19

ചെ​റു​തോ​ണി: ഇ​ടു​ക്കി-​ഉ​ടു​മ്പ​ന്നൂ​ര്‍ റോ​ഡി​ന്‍റെ ഭാ​ഗ​മാ​യ മ​ണി​യാ​റ​ന്‍​കു​ടി​-കൈ​ത​പ്പാ​റ വ​ഴി​യു​ള്ള റോ​ഡ് നി​ര്‍​മാ​ണം വീ​ണ്ടും പ്ര​തി​സ​ന്ധി​യി​ല്‍. വ​നംവ​കു​പ്പ്, പൊ​തു​മ​രാ​മ​ത്ത്, സ​ര്‍​ക്കാ​ര്‍ എ​ന്നി​വ​രു​ടെ ഭാ​ഗ​ത്തുനി​ന്നു ത​ട​സ​ങ്ങ​ളൊ​ന്നും ഇ​ല്ലെ​ന്നി​രി​ക്കേ റോ​ഡ് നി​ര്‍​മാ​ണം വൈ​കു​ന്ന​തി​നു പി​ന്നി​ല്‍ ക​രാ​റു​കാ​ര​ന്‍റെ അ​ലം​ഭാ​വ​മാ​ണു​ള്ള​തെ​ന്നു നാ​ട്ടു​കാ​ര്‍ ചൂ​ണ്ടി​ക്കാ​ട്ടു​ന്നു.

റോ​ഡി​ന്‍റെ മ​ണ്‍ജോ​ലി​ക​ള്‍ പൂ​ര്‍​ണ​മാ​യെ​ങ്കി​ലും കോ​ണ്‍​ക്രീ​റ്റ് ജോ​ലി​ക​ള്‍ ആ​രം​ഭി​ക്കാ​ന്‍ ക​രാ​റു​കാ​ര​ന്‍ ഇ​തു​വ​രെ ത​യാ​റാ​യി​ട്ടി​ല്ല. റോ​ഡ​രി​കി​ല്‍ കോ​ണ്‍​ക്രീ​റ്റി​നു​ള്ള സാ​ധ​ന​സാ​മ​ഗ്രി​ക​ള്‍ ശേ​ഖ​രി​ക്കാ​ന്‍ സ്ഥ​ല​മി​ല്ലെ​ന്ന തൊ​ടു​ന്യാ​യം പ​റ​ഞ്ഞാ​ണ് ക​രാ​റു​കാ​ര​ന്‍ നി​ര്‍​മാ​ണം നീ​ട്ടി​ക്കൊ​ണ്ടു​പോ​കു​ന്ന​ത്. നി​ര്‍​മാ​ണ സാ​മ​ഗ്രി​ക​ളു​മാ​യി എ​ത്തു​ന്ന ടോ​റ​സ് ലോ​റി​ക​ള്‍ തി​രി​ക്കാ​നോ സൈ​ഡ് കൊ​ടു​ക്കാ​നോ റോ​ഡി​ന് വീ​തി​യി​ല്ലെ​ന്നു​ള്ള ന്യാ​യ​വും ഇ​ദ്ദേ​ഹം മു​ന്നോ​ട്ടു​വ​യ്ക്കു​ന്നു.​

എ​ന്നാ​ല്‍ മ​ണി​യാ​റ​ന്‍​കു​ടി ഫോ​റ​സ്റ്റ് ചെ​ക്ക് പോ​സ്റ്റി​ന് സ​മീ​പ​വും കൈ​ത​പ്പാ​റ പ​ള്ളി കോ​മ്പൗ​ണ്ടി​ലും കോ​ട്ട​ക്ക​വ​ല​യി​ലും കോ​ണ്‍​ക്രീ​റ്റിം​ഗ് സാ​മ​ഗ്രി​ക​ള്‍ ശേ​ഖ​രി​ക്കാ​ന്‍ മ​തി​യാ​യ സൗ​ക​ര്യ​മു​ണ്ട്. വ​ന​ത്തി​ല്‍ റോ​ഡ​രി​കി​ല്‍ മെ​റ്റീ​രി​യ​ല്‍​സ് ശേ​ഖ​രി​ക്കാ​ന്‍ സൗ​ക​ര്യ​മ​നു​വ​ദി​ക്കാ​മെ​ന്ന് ഡി​എ​ഫ്ഒ അ​റി​യി​ച്ചി​രു​ന്നു. എ​ന്നാ​ല്‍ നി​ര്‍​മാ​ണ​മാ​രം​ഭി​ച്ച് ആ​റു മാ​സ​ത്തി​നു​ള്ളി​ല്‍ റോ​ഡ് പൂ​ര്‍​ത്തീ​ക​രി​ക്ക​ണ​മെ​ന്ന വ്യ​വ​സ്ഥ​കൂ​ടി അ​ദ്ദേ​ഹം മു​ന്നോ​ട്ടു​വ​ച്ചി​രു​ന്നു.

റോ​ഡി​ന്‍റെ എ​ല്ലാ ഭാ​ഗ​ങ്ങ​ളി​ലും വീ​തി​യി​ല്ലെ​ങ്കി​ലും പ​ല ഭാ​ഗ​ത്തും ലോ​റി​ക​ള്‍​ക്ക് സൈ​ഡ് കൊ​ടു​ക്കാ​നു​ള്ള സ്ഥ​ല​മു​ണ്ട്. വ​സ്തു​ത ഇ​താ​യി​രി​ക്കേ ഓ​രോ കാ​ര​ണ​ങ്ങ​ള്‍ നി​ര​ത്തി നി​ര്‍​മാ​ണം വൈ​കി​​ക്കു​ക​യാ​ണ്. കോ​ണ്‍​ക്രീ​റ്റിം​ഗി​നാ​യി മ​ണ്‍ജോ​ലി​ക​ള്‍ നേ​ര​ത്തേ പൂ​ര്‍​ത്തീ​ക​രി​ച്ച​തും ഇ​പ്പോ​ള്‍ വി​ന​യാ​യി മാ​റി​യി​ട്ടു​ണ്ട്.

മ​ഴ​ക്കാ​ല​ത്ത് വെ​ള്ള​മൊ​ഴു​കി റോ​ഡ് ത​ക​രു​ന്ന​ത് ത​ട​യാ​ന്‍ നാ​ട്ടു​കാ​ര്‍ കാ​ന​യും ഹ​മ്പും നി​ര്‍​മി​ച്ചി​രു​ന്നു. ക​രാ​റു​കാ​ര​ന്‍ റോ​ഡ് നി​ര്‍​മാ​ണ പ്ര​വ​ര്‍​ത്ത​ന​ങ്ങ​ളു​ടെ ഭാ​ഗ​മാ​യി ഈ ​ഓ​ട​ക​ളെ​ല്ലാം നി​ര​ത്തി​യ​ണ് മ​ണ്‍പ​ണി​ക​ള്‍ പൂ​ര്‍​ത്തീ​ക​രി​ച്ച​ത്. ഇ​തു​മൂ​ലം മ​ഴ ആ​രം​ഭി​ച്ച​തോ​ടെ റോ​ഡി​നു ന​ടു​വി​ലൂ​ടെ വെ​ള്ളം​ഒ​ഴു​കു​ക​യാ​ണ്. ഇ​തു റോ​ഡ് പൂ​ര്‍​ണ​മാ​യും ത​ക​രു​ന്ന​തി​നി​ട​യാ​ക്കി. ഇ​തു​വ​ഴി കാ​ല്‍​ന​ട​യാ​ത്ര​പോ​ലും ദു​ഷ്‌​ക​ര​മാ​യി​രി​ക്കു​ക​യാ​ണ്.

മ​ണി​യാ​റ​ന്‍​കു​ടി മു​ത​ല്‍ കൈ​ത​പ്പാ​റവ​രെ 18 കി​ലോ​മീ​റ്റ​ര്‍ ദൂ​ര​മാ​ണ് റോ​ഡ് പൂ​ര്‍​ത്തി​യാ​ക്കാ​നു​ള്ള​ത്. രാ​ഷ്‌ട്രീ​യ, ജാ​തി, മ​ത വ്യ​ത്യാ​സ​മി​ല്ലാ​തെ എ​ല്ലാ വി​ഭാ​ഗം ജ​ന​ങ്ങ​ളും ഒ​ത്തുചേ​ര്‍​ന്ന് ന​ട​ത്തി​യ പ്ര​വ​ര്‍​ത്ത​ന​ങ്ങ​ളു​ടെ ഫ​ല​മാ​യാ​ണ് റോ​ഡ് നി​ര്‍​മാ​ണ​ത്തി​ന് അ​നു​മ​തി ല​ഭി​ച്ച​ത്. റോ​ഡ് പൂ​ര്‍​ത്തി​യാ​യാ​ല്‍ ചെ​റു​തോ​ണി​യി​ല്‍നി​ന്നു 40 കി​ലോ​മീ​റ്റ​ര്‍ യാ​ത്ര ചെ​യ്താ​ല്‍ തൊ​ടു​പു​ഴ​യി​ലെ​ത്തി​ച്ചേ​രാ​നാ​കും.

ജി​ല്ലാ ആ​സ്ഥാ​ന​മേ​ഖ​ല​യി​ല്‍നി​ന്നു മൂ​വാ​റ്റു​പു​ഴ, എ​റ​ണാ​കു​ളം പ്ര​ദേ​ശ​ങ്ങ​ളി​ലേ​ക്ക് ഏ​റ്റ​വും കു​റ​ഞ്ഞ ദൂ​ര​ത്തി​ല്‍ എ​ത്തി​ച്ചേ​രാ​നും ക​ഴി​യും. അ​ടി​യ​ന്ത​ര ചി​കി​ത്സ ആ​വ​ശ്യ​മാ​യി വ​രു​ന്ന ഹൈ​റേ​ഞ്ചി​ലെ രോ​ഗി​ക​ള്‍​ക്കും ഇ​ത് ഏ​റെ ആ​ശ്വാ​സ​മാ​കും. വാ​ഴ​ത്തോ​പ്പ്, മ​ണി​യാ​റ​ന്‍​കു​ടി മേ​ഖ​ല​ക​ളി​ലേ​ക്ക് ക​രി​മ​ണ്ണൂ​ര്‍, ഉ​ടു​മ്പ​ന്നൂ​ര്‍ പ്ര​ദേ​ശ​ങ്ങ​ളി​ല്‍നി​ന്നും ജ​ന​ങ്ങ​ള്‍ കു​ടി​യേ​റി​യ​ത് ഈ ​കാ​ന​ന പാ​ത​യി​ലൂ​ടെ​യാ​ണ്. വ​ര്‍​ഷ​ങ്ങ​ളാ​യി തു​ട​രു​ന്ന ജ​ന​ങ്ങ​ളു​ടെ ആ​വ​ശ്യ​ത്തി​ന് ജ​ന​പ്ര​തി​നി​ധി​ക​ളു​ടെ ഭാ​ഗ​ത്തു​നി​ന്ന് പ​ച്ച​ക്കൊ​ടി ല​ഭി​ച്ചി​ട്ടും അ​തെ​ല്ലാം നി​ഷ്പ്ര​യോ​ജ​ന​മാ​കു​ന്ന സ്ഥി​തി​യാ​ണ് നി​ല​വി​ലു​ള്ള​ത്.

പി​എം​ജി​എ​സ്‌​വൈ പ​ദ്ധ​തി​യി​ല്‍പ്പെ​ടു​ത്തി 18 കോ​ടി രൂ​പ​യാ​ണ് റോ​ഡ് നി​ര്‍​മാ​ണ​ത്തി​ന് അ​നു​വ​ദി​ച്ചി​രി​ക്കു​ന്ന​ത്. ഈ ​മാ​സം റോ​ഡി​ന്‍റെ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍ ഉ​ട​ന്‍ ആ​രം​ഭി​ച്ചി​ല്ലെ​ങ്കി​ല്‍ ക​രാ​റു​കാ​ര​നെ​തി​രേ സ​മ​രം ആ​രം​ഭി​ക്കാ​നു​ള്ള ത​യാ​റെ​ടു​പ്പി​ലാ​ണ് ഇ​വി​ട​ത്തു​കാ​ര്‍.

Tags : Construction nattuvishesham local news