15

തൊ​ടു​പു​ഴ: ജി​ല്ലാ ആ​ശു​പ​ത്രി​യി​ല്‍ മ​ന്ത്രി കെ. ​മു​ര​ളീ​ധ​ര​ന്‍ സ​ന്ദ​ര്‍​ശ​നം ന​ട​ത്തി​യ വേ​ള​യി​ല്‍ രോ​ഗി​ക​ള്‍​ക്ക് ചി​കി​ത്സ നി​ഷേ​ധി​ച്ചെ​ന്ന ത​ര​ത്തി​ല്‍ പു​റ​ത്തു​വ​ന്ന വാ​ര്‍​ത്ത​ക​ള്‍ വ​സ്തു​താ വി​രു​ദ്ധ​മാ​ണെ​ന്ന് ആ​ശു​പ​ത്രി അ​ധി​കൃ​ത​ര്‍ അ​റി​യി​ച്ചു. ഇ​തു​സം​ബ​ന്ധി​ച്ച് ന​ട​ത്തി​യ അ​ന്വേ​ഷ​ണ​ത്തി​ല്‍ ചി​കി​ത്സാ നി​ഷേ​ധ​മോ ചി​കി​ത്സാ പി​ഴ​വോ അ​നാ​വ​ശ്യ​മാ​യ കാ​ല​താ​മ​സ​മോ ഉ​ണ്ടാ​യി​ട്ടി​ല്ല.
ക​ഴി​ഞ്ഞ 10ന് ​രാ​വി​ലെ തൊ​ടു​പു​ഴ ജി​ല്ലാ ആ​ശു​പ​ത്രി കാ​ഷ്വാ​ലി​റ്റി​യി​ല്‍ ചി​കി​ത്സ​യ്‌​ക്കെ​ത്തി​യ ര​ണ്ടു കു​ട്ടി​ക​ളു​മാ​യി ബ​ന്ധ​പ്പെ​ട്ട സം​ഭ​വ​ങ്ങ​ളാ​ണ് തെ​റ്റാ​യ വാ​ര്‍​ത്ത​യ്ക്കു കാ​ര​ണ​മാ​യ​ത്. സം​ഭ​വ​ത്തെ​ക്കു​റി​ച്ച് ആ​ശു​പ​ത്രി സൂ​പ്ര​ണ്ട് ന​ട​ത്തി​യ പ​രി​ശോ​ധ​ന​യി​ല്‍, ര​ണ്ടു രോ​ഗി​ക​ള്‍​ക്കും ആ​വ​ശ്യ​മാ​യ ചി​കി​ത്സ​യും വി​ദ​ഗ്ധ ചി​കി​ത്സാ നി​ര്‍​ദേ​ശ​ങ്ങ​ളും സ​മ​യ​ബ​ന്ധി​ത​മാ​യി ല​ഭി​ച്ച​താ​യി ക​ണ്ടെ​ത്തി.
പ​നി ബാ​ധി​ച്ച് തൊ​ടു​പു​ഴ ജി​ല്ലാ ആ​ശു​പ​ത്രി​യി​ല്‍ ചി​കി​ത്സ​യ്‌​ക്കെ​ത്തി​യ ര​ണ്ടു വ​യ​സു​കാ​രി​യാ​യ പെ​ണ്‍​കു​ട്ടി​ക്ക് ആ​വ​ശ്യ​മാ​യ അ​ടി​യ​ന്ത​ര ചി​കി​ത്സ​ക​ള്‍ സ​മ​യ​ബ​ന്ധി​ത​മാ​യി ന​ല്‍​കി​യ​താ​യും തു​ട​ര്‍​ചി​കി​ത്സ ആ​വ​ശ്യ​മാ​യ സാ​ഹ​ച​ര്യ​ത്തി​ല്‍ വി​ദ​ഗ്ധ ചി​കി​ത്സ​യ്ക്കാ​യി കോ​ട്ട​യം മെ​ഡി​ക്ക​ല്‍ കോ​ളേ​ജി​ലേ​ക്കു മാ​റ്റി​യ​താ​യും ജി​ല്ലാ ആ​ശു​പ​ത്രി സൂ​പ്ര​ണ്ട് അ​റി​യി​ച്ചു.
രാ​വി​ലെ 9.47നാ​ണ് കു​ട്ടി​യെ പ​നി​യെ​ത്തു​ട​ര്‍​ന്ന് തൊ​ടു​പു​ഴ ജി​ല്ലാ ആ​ശു​പ​ത്രി​യി​ലെ അ​ത്യാ​ഹി​ത വി​ഭാ​ഗ​ത്തി​ല്‍ എ​ത്തി​ച്ച​ത്. ഡ്യൂ​ട്ടി ഡോ​ക്ട​ര്‍ കു​ട്ടി​യെ പ​രി​ശോ​ധി​ച്ച് പ​നി കു​റ​യ്ക്കു​ന്ന​തി​നു​ള്ള മ​രു​ന്നും ശ​രീ​ര​ത്തി​ലെ ജ​ലാം​ശം നി​ല​നി​ര്‍​ത്തു​ന്ന​തി​നു​ള്ള ഒ​ആ​ര്‍​എ​സ് ലാ​യ​നി​യും ന​ല്‍​കി. ശ​രീ​രോ​ഷ്മാ​വ് കു​റ​യ്ക്കു​ന്ന​തി​നാ​യി ഇ​ളം​ചൂ​ടു​വെ​ള്ളം ഉ​പ​യോ​ഗി​ച്ച് ശ​രീ​രം തു​ട​യ്ക്കു​ക​യും ചെ​യ്തു. പ​നി കു​റ​യാ​ത്ത​തി​നെ​ത്തു​ട​ര്‍​ന്ന് കു​ട്ടി​യെ ശി​ശു​രോ​ഗ​വി​ദ​ഗ്ധ​ന്‍ പ​രി​ശോ​ധി​ക്കു​ക​യും നി​രീ​ക്ഷ​ണ​ത്തി​ല്‍ തു​ട​രു​ക​യും ചെ​യ്തു.
തു​ട​ര്‍​ന്ന് 12ഓ​ടെ കു​ട്ടി​ക്ക് അ​പ​സ്മാ​ര​മു​ണ്ടാ​യി. ഉ​ട​ന്‍​ത​ന്നെ ഡ്യൂ​ട്ടി ഡോ​ക്ട​ര്‍ ആ​വ​ശ്യ​മാ​യ മ​രു​ന്നും ചി​കി​ത്സ​യും ന​ല്‍​കി. ശി​ശു​രോ​ഗ വി​ദ​ഗ്ധ​നെ വി​വ​രം അ​റി​യി​ക്കു​ക​യും വി​ദ​ഗ്ധ​ന്‍റെ നി​ര്‍​ദേ​ശ​പ്ര​കാ​രം തു​ട​ര്‍​ചി​കി​ത്സ ന​ല്‍​കു​ക​യും ചെ​യ്തു.

അ​പ​സ്മാ​രം നി​യ​ന്ത്ര​ണ​വി​ധേ​യ​മാ​ക്കു​ന്ന​തി​നു​ള്ള ആ​വ​ശ്യ​മാ​യ ചി​കി​ത്സ​ക​ള്‍ ന​ല്‍​കി​യ​തി​നെ​ത്തു​ട​ര്‍​ന്ന് കു​ട്ടി​യു​ടെ ആ​രോ​ഗ്യാ​വ​സ്ഥ മെ​ച്ച​പ്പെ​ട്ടു. തു​ട​ര്‍​ന്നു​ള്ള നി​രീ​ക്ഷ​ണ​ത്തി​നി​ടെ കു​ട്ടി​ക്ക് ശ്വാ​സ​ത​ട​സം അ​നു​ഭ​വ​പ്പെ​ട്ട​തി​നെ​ത്തു​ട​ര്‍​ന്ന് ന്യൂ​റോ​ള​ജി വി​ദ​ഗ്ധ​ന്‍റെ അ​ഭി​പ്രാ​യ​വും തേ​ടി. അ​ദ്ദേ​ഹ​ത്തി​ന്‍റെ നി​ര്‍​ദേ​ശ​പ്ര​കാ​രം ആ​വ​ശ്യ​മാ​യ മ​രു​ന്നു ന​ല്‍​കി.

കു​ട്ടി​യു​ടെ തു​ട​ര്‍​ചി​കി​ത്സ​യ്ക്കാ​യി കൂ​ടു​ത​ല്‍ സൗ​ക​ര്യ​ങ്ങ​ളു​ള്ള​ആ​ശു​പ​ത്രി​യി​ല്‍ വി​ദ​ഗ്ധ ചി​കി​ത്സ ല​ഭ്യ​മാ​ക്കേ​ണ്ട സാ​ഹ​ച​ര്യം ക​ണ​ക്കി​ലെ​ടു​ത്ത് ശി​ശു​രോ​ഗ വി​ദ​ഗ്ധ​ന്‍റെ​യും ന്യൂ​റോ​ള​ജി വി​ദ​ഗ്ധ​ന്‍റെ​യും നി​ര്‍​ദേ​ശ​പ്ര​കാ​രം പ്ര​ത്യേ​ക സൗ​ക​ര്യ​ങ്ങ​ളു​ള്ള ആം​ബു​ല​ന്‍​സി​ല്‍ കോ​ട്ട​യം മെ​ഡി​ക്ക​ല്‍ കോ​ള​ജി​ലേ​ക്കു മാ​റ്റി.
ഇ​തി​നി​ടെ, മ​റ്റൊ​രു കു​ട്ടി​യു​മാ​യി കാ​ഷ്വാ​ലി​റ്റി​യി​ലെ​ത്തി​യ ഒ​രു സ്ത്രീ ​മാ​ധ്യ​മ​പ്ര​വ​ര്‍​ത്ത​ക​രോ​ട് പ​രാ​തി പ​റ​യു​ന്ന​ത് ആ​ശു​പ​ത്രി അ​ധി​കൃ​ത​രു​ടെ ശ്ര​ദ്ധ​യി​ല്‍​പ്പെ​ട്ടു. ഇ​തേ​ത്തു​ട​ര്‍​ന്ന് മ​ന്ത്രി കെ. ​മു​ര​ളീ​ധ​ര​ന്‍ അ​ടി​യ​ന്ത​ര​മാ​യി അ​ന്വേ​ഷ​ണം ന​ട​ത്താ​ന്‍ ആ​ശു​പ​ത്രി സൂ​പ്ര​ണ്ടി​ന് നി​ര്‍​ദേ​ശം ന​ല്‍​കി. ആ​ശു​പ​ത്രി സൂ​പ്ര​ണ്ട് കാ​ഷ്വാ​ലി​റ്റി​യി​ലെ​ത്തി പ​രാ​തി​ക്കാ​രി​യു​മാ​യി സം​സാ​രി​ക്കു​ക​യും ചി​കി​ത്സാ രേ​ഖ​ക​ള്‍ പ​രി​ശോ​ധി​ക്കു​ക​യും ചെ​യ്തു.

അ​വ​രു​ടെ കു​ട്ടി പേ​വി​ഷ​ബാ​ധ​യ്‌​ക്കെ​തി​രാ​യ വാ​ക്‌​സി​നേ​ഷ​ന്‍റെ മൂ​ന്നാ​മ​ത്തെ ഡോ​സ് സ്വീ​ക​രി​ക്കു​ന്ന​തി​നാ​യാ​ണ് ആ​ശു​പ​ത്രി​യി​ലെ​ത്തി​യ​തെ​ന്ന് വ്യ​ക്ത​മാ​യി.​കു​ട്ടി​യെ നേ​ര​ത്തേ​ത​ന്നെ ഡോ​ക്ട​ര്‍ പ​രി​ശോ​ധി​ക്കു​ക​യും വാ​ക്‌​സി​നേ​ഷ​ന്‍ ന​ല്‍​കു​ന്ന​തി​നു​ള്ള നി​ര്‍​ദേ​ശം രേ​ഖ​പ്പെ​ടു​ത്തു​ക​യും ചെ​യ്തി​രു​ന്നു. തു​ട​ര്‍​ന്ന് കു​ട്ടി​യു​ടെ പി​താ​വ് വാ​ക്‌​സി​നേ​ഷ​നാ​യി കാ​ത്തി​രി​ക്കു​ക​യാ​യി​രു​ന്നു​വെ​ന്നും പ​രി​ശോ​ധ​ന​യി​ല്‍ വ്യ​ക്ത​മാ​യി.

ഇ​രു സം​ഭ​വ​ങ്ങ​ളി​ലും ന​ട​ത്തി​യ വി​ശ​ദ​മാ​യ പ​രി​ശോ​ധ​ന​യി​ല്‍ രോ​ഗി​ക​ള്‍​ക്ക് ചി​കി​ത്സ നി​ഷേ​ധി​ക്കു​കോ, ചി​കി​ത്സ ന​ല്‍​കു​ന്ന​തി​ല്‍ അ​നാ​വ​ശ്യ​മാ​യ കാ​ല​താ​മ​സം ഉ​ണ്ടാ​കു​ക​യോ ചി​കി​ത്സാ പി​ഴ​വ് സം​ഭ​വി​ക്കു​ക​യോ ചെ​യ്ത​താ​യി ക​ണ്ടെ​ത്താ​നാ​യി​ട്ടി​ല്ലെ​ന്ന് ആ​ശു​പ​ത്രി അ​ധി​കൃ​ത​ര്‍ വ്യ​ക്ത​മാ​ക്കി. മ​ന്ത്രി​യു​ടെ സ​ന്ദ​ര്‍​ശ​ന​ത്തി​ലും ചി​കി​ത്സാ സേ​വ​ന​ങ്ങ​ള്‍​ക്ക് ത​ട​സ​മു​ണ്ടാ​യി​ല്ല.

മ​ന്ത്രി ആ​ശു​പ​ത്രി സ​ന്ദ​ര്‍​ശി​ച്ച സ​മ​യ​ത്ത് കാ​ഷ്വാ​ലി​റ്റി​യി​ല്‍ ര​ണ്ടു ഡോ​ക്ട​ര്‍​മാ​ര്‍ ഡ്യൂ​ട്ടി​യി​ലു​ണ്ടാ​യി​രു​ന്നു. ഉ​ച്ച​യ്ക്ക് 12.45ഓ​ടെ മ​ന്ത്രി ആ​ശു​പ​ത്രി സ​ന്ദ​ര്‍​ശി​ച്ച് മ​ട​ങ്ങി​യ സ​മ​യ​ത്തും രോ​ഗി​ക​ളു​ടെ ചി​കി​ത്സ​യി​ലും പ​രി​ച​ര​ണ​ത്തി​ലും യാ​തൊ​രു ത​ട​സ​വും ഉ​ണ്ടാ​യി​ട്ടി​ല്ല. ആ​ശു​പ​ത്രി​യി​ല്‍ മ​ന്ത്രി​യു​ടെ മീ​റ്റിം​ഗ് ന​ട​ക്കു​ന്ന ഹാ​ളി​ല്‍ കാ​ഷ്വാ​ലി​റ്റി​യി​ല്‍ ഡ്യൂ​ട്ടി​യി​ലു​ള്ള ഡോ​ക്ട​ര്‍​മാ​രോ ന​ഴ്‌​സു​മാ​രോ പ​ങ്കെ​ടു​ത്തി​ട്ടി​ല്ലെ​ന്നും ആ​ശു​പ​ത്രി അ​ധി​കൃ​ത​ര്‍ വ്യ​ക്ത​മാ​ക്കി.

Tags : Nattuvisesham DistrictNews DeepikaNews