പെരുമ്പാവൂർ: സംസ്ഥാന സർക്കാർ ഇടത് നയങ്ങളും ആശയങ്ങളുമല്ല നടപ്പിലാക്കുന്നത്. മറിച്ച് ബിജെപി ആശയങ്ങളെ ആണ് പിണറായി സർക്കാർ ഇവിടെ നടപ്പിലാക്കി കൊണ്ടിരിക്കുന്നത് എന്ന് എഐസിസി ജന. സെക്രട്ടറി കെ.സി. വേണുഗോപാൽ. അതിന് ഏറ്റവും ഉത്തമ ഉദാഹരമാണ് പി എം ശ്രീ പദ്ധതി സംസ്ഥാനത്ത് നടപ്പിലാക്കാൻ ശ്രമിച്ചത്.
യുഡിഎഫ് പെരുമ്പാവൂർ നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ത്രിതല പഞ്ചായത്ത് - മുനിസിപ്പൽ സ്ഥാനാർഥികളുടെ മഹാസംഗമം പെരുമ്പാവൂർ സുഭാഷ് മൈതാനിയിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എൽദോസ് കുന്നപ്പള്ളി എംഎൽഎ ചടങ്ങിൽ അധ്യക്ഷത വഹിച്ചു. രാഷ്ട്രീയകാര്യ സമിതിയംഗം ബെന്നി ബെഹനാൻ എം പി മുഖ്യപ്രഭാഷണം നടത്തി.
Tags : local nattuvishesham