19

ചാരും​മൂ​ട്: വേ​ന​ലി​ൽ നാ​ട് ഒ​ന്നാ​കെ വ​റു​തി​യു​ടെ പി​ടി​യി​ലാ​കു​മ്പോ​ൾ കു​ടി​വെ​ള്ള​ത്തി​നു​വേ​ണ്ടി ചാ​രും​മൂ​ട് മേ​ഖ​ല​യി​ൽ ജ​നം നെ​ട്ടോ​ട്ടത്തിൽ. പ്ര​ധാ​ന കു​ടി​വെ​ള്ള സ്രോ​ത​സു​ക​ളാ​യ കി​ണ​റു​ക​ളും കു​ള​ങ്ങ​ളും പൂ​ർ​ണ​മാ​യി വ​റ്റി​വ​ര​ണ്ടു. കു​ടി​വെ​ള്ള​വി​ത​ര​ണ ടാ​പ്പു​ക​ള്‍ വെ​റും നോ​ക്കു​കു​ത്തി​ക​ളാ​യി.

വീ​ടു​ക​ളി​ലേ​ക്ക് ക​ണ​ക‌്ഷ​നു​ക​ള്‍ എ​ടു​ത്ത​വ​ര്‍​ക്ക് വെ​ള്ളം കി​ട്ടാ​തെ​ത​ന്നെ ഇ​പ്പോ​ൾ ക​രം അ​ട​യ്ക്കേ​ണ്ട ഗ​തി​കേ​ടാ​ണ്. ക​ല്ല​ട ജ​ല​സേ​ച​ന​പ​ദ്ധ​തി​ ക​നാ​ല്‍ തു​റ​ന്നുവി​ട്ടി​ട്ടു​ണ്ടെ​ങ്കി​ലും ചാ​രും​മൂ​ട്, വ​ള്ളി​കു​ന്നം, ചു​ന​ക്ക​ര, തെ​ക്കേ​ക്ക​ര, താ​മ​ര​ക്കു​ളം തു​ട​ങ്ങി​യ ഭാ​ഗ​ങ്ങ​ളി​ലേ​ക്ക് വെ​ള്ള​ത്തി​ന്‍റെ ഒ​ഴു​ക്ക് കു​റ​വാ​ണെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.

ഈ ​പ്ര​ദേ​ശ​ങ്ങ​ളി​ലെ നെ​ൽകൃ​ഷി​യ​ട​ക്ക​മു​ള്ളവ ക​രി​ഞ്ഞു​ണ​ങ്ങു​ക​യാ​ണ്. ആ​ദി​ക്കാ​ട്ടു​കു​ള​ങ്ങ​ര, ത​ണ്ടാ​നു​വി​ള, പു​ലി​ക്കു​ന്ന് നൂ​റ​നാ​ട്, പാ​ല​മേ​ല്‍, വ​ള്ളി​കു​ന്നം, താ​മ​ര​ക്കു​ളം പ്ര​ദേ​ശ​ങ്ങ​ളി​ലാ​ണ് ഇ​പ്പോ​ൾ രൂ​ക്ഷ​മാ​യ കു​ടി​വെ​ള്ളക്ഷാ​മ​മു​ള്ള​ത്. മി​ക്ക പ​ഞ്ചാ​യ​ത്തു​ക​ളി​ലും ജ​ല​പ​ദ്ധ​തി​ക​ള്‍ ഉ​ണ്ടെ​ങ്കി​ലും ജ​ല​വി​ത​ര​ണം കാ​ര്യ​ക്ഷ​മ​മ​ല്ല.

പാ​റ്റൂ​ർ ശു​ദ്ധ​ജ​ല പ​ദ്ധ​തി​യി​ൽനി​ന്നാ​ണ് മേ​ഖ​ല​യി​ലെ നാ​ലു പ​ഞ്ചാ​യ​ത്തു​ക​ളി​ൽ വെ​ള്ളം എ​ത്തു​ന്ന​ത്. എ​ന്നാ​ൽ, ഇ​പ്പോ​ൾ ആ​വ​ശ്യ​ത്തി​ന് വെ​ള്ളം ല​ഭ്യ​മാ​കു​ന്നി​ല്ല. ഉ​യ​ര്‍​ന്ന പ്ര​ദേ​ശ​ങ്ങ​ളി​ല്‍ വെ​ള്ളം കി​ട്ടാ​താ​യി​ട്ട് മാ​സ​ങ്ങ​ളാ​യി. വെ​ള്ളം പ​മ്പ് ചെ​യ്യു​ന്ന കി​ണ​റു​ക​ളും വ​റ്റി​യ നി​ല​യി​ലാ​ണ്. പ​ല സ്ഥ​ല​ങ്ങ​ളി​ലും കു​ടി​വെ​ള്ളം വ​ന്‍​വി​ല​കൊ​ടു​ത്താ​ണ് വാ​ങ്ങു​ന്ന​ത്. ​

ടാ​ങ്ക​റി​ൽ കു​ടി​വെ​ള്ളം എ​ത്തി​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ടെ​ങ്കി​ലും ഇ​ത് കാ​ര്യ​ക്ഷ​മ​മ​ല്ലെ​ന്ന പ​രാ​തി​യും ശ​ക്ത​മാ​ണ്.

പാഴാക്കി ജലം

കാ​യം​കു​ളം: കൊ​ടും​വേ​ന​ലി​ൽ കു​ടി​വെ​ള്ളക്ഷാ​മം രൂ​ക്ഷ​മാ​യ സാ​ഹ​ച​ര്യ​ത്തി​ൽ റോ​ഡി​നു സ​മീ​പ​ത്തെ പൈ​പ്പുപൊ​ട്ടി ജ​ലം പാ​ഴാ​കു​മ്പോ​ഴും അ​ധി​കൃ​ത​ർ​ക്ക് ക​ണ്ട ഭാ​വ​മി​ല്ല. കാ​യം​കു​ളം ഏ​വൂ​ർ-മു​ട്ടം റോ​ഡി​ൽ മേ​ട​മു​ക്ക് ജം​ഗ്‌​ഷ​ന് വ​ട​ക്കു​വ​ശ​ത്ത് പ്ര​ധാ​ന റോ​ഡി​ലാ​ണ് ജ​ല അ​ഥോ​റി​റ്റി​യു​ടെ പൈ​പ്പുപൊ​ട്ടി ദി​വ​സ​ങ്ങ​ളാ​യി ജ​ലം പാ​ഴാ​യി റോ​ഡി​ൽ കെ​ട്ടി​ക്കി​ട​ക്കു​ക​യും റോ​ഡി​ൽ വ​ലി​യ കു​ഴി രൂ​പ​പ്പെ​ടാ​ൻ ഇ​ട​യാ​ക്കു​ക​യും ചെ​യ്തി​രി​ക്കു​ന്ന​ത്. റോ​ഡി​ലെ കു​ഴി ഇ​പ്പോ​ൾ ഇ​രു​ച​ക്രവാ​ഹ​ന​യാ​ത്ര​ക്കാ​ർ​ക്ക് അ​പ​ക​ട​ക്കെ​ണി​യാ​യി മാ​റി​യി​രി​ക്കു​ക​യാ​ണ് ജ​ല അ​ഥോ​റി​റ്റി​യെ വി​വ​രം അ​റി​യി​ച്ചി​ട്ടും ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. കു​ഴി​യി​ൽ വെ​ള്ളം കെ​ട്ടി​ക്കി​ട​ക്കു​ന്ന​ത് കാ​ര​ണം യാ​ത്ര​ക്കാ​ർ​ക്ക് കു​ഴി കാ​ണാ​ൻ ക​ഴി​യു​ക​യി​ല്ല.

Tags : Drinking water nattuvishesham local news