19

ക​ടു​ത്തു​രു​ത്തി: ക​ടു​ത്തു​രു​ത്തി​യു​ടെ അ​ഭി​മാ​നപ​ദ്ധ​തി​യാ​യ ക​ടു​ത്തു​രു​ത്തി ബൈ​പാ​സ് മു​ഖ്യ​മ​ന്ത്രി വി.​ഡി. സ​തീ​ശ​ന്‍ നാ​ടി​ന് സ​മ​ര്‍​പ്പി​ച്ചു. ഉ​ത്സ​വാ​ന്ത​രീ​ക്ഷ​ത്തി​ല്‍ ആ​യി​ര​ങ്ങ​ളാ​ണ് ബൈ​പാ​സി​ന്‍റെ ഉ​ദ്ഘാ​ട​ന​ത്തി​നെത്തിയ മു​ഖ്യ​മ​ന്ത്രി​യെ​യും ജലവിഭവ മ​ന്ത്രി മോ​ന്‍​സ് ജോ​സ​ഫി​നെ​യും ജ​ന​പ്ര​തി​നി​ധി​ക​ളെ​യും സ്വീ​ക​രി​ക്കാ​നെ​ത്തി​യ​ത്.

കോ​ട്ട​യം ഭാ​ഗ​ത്തുനി​ന്നും ബൈ​പാ​സ് ആ​രം​ഭി​ക്കു​ന്ന പാ​ണാ​വേ​ലി ക​ട്ടിംഗിനു സ​മീ​പം മു​ഖ്യ​മ​ന്ത്രി നാ​ട മു​റി​ച്ചാ​ണ് ബൈ​പാസി​ന്‍റെ ഉ​ദ്ഘാ​ട​നം നി​ര്‍​വ​ഹി​ച്ച​ത്. തിരക്കിനിടയി ൽപ്പെട്ട മു​ഖ്യ​മ​ന്ത്രി​യെയും മ​ന്ത്രി മോ​ന്‍​സ് ജോ​സ​ഫി​നെ​യും ഏ​റെ പണിപ്പെട്ടാണ് പോ​ലീ​സ് അ​ധി​കൃ​ത​ര്‍ ഉ​ദ്ഘാ​ട​നം ന​ട​ന്ന ബൈ​പാ​സ് റോ​ഡി​ല്‍നി​ന്നും സ​മ്മേ​ള​ന​വേ​ദി​യി​ലേ​ക്കെ​ത്തി​ച്ച​ത്. കോ​ട്ട​യം ജി​ല്ല കേ​ന്ദ്രീ​ക​രി​ച്ചു നി​ര​വ​ധി പ​ദ്ധ​തി​ക​ളു​ണ്ടാ​കു​മെ​ന്നും കാ​ര്‍​ഷി​ക മേ​ഖ​ല​യ്ക്ക് ഊ​ന്ന​ല്‍ ന​ല്‍​കു​ന്ന നി​ര​വ​ധി പ​ദ്ധ​തി​ക​ള്‍ ന​ട​പ്പി​ലാ​ക്കു​മെ​ന്നും സ​മ്മേ​ള​ന​ത്തി​ല്‍ മു​ഖ്യ​മ​ന്ത്രി പ്ര​ഖ്യാ​പി​ച്ചു.

ഇ​തു​വ​രെയി​ല്ലാ​ത്ത വി​ക​സ​നമു​ന്നേ​റ്റ​മാ​വും കോ​ട്ട​യ​ത്തി​നു​ണ്ടാ​വു​ക​യെ​ന്നും മുഖ്യമന്ത്രി പറഞ്ഞു. ക​ടു​ത്തു​രു​ത്തി​യു​ടെ വി​ക​സ​ന​ത്തി​നാ​യി വി​ട്ടു​വീ​ഴ്ചയി​ല്ലാ​തെ നി​ര​ന്ത​രം ബ​ന്ധ​പ്പെടു​ന്ന ജ​ന​നാ​യ​ക​നാ​ണ് മോ​ന്‍​സ് ജോ​സ​ഫെ​ന്ന മു​ഖ്യ​മ​ന്ത്രി​യു​ടെ വി​ശേ​ഷ​ണ​ത്തെ ഹ​ര്‍​ഷാ​ര​വ​ത്തോ​ടെ​യാ​ണ് ജ​നം സ്വീ​ക​രി​ച്ച​ത്.
ക​ടു​ത്തു​രു​ത്തി​യു​ടെ വി​ക​സ​ന നാ​യ​ക​നെ​ന്നും മു​ഖ്യ​മ​ന്ത്രി മോ​ന്‍​സ് ജോ​സ​ഫി​നെ വി​ശേ​ഷി​പ്പി​ച്ചു. മോ​ന്‍​സ് ജോ​സ​ഫും ഫ്രാ​ന്‍​സിസ് ജോ​ര്‍​ജ് എം​പി​യും ആ​വ​ശ്യ​പ്പെടു​ന്ന വി​ക​സ​ന പ​ദ്ധ​തി​ക​ളെ​ല്ലാം വ​രു​ന്ന അ​ഞ്ച് വ​ര്‍​ഷ​ത്തി​നു​ള്ളി​ല്‍ പൂ​ര്‍​ത്തി​യാ​ക്കു​മെ​ന്ന ഉ​റ​പ്പും മു​ഖ്യ​മ​ന്ത്രി ന​ല്‍​കി.

ഗൗ​രീശ​ങ്ക​രം ഓ​ഡി​റ്റോ​റി​യ​ത്തി​ല്‍ ന​ട​ന്ന സ​മ്മേ​ള​ന​ത്തി​ല്‍ ത്രിത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ള്‍ ഉ​ള്‍​പ്പെടെ​യു​ള്ള നൂ​റു​ക​ണ​ക്കി​നാ​ളു​ക​ളാ​ണ് പ​ങ്കെ​ടു​ത്ത​ത്. ജം​ഗ്ഷ​നി​ല്‍നി​ന്നും ആ​രം​ഭി​ച്ച് ഐ​ടി​സി ജം​ഗ്ഷ​നു സ​മീ​പ​ത്താ​യി പ്ര​വേ​ശി​ക്കു​ന്ന വി​ധ​ത്തി​ല്‍ നി​ര്‍​മി​ച്ചി​ട്ടു​ള്ള ക​ടു​ത്തു​രു​ത്തി ബൈ​പാസ് ഗ​താ​ഗ​ത​ത്തി​ന് തു​റ​ന്നുകൊ​ടു​ക്കു​ന്ന​തോ​ടെ എ​റ​ണാ​കു​ളം-​കോ​ട്ട​യം സം​സ്ഥാ​ന പാ​ത​യി​ലെ​യും ക​ടു​ത്തു​രു​ത്തി ടൗ​ണി​ലെ​യും കാ​ല​ങ്ങ​ളാ​യു​ള്ള ഗ​താ​ഗ​ത​ക്കു​രു​ക്കി​നും യാ​ത്രാ​ദു​രി​ത​ത്തി​നും ശാ​ശ്വ​ത പ​രി​ഹാ​ര​മാ​കും.

പൊ​തു​മ​രാ​മ​ത്ത് വ​കു​പ്പ് റോ​ഡ്‌​സ് വി​ഭാ​ഗം 35 കോ​ടി രൂ​പ വി​നി​യോ​ഗി​ച്ചാ​ണ് ക​ടു​ത്തു​രു​ത്തി ടൗ​ണ്‍ ബൈ​പാസ് റോ​ഡ് പൂ​ര്‍​ത്തി​യാ​ക്കി​യ​ത്.
കാ​ല്‍​ന​ട യാ​ത്ര​ക്കാ​ര്‍​ക്കും സ്‌​കൂ​ള്‍ വി​ദ്യാ​ര്‍​ഥി​ക​ള്‍​ക്കും ഉ​പ​കാ​ര​പ്ര​ദ​മാ​കു​ന്ന വി​ധ​ത്തി​ല്‍ നി​ര്‍​മി​ച്ചി​ട്ടു​ള്ള ഫ്‌​ളൈ​ഓ​വ​ര്‍, ക​ടു​ത്തു​രു​ത്തി വ​ലി​യതോ​ടി​ന് കു​റു​കെ​യും ചു​ള്ളി​ത്തോ​ടി​ന് കു​റു​കെ​യു​മു​ള്ള ര​ണ്ട് പാ​ല​ങ്ങ​ള്‍, ബ്ലോ​ക്ക് ജം​ഗ്ഷ​ന് സ​മീ​പ​ത്തു​ള്ള അ​ടി​പ്പാ​ത നി​ര്‍​മാ​ണം, ബൈ​പാസി​ലെ ശേ​ഷി​ക്കു​ന്ന ഭാ​ഗ​ങ്ങ​ള്‍ മ​ണ്ണി​ട്ടു​യ​ര്‍​ത്തി പു​തുതായി രൂ​പം കൊ​ടു​ത്ത റോ​ഡ് നി​ര്‍​മാ​ണം എ​ന്നി​വ​യെ​ല്ലാം ചേ​ര്‍​ത്താ​ണ് 1.5 കി​ലോ​മീ​റ്റ​ര്‍ ദൂ​ര​ത്തി​ല്‍ ബൈ​പാ​സ് റോ​ഡ് നി​ര്‍​മി​ച്ച​ത്.

സ​മ്മേ​ള​ന​ത്തി​ല്‍ മ​ന്ത്രി മോ​ന്‍​സ് ജോ​സ​ഫ് അ​ധ്യ​ക്ഷ​ത വ​ഹി​ച്ചു. ജി​ല്ലാ ക​ള​ക്ട​ര്‍ ചേ​ത​ന്‍​കു​മാ​ര്‍ മീ​ണ ഐ​എ​എ​സ്, ഫ്രാ​ന്‍​സി​സ് ജോ​ര്‍​ജ് എം​പി, ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് ജോ​ഷി ഫി​ലി​പ്പ്, ക​ടു​ത്തു​രു​ത്തി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ത​ങ്ക​മ്മ വ​ര്‍​ഗീ​സ്, പ​ഞ്ചാ​യ​ത്ത് പ്ര​സി​ഡ​ന്‍റ് റോ​യ് ജോ​ര്‍​ജ്, ജി​ല്ലാ പ​ഞ്ചാ​യ​ത്തം​ഗം ആ​ന്‍​മ​രി​യ ജോ​ര്‍​ജ് എന്നിവർ പ്ര​സം​ഗി​ച്ചു.

ബൈ​പാ​സ് നി​ര്‍​മാ​ണ​ത്തി​നാ​യി സ്ഥ​ലം ന​ല്‍​കി​യ സെന്‍റ് മേ​രീ​സ് ഫൊ​റോ​ന താ​ഴ​ത്തു​പ​ള്ളി വി​കാ​രി ഫാ.​ജോ​ണ്‍ പാ​ളി​ത്തോ​ട്ടം, സെന്‍റ് മേ​രീ​സ് ഫൊ​റോ​ന വ​ലി​യ​പ​ള്ളി വി​കാ​രി ഫാ. ​ജോ​ണ്‍​സ​ണ്‍ നീ​ല​നി​ര​പ്പേ​ല്‍, എ​സ്എ​ന്‍​ഡി​പി ക​ടു​ത്തു​രു​ത്തി യൂ​ണി​യ​ന്‍ പ്ര​സി​ഡ​ന്‍റ് എ.​ഡി. പ്ര​സാ​ദ് ആ​രി​ശേരി​ല്‍ എ​ന്നി​വ​രെ സ​മ്മേ​ള​ന​ത്തി​ല്‍ മു​ഖ്യ​മ​ന്ത്രി പൊ​ന്നാ​ട​യ​ണി​യി​ച്ചു. നേ​ര​ത്തേ ബൈ​പാസി​ന്‍റെ കോ​ട്ട​യം ഭാ​ഗ​ത്തുനി​ന്നു​ള്ള ആ​രം​ഭ ഭാ​ഗ​മാ​യ പാ​ണാ​വേ​ലി ക​ട്ടിം​ഗി​ന് സ​മീ​പം നാ​ട മു​റി​ച്ചു ബൈ​പാ​സി​ന്‍റെ ഉ​ദ്ഘാ​ട​നം നി​ര്‍​വ​ഹി​ച്ച ശേ​ഷ​മാ​ണ് മു​ഖ്യ​മ​ന്ത്രി​യും മ​ന്ത്രി മോ​ന്‍​സ് ജോ​സ​ഫും സ​മ്മേ​ള​ന​വേ​ദി​യാ​യ ഗൗ​രീശ​ങ്ക​രം ഓ​ഡി​റ്റോ​റി​യ​ത്തി​ലേ​ക്കെ​ത്തി​യ​ത്.

റ​ബ​റി​ന്‍റെ താ​ങ്ങു​വി​ല 250 രൂ​പ​യാ​ക്കു​മെന്ന് പറഞ്ഞിരുന്നു; 300 ആ​ക്കു​മെന്ന് മു​ഖ്യ​മ​ന്ത്രി

കടുത്തു​രു​ത്തി: കോ​ട്ട​യം ജി​ല്ല കേ​ന്ദ്രീ​ക​രി​ച്ചു കാ​ര്‍​ഷി​ക മേ​ഖ​ല​യ്ക്കു ഊ​ന്ന​ല്‍ ന​ല്‍​കു​ന്ന നി​ര​വ​ധി പ​ദ്ധ​തി​ക​ള്‍ ന​ട​പ്പി​ലാ​ക്കു​മെ​ന്നും റ​ബ​റി​ന്‍റെ താ​ങ്ങു​വി​ല 250 രൂ​പ​യാ​ക്കു​മെ​ന്നാ​ണ് പ​റ​ഞ്ഞി​രു​ന്ന​ത്, ഞ​ങ്ങ​ള​ത് 300 ആ​ക്കു​മെ​ന്നും മു​ഖ്യ​മ​ന്ത്രി വി.​ഡി. സ​തീ​ശ​ന്‍. റ​ബ​ര്‍ മേ​ഖ​ല​യ്ക്കു പ്രാ​ധാ​ന്യം ന​ല്‍​കു​ന്ന പ​ദ്ധ​തി​ക​ളു​ണ്ടാ​വു​മെ​ന്നും ക​ര്‍​ഷ​ക​രു​ടെ ക​ണ്ണീ​ര്‍ വീ​ഴാ​ന്‍ അ​നു​വ​ദി​ക്കി​ല്ലെ​ന്നും മു​ഖ്യ​മ​ന്ത്രി പ​റ​ഞ്ഞു.

ക​ടു​ത്തു​രു​ത്തി നി​യോ​ജ​ക​മ​ണ്ഡ​ല​ത്തി​ന്‍റെ സ്വ​പ്ന പ​ദ്ധ​തി​യാ​യ ക​ടു​ത്തു​രു​ത്തി ബൈ​പാ​സി​ന്‍റെ ഉ​ദ്ഘാ​ട​നം നി​ര്‍​വ​ഹി​ച്ച ശേ​ഷം സം​സാ​രി​ക്കു​ക​യാ​യി​രു​ന്നു മു​ഖ്യ​മ​ന്ത്രി. ക​ര്‍​ഷ​ക​ര്‍​ക്കും സാ​ധാ​ര​ണ​ക്കാ​ര്‍​ക്കും പാ​വ​ങ്ങ​ള്‍​ക്കു​മൊ​പ്പ​മാ​വും സ​ര്‍​ക്കാ​രെ​ന്നും ഇ​തു​വ​രെ​യി​ല്ലാ​ത്ത വി​ക​സ​ന മു​ന്നേ​റ്റ​മാ​വും കോ​ട്ട​യ​ത്തി​നു​ണ്ടാ​വു​ക​യെ​ന്നും മു​ഖ്യ​മ​ന്ത്രി പ്ര​ഖ്യാ​പി​ച്ചു.

Tags : Nattuvishesham District News