ആറാട്ടുപുഴ കുടുംബാരോഗ്യ കേന്ദ്രം.
ഹരിപ്പാട് :മികച്ച പ്രവർത്തന മികവിനും രോഗീസൗഹൃദ സേവനങ്ങൾക്കും പിന്നാലെ ആറാട്ടുപുഴ കുടുംബാരോഗ്യ കേന്ദ്രത്തിന് ദേശീയ ഗുണനിലവാര ഉറപ്പ് മാനദണ്ഡമായ നാഷണൽ ക്വാളിറ്റി അഷ്വറൻസ് സ്റ്റാൻഡേഡ്സ് (എൻക്യുഎഎസ്) അംഗീകാരം ലഭിച്ചു.
ദേശീയതലത്തിൽ നടത്തിയ സമഗ്ര വിലയിരുത്തലിൽ 94.72 ശതമാനം ഉയർന്ന സ്കോർ നേടിയാണ് നേട്ടം.
ആശുപത്രിയിലെ മുഴുവൻ ജീവനക്കാരുടെയും കൂട്ടായ പ്രവർത്തനവും സേവനങ്ങളിൽ വരുത്തിയ നിരന്തര ഗുണനിലവാര മെച്ചപ്പെടുത്തലുമാണ് ഈ വലിയ നേട്ടത്തിലേക്ക് നയിച്ചതെന്ന് അധികൃതർ അറിയിച്ചു.
രോഗികൾക്ക് സുരക്ഷിതവും ഉയർന്ന നിലവാരമുള്ളതുമായ ആരോഗ്യസേവനങ്ങൾ ഉറപ്പാക്കാൻ ലക്ഷ്യമിട്ട് വിപുലമായ ക്രമീകരണങ്ങളാണ് ആശുപത്രിയിൽ ഒരുക്കിയിരുന്നത്.
Tags : NattuVishesham DistrictNews