കൊ​ച്ചി: ന​ഗ​ര​ത്തി​ല്‍ ക്രി​മി​ന​ല്‍ സം​ഘ​ങ്ങ​ളു​ടെ അ​ഴി​ഞ്ഞാ​ട്ടം തു​ട​രു​ന്ന​തി​നി​ടെ പൊ​ലി​സു​കാ​ര്‍​ക്ക് നേ​രെ​യു​ള്ള അ​തി​ക്ര​മ​ങ്ങ​ളും പ​തി​വാ​കു​ന്നു. ഇ​ന്ന​ലെ എ​ള​മ​ക്ക​ര​യി​ല്‍ ല​ഹ​രി​പ​രി​ശോ​ധ​ന​യ്ക്കി​ടെ ഡാ​ന്‍​സാ​ഫ് സം​ഘ​ത്തി​ലെ ര​ണ്ട് ഉ​ദ്യോ​ഗ​സ്ഥ​രെ കാ​ര്‍ ഇ​ടി​ച്ചു​വീ​ഴ്ത്തി​യ ശേ​ഷം ആ​ക്ര​മി​ച്ച​താ​ണ് ഒ​ടു​വി​ല​ത്തെ സം​ഭ​വം. ത​ല​നാ​രി​ഴ​യ്ക്കാ​ണ് പൊ​ലി​സ് ഉ​ദ്യോ​ഗ​സ്ഥ​ര്‍ ര​ക്ഷ​പ്പെ​ട്ട​ത്. പ​രി​ക്കേ​റ്റ ഡാ​ൻ​സാ​ഫ് സം​ഘാം​ഗ​ങ്ങ​ളാ​യ മ​ധു​സൂ​ദ​ന​ന്‍, വി​ജ​യ​രാ​ജ് എ​ന്നി​വ​ര്‍ ചി​കി​ത്സ​യി​ലാ​ണ്. ഉ​ദ്യോ​ഗ​സ്ഥ​ര്‍ സ​ഞ്ച​രി​ച്ച ബൈ​ക്കി​ല്‍ കാ​ര്‍ ഇ​ടി​പ്പി​ക്കു​ക​യാ​യി​രു​ന്നു. ക​ഴി​ഞ്ഞ 20ന് ​രാ​ത്രി 8.30ന് ​ഞാ​റ​ക്ക​ല്‍ പൊ​ലി​സി​നു നേ​രെ ഗു​ണ്ടാ സം​ഘ​ത്തി​ന്‍റെ വ​ധ​ശ്ര​മം ഉ​ണ്ടാ​യി. എ​ള​ങ്കു​ന്ന​പ്പു​ഴ ന​ട​വ​ഴി​യി​ലെ ന​യാ​ര പെ​ട്രോ​ള്‍ പ​മ്പി​ന് സ​മീ​പ​ത്താ​യി​രു​ന്നു സം​ഭ​വം. പെ​ട്രോ​ള്‍ പ​മ്പി​ല്‍ പാ​ര്‍​ക്ക് ചെ​യ്തി​രു​ന്ന സ്വ​കാ​ര്യ ബ​സ് ജീ​വ​ന​ക്കാ​രെ ഗു​ണ്ടാ​സം​ഘം ആ​ക്ര​മി​ക്കു​ന്നു എ​ന്ന വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ ഞാ​റ​ക്ക​ല്‍ എ​സ്ഐ ജി​തി​ന്‍, സി​പി​ഒ ഗി​രീ​ഷ് എ​ന്നി​വ​രെ​യാ​ണ് ആ​റം​ഗ ഗു​ണ്ടാ​സം​ഘം ക​ത്തി​കൊ​ണ്ട് കു​ത്തി പ​രി​ക്കേ​ല്‍​പ്പി​ച്ച​ത്. ബ​സ് ജീ​വ​ന​ക്കാ​ർ​ക്ക് നേ​രെ​യു​ണ്ടാ​യ ഗു​ണ്ടാ ആ​ക്ര​മണം ത​ട​യാ​ൻ ശ്ര​മി​ക്കു​ന്ന​തി​നി​ടെ ഒ​രാ​ള്‍ ക​ത്തി​കൊണ്ട് എ​സ്ഐ​യെ കു​ത്തു​ക​യാ​യി​രു​ന്നു. തു​ട​ര്‍​ന്ന് മ​റ്റൊ​രാ​ൾ എ​സ്ഐ​യെ പി​ടി​ച്ചു​നി​ര്‍​ത്തി മു​ഖ​ത്തും ത​ല​യ്ക്കും ഇ​ടി​ച്ചു. അ​ക്ര​മം ത​ട​യാ​ന്‍ ചെ​ന്ന സി​പി​ഒ ഗി​രീ​ഷി​നെ വ​ടി​യും ക​ത്തി​യും ഉ​പ​യോ​ഗി​ച്ച് സം​ഘം ആ​ക്ര​മി​ച്ചു.

സെ​പ്റ്റം​ബ​ര്‍ അ​ഞ്ചി​ന് സ്വ​കാ​ര്യ ബ​സ് ജീ​വ​ന​ക്കാ​ര​ൻ കാ​ര്‍ യാ​ത്ര​ക്കാ​ര​നെ ഭീ​ഷ​ണി​പ്പെ​ടു​ത്തി​യ സം​ഭ​വ​ത്തി​ല്‍ പ്ര​തി​യെ പി​ടി​കൂ​ടു​ന്ന​തി​നി​ടെ പൊ​ലി​സി​ന് മ​ർ​ദ​ന​മേ​റ്റി​രു​ന്നു. എ​റ​ണാ​കു​ളം നോ​ര്‍​ത്ത് പൊ​ലി​സ് സ്റ്റേ​ഷ​നി​ലെ എ​എ​സ്‌​ഐ സു​നി​ല്‍ പി. ​ജ​ലീ​ലി​നെ ത​ള്ളു​ക​യും കാ​ല്‍​മു​ട്ടി​ല്‍ ഇ​ടി​ച്ച് നി​ല​ത്തി​ടു​ക​യും ചെ​യ്ത​താ​യാ​ണ് പ​രാ​തി. സം​ഭ​വ​ത്തി​ന്‍റെ ദൃ​ശ്യ​ങ്ങ​ള്‍ സ​മൂ​ഹ​മാ​ധ്യ​മ​ങ്ങ​ളി​ല്‍​പ്ര​ച​രി​ച്ച​തോ​ടെ​യാ​ണ് ബ​സ് ക്ലീ​ന​ര്‍​ക്കെ​തി​രേ പൊ​ലി​സ് കേ​സെ​ടു​ത്ത​ത്. എ​ന്നാ​ല്‍, ഇ​യാ​ള്‍​ക്കെ​തി​രേ ദു​ര്‍​ബ​ല​മാ​യ വ​കു​പ്പു​ക​ള്‍ ചു​മ​ത്തി അ​റ​സ്റ്റ് ചെ​യ്ത് ജാ​മ്യ​ത്തി​ല്‍ വി​ട്ട​ത് പ്ര​തി​ഷേ​ധ​ത്തി​നി​ട​യാ​ക്കി. ന​ട​പ​ടി വി​വാ​ദ​മാ​യ​തോ​ടെ കൂ​ടു​ത​ല്‍ വ​കു​പ്പു​ക​ള്‍ ചു​മ​ത്തി പ്ര​തി​യെ വീ​ണ്ടും അ​റ​സ്റ്റ് ചെ​യ്യു​ക​യാ​യി​രു​ന്നു.

സെ​പ്റ്റം​ബ​ര്‍ 11ന് ​മ​ര​ട് പൊ​ലി​സ് ക​സ്റ്റ​ഡി​യി​ലെ​ടു​ത്ത ല​ഹ​രി​മ​രു​ന്ന് കേ​സ് പ്ര​തി​യു​ടെ ആ​ക്ര​മ​ണ​ത്തി​ല്‍ മൂ​ന്ന് പൊ​ലി​സു​കാ​ര്‍​ക്ക് പ​രി​ക്കേ​റ്റു. എ​സ്‌​ഐ ജാ​ക്‌​സ​ണ്‍, എ​എ​സ്‌​ഐ സു​മേ​ഷ് കു​മാ​ര്‍, സി​പി​ഒ പി.​എം. ഫ​സ​ല്‍ എ​ന്നി​വ​ര്‍​ക്കാ​ണ് പ​രി​ക്കേ​റ്റ​ത്. എം​ഡി​എം​എ​യു​മാ​യി പി​ടി​യി​ലാ​യ പ്ര​തി​യാ​ണ് പൊ​ലി​സ് സ്റ്റേ​ഷ​നി​ല്‍ അ​ക്ര​മാ​സ​ക്ത​നാ​യ​ത്.

സെ​പ്റ്റം​ബ​ര്‍ 14ന് ​ക​ള​മ​ശേ​രി​യി​ല്‍ ത​മ്മി​ല​ടി​ച്ച ആ​റം​ഗ സം​ഘ​ത്തെ പൊ​ലി​സ് ജീ​പ്പി​ല്‍ ക​യ​റ്റാ​ന്‍ ശ്ര​മി​ക്കു​ന്ന​തി​നി​ടെ എ​സ്‌​ഐ സാം ​ലെ​സ്‌​ലി​ക്കും സം​ഘ​ത്തി​നും നേ​രെ ആ​ക്ര​മ​ണ​മു​ണ്ടാ​യി. അ​ക്ര​മി​ക​ളു​ടെ കൈ​യേ​റ്റ​ത്തി​ല്‍ പൊ​ലി​സു​കാ​ര്‍​ക്ക് പ​രി​ക്കേ​റ്റ​തി​നു പു​റ​മേ പൊ​ലി​സ് ജീ​പ്പി​നും കേ​ടു​പാ​ടു​ക​ള്‍ സം​ഭ​വി​ച്ചു.
പൊ​തു​ജ​ന​ങ്ങ​ളു​ടെ സു​ര​ക്ഷ ഉ​റ​പ്പാ​ക്കേ​ണ്ട പൊ​ലി​സു​കാ​ര്‍​ക്കു​പോ​ലും ആ​ക്ര​മ​ണ​ത്തി​ല്‍​നി​ന്ന് ര​ക്ഷ​യി​ല്ലാ​ത്ത സാ​ഹ​ച​ര്യം ഗൗ​ര​വ​ത്തോ​ടെ​യാ​ണ് വി​ല​യി​രു​ത്ത​പ്പെ​ടു​ന്ന​ത്. ക്രി​മി​ന​ല്‍ സം​ഘ​ങ്ങ​ളു​ടെ അ​ഴി​ഞ്ഞാ​ട്ട​ത്തി​ന് ത​ട​യി​ടു​ന്ന​തി​നൊ​പ്പം പൊ​ലി​സി​നു​നേ​രെ​യു​ള്ള ആ​ക്ര​മ​ണ​ങ്ങ​ളി​ല്‍ വി​ട്ടു​വീ​ഴ്ച​യി​ല്ലാ​ത്ത ന​ട​പ​ടി​ക​ളും ഉ​റ​പ്പാ​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ക​യാ​ണ്.

ഡാ​ൻസാ​ഫ് അം​ഗ​ങ്ങ​ളെ വാ​ഹ​ന​മി​ടി​പ്പി​ച്ച് ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി അ​റ​സ്റ്റി​ൽ

കൊ​ച്ചി: എ​ള​മ​ക്ക​ര​യി​ൽ ഡാ​ൻസാ​ഫ് അം​ഗ​ങ്ങ​ളെ വാ​ഹ​ന​മി​ടി​പ്പിച്ച് പ​രി​ക്കേ​ൽ​പ്പി​ച്ച ശേ​ഷം ര​ക്ഷ​പ്പെ​ടാ​ൻ ശ്ര​മി​ച്ച യു​വാ​വ് അ​റ​സ്റ്റി​ൽ. മൂ​ത്ത​കു​ന്നം തു​രു​ത്തി​പ്പു​റം പു​ളി​ക്ക​ൽ പ്രീ​തി​ഷ് പി. ​പ്ര​കാ​ശി​നെ (39) നെ​യാ​ണ് ഡാ​ൻസാ​ഫ് സം​ഘ​വും എ​ള​മ​ക്ക​ര പൊ​ലി​സും ചേ​ർ​ന്ന് സാ​ഹ​സി​ക​മാ​യി പി​ടി​കൂ​ടി​യ​ത്. ഇ​യാ​ളി​ൽ നി​ന്ന് 32 ഗ്രാം ​എം​ഡിഎംഎ പി​ടി​ച്ചെ​ടു​ത്തു.

ഓ​പ്പ​റേ​ഷ​ൻ തൂ​ഫാ​ൻ നാ​ർ​ക്കോ ഹ​ണ്ടി​ന്‍റെ ഭാ​ഗ​മാ​യി ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ഇ​ന്ന​ലെ രാ​വി​ലെ 11 ന് ​സൗ​ത്ത് റെ​യി​ൽ​വേ സ്റ്റേ​ഷ​ൻ ഭാ​ഗ​ത്ത് നി​ന്നും സ്വി​ഫ്റ്റ് കാ​ർ ഡാ​ൻ സാ​ഫ് സം​ഘം പി​ന്തു​ട​ർ​ന്നി​രു​ന്നു. വാ​ഹ​നം നി​ർ​ത്താ​തെ പോ​യ​തി​നെ തു​ട​ർ​ന്ന് എ​ള​മ​ക്ക​ര പൊ​ലി​സ് സ്റ്റേ​ഷ​ൻ ഭാ​ഗ​ത്ത് വെ​ച്ച് പൊ​ലി​സ് വാ​ഹ​നം ത​ട​ഞ്ഞു നി​ർ​ത്തി പ​രി​ശോ​ധി​ക്കാ​ൻ ശ്ര​മി​ച്ചു. തു​ട​ർ​ന്ന് പ്ര​തി വാ​ഹ​നം നി​ർ​ത്താ​തെ ഡാ​ൻ​സാ​ഫ് സം​ഘ​ത്തി​ലെ ര​ണ്ട് ഉ​ദ്യോ​ഗ​സ്ഥ​രെ ഇ​ടി​ച്ച് പ​രി​ക്കേ​ൽ​പ്പി​ച്ച് ര​ക്ഷ​പ്പെ​ടാ​ൻ ശ്ര​മി​ച്ചു. തു​ട​ർ​ന്ന് ഇ​യാ​ളെ പൊ​ലി​സ് സാ​ഹ​സി​ക​മാ​യി പി​ടി​കൂ​ടു​ക​യാ​യി​രു​ന്നു. കാ​റി​ൽ നി​ന്ന് എം​ഡി​എം​എയും ക​ണ്ടെ​ത്തി​.
പൊ​ലി​സു​കാ​ർ​ക്കു​നേ​രേ വ​ധ​ശ്ര​മം, ല​ഹ​രി കൈ​വ​ശം വ​യ്ക്ക​ൽ എ​ന്നി​ങ്ങ​നെ ര​ണ്ടു കേ​സു​ക​ളാ​ണ് പ്ര​തി​ക്കെ​തി​രെ ചു​മ​ത്തി​യി​രി​ക്കു​ന്ന​ത്. സി​റ്റി പൊ​ലി​സ് ക​മ്മീ​ഷ​ണ​ർ എ​സ്. കാ​ളി​രാ​ജ് മ​ഹേ​ഷ് കു​മാ​റി​ന്‍റെ മേ​ൽ​നോ​ട്ട​ത്തി​ൽ നാ​ർ​ക്കോ​ട്ടി​ക് സെ​ൽ എ​സി​പി എ. ​അ​ന​ന്ത​ലാ​ൽ, എ​ള​മ​ക്ക​ര എ​സ്എ​ച്ച്ഒ പി. ​പ്ര​മോ​ദ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പൊ​ലി​സ് സം​ഘം ഇ​യാ​ളെ വി​ശ​ദ​മാ​യി ചോ​ദ്യം ചെ​യ്യു​ക​യാ​ണ്. പ്ര​തി​യെ ഇ​ന്ന് കോ​ട​തി​യി​ൽ ഹാ​ജ​രാ​ക്കും.

Tags :