കുന്നുണ്ട്. തക്കാളി, വെള്ളരിക്ക, വെണ്ടയ്ക്ക തുടങ്ങിയ പച്ചക്കറികള്ക്ക് വില വര്ധിച്ചിട്ടില്ല.