നിയന്ത്രണംവിട്ടു തലകീഴായി മറിഞ്ഞ മിനിലോറി.
ഓയൂര് : വെളിച്ചിക്കാല മലേവയല് ഇറക്കത്തില് നിയന്ത്രണം നഷ്ടപ്പെട്ട മിനി ലോറി ഇരുപതടിയോളം താഴ്ചയിലേക്ക് മറിഞ്ഞു. അപകടത്തില് ആര്ക്കും സാരമായ പരിക്കില്ല. കുളത്തൂ പ്പുഴ-കൊല്ലം റോഡില് കൊടുംവളവും കുത്തിറക്കവുമുള്ള ഈ ഭാഗത്ത് വലിയ അപകടങ്ങള് പതിയിരിക്കുകയാണ്. കെഎസ്ടിപി റോഡ് നിര്മാണം പൂര്ത്തിയാക്കിയെങ്കിലും ഈ ഭാഗത്ത് സംരക്ഷണഭിത്തി നിര്മിച്ചിട്ടില്ല.
നിരവധി കെഎസ്ആര്ടിസി ബസുകളും സ്വകാര്യ വാഹനങ്ങളും സര്വീസ് നടത്തുന്ന ഈ റൂട്ടില് എത്രയും വേഗം സംരക്ഷണഭിത്തി നിര്മിക്കണമെന്ന് നാട്ടുകാര് ആവശ്യപ്പെടുന്നു. അപകടസധ്യതയേറിയ ഈ കൊടുംവളവിലും കുത്തിറക്കത്തിലും വാഹനങ്ങള് വേഗത കുറയ്ക്കുന്നതിനുള്ള മുന്നറിയിപ്പ് ബോര്ഡുകളും അപകട സൂചനാ ബോര്ഡുകളും സ്ഥാപിക്കണമെന്നും നാട്ടുകാര് ആവശ്യപ്പെട്ടു.