26

മു​ക്കം: സു​ര​ക്ഷാ മു​ൻ​ക​രു​ത​ലു​ക​ളു​ടെ ഭാ​ഗ​മാ​യി പെ​ട്രോ​ൾ പ​മ്പു​ക​ളി​ൽ നി​ന്ന് കു​പ്പി​ക​ളി​ലും ക​ന്നാ​സു​ക​ളി​ലും മ​റ്റും ഇ​ന്ധ​നം ന​ൽ​കു​ന്ന​ത് നി​രോ​ധി​ച്ചു​കൊ​ണ്ടു​ള്ള നി​യ​മം വ​ന്ന​തോ​ടെ പ്ര​തി​സ​ന്ധി​യി​ലാ​യി ചെ​റു​കി​ട ക​ർ​ഷ​ക​ർ. വാ​ഴ, ക​മു​ങ്ങ്, നെ​ല്ല് തു​ട​ങ്ങി​യ കൃ​ഷി​ക​ൾ​ക്ക് മ​രു​ന്ന് ത​ളി​ക്കു​ന്ന മെ​ഷീ​നു​ക​ൾ പ്ര​വ​ർ​ത്തി​ക്കാ​ൻ പെ​ട്രോ​ൾ അ​ത്യാ​വ​ശ്യ​മാ​ണ്. കൃ​ഷി​യി​ട​ങ്ങ​ളി​ലെ​യും മ​റ്റും മ​ര​ങ്ങ​ൾ മു​റി​ക്കു​ന്ന ചെ​യി​ൻ​സോ മെ​ഷീ​നു​ക​ൾ പൂ​ർ​ണ​മാ​യും പെ​ട്രോ​ളി​ലാ​ണ് പ്ര​വ​ർ​ത്തി​ക്കു​ന്ന​ത്. കൃ​ഷി​യി​ടം വൃ​ത്തി​യാ​ക്കാ​ൻ ഉ​പ​യോ​ഗി​ക്കു​ന്ന ബ്ര​ഷ് ക​ട്ട​റു​ക​ൾ​ക്കും പെ​ട്രോ​ൾ വേ​ണം.

എ​ന്നാ​ൽ ഈ ​യ​ന്ത്ര​ങ്ങ​ളൊ​ക്കെ​ത്ത​ന്നെ പെ​ട്രോ​ൾ പ​മ്പു​ക​ളി​ലേ​ക്ക് നേ​രി​ട്ട് എ​ത്തി​ച്ച് ഇ​ന്ധ​നം അ​ടി​ക്കു​ക എ​ന്ന​ത് ഒ​ട്ടും സാ​ധ്യ​വു​മ​ല്ല എ​ന്ന​താ​ണ് ക​ർ​ഷ​ക​രെ കു​ഴ​ക്കു​ന്ന​ത്. സു​ര​ക്ഷ മു​ൻ​നി​ർ​ത്തി​യു​ള്ള നി​യ​മ​ങ്ങ​ൾ പാ​ലി​ക്ക​പ്പെ​ടേ​ണ്ട​താ​ണെ​ന്ന കാ​ര്യ​ത്തി​ൽ ത​ർ​ക്ക​മി​ല്ലെ​ങ്കി​ലും കൃ​ഷി​യും അ​നു​ബ​ന്ധ ജോ​ലി​ക​ളും നി​ല​ച്ചു​പോ​കാ​തി​രി​ക്കാ​ൻ ഇ​തി​നൊ​രു പോം​വ​ഴി ഉ​ണ്ടാ​ക​ണ​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ​യോ കൃ​ഷി ഭ​വ​ന്‍റെ​യോ സാ​ക്ഷ്യ​പ​ത്ര​ത്തി​ലൂ​ടെ​യോ അ​ല്ലെ​ങ്കി​ൽ ക​ർ​ഷ​ക ഐ​ഡി കാ​ർ​ഡോ കാ​ണി​ക്കു​ന്ന​വ​ർ​ക്ക് ആ​വ​ശ്യ​മാ​യ കു​റ​ഞ്ഞ അ​ള​വി​ൽ കൃ​ത്യ​മാ​യ ര​ജി​സ്റ്റ​ർ വി​വ​ര​ങ്ങ​ൾ സൂ​ക്ഷി​ച്ചു​കൊ​ണ്ട് ക​ന്നാ​സു​ക​ളി​ൽ പെ​ട്രോ​ൾ ന​ൽ​കാ​ൻ പ​മ്പു​ക​ൾ​ക്ക് അ​നു​മ​തി ന​ൽ​ക​ണ​മെ​ന്നും ഇ​വ​ർ പ​റ​യു​ന്നു.

Tags : Local News Nattuvishesham Kozhikode