എടക്കര: അതി ദരിദ്രരില്ലെന്ന പ്രഖ്യാപനം നടത്തി ഇടത് സർക്കാർ പാവപ്പെട്ടവർക്കുള്ള കേന്ദ്ര സഹായം തടഞ്ഞ് വഞ്ചിച്ചുവെന്ന് ആര്യാടൻ ഷൗക്കത്ത് എംഎൽഎ. യുഡിഎഫ് സ്ഥാനാർഥികൾക്ക് വോട്ട് തേടി മൂത്തേടം പാലാങ്കരയിലെ യോഗത്തിൽ സംസാരിക്കുകയായിരുന്നു അദ്ദേഹം.
അതിദരിദ്രരില്ലെന്ന പ്രഖ്യാപനത്തിലൂടെ ആദിവാസികൾക്കും പാവപ്പെട്ടവർക്കുമുള്ള സൗജന്യ റേഷൻ അടക്കമുള്ള സഹായങ്ങളാണ് നിഷേധിക്കാൻ പോകുന്നത്. കൈയടി നേടാൻ സംസ്ഥാന സർക്കാർ പാവപ്പെട്ടവരെ കബളിപ്പിക്കുകയാണെന്നും അദ്ദേഹം കുറ്റപ്പെടുത്തി. യുഡിഎഫ് കമ്മിറ്റി ചെയർമാൻ മുജീബ് ചെന്പൻ അധ്യക്ഷത വഹിച്ചു.
മുസ്ലിം ലീഗ് ജില്ലാ ഓർഗനൈസിംഗ് സെക്രട്ടറി ഇസ്മായിൽ മൂത്തേടം, പി. ഉസ്മാൻ, എൻ.കെ. കുഞ്ഞുണ്ണി, വി.പി. അബ്ദുൾ ജലീൽ, എം.എം. ജോണ്, കെ.എ. പീറ്റർ, എ.കെ. ഇബ്രാഹിം, ഇൽമുന്നീസ, റഷീദ് വാളപ്ര, ജില്ലാ പഞ്ചായത്ത് സ്ഥാനാർഥികളായ എൻ.എ. കരീം, റഹിയാനത്ത് കുറുമാടൻ, ബ്ലോക്ക് ഡിവിഷൻ സ്ഥാനാർഥി ജസ്മൽ പുതിയറ, റോസമ്മ, പഞ്ചായത്ത് സ്ഥാനാർഥി ടി.ജി. രാജു എന്നിവർ പ്രസംഗിച്ചു.
Tags : local nattuvishesham