കടുത്തുരുത്തി: കേരള കര്‍ഷകസംഘം ജില്ലാസമ്മേളനത്തിന് തുടക്കമായി. പതാക, കൊടിമര ജാഥകൾ സമ്മേളന നഗരിയില്‍എത്തിയതിനെത്തുടര്‍ന്ന് സ്വാഗതസംഘം ചെയര്‍മാന്‍ പി.വി. സുനില്‍ പതാക ഉയര്‍ത്തി. പതാക സംഘാടകസമിതി രക്ഷാധികാരി സി.ജെ. ജോസഫും കൊടിമരം

സംഘാടകസമിതി വൈസ് ചെയര്‍മാന്‍ ടി.സി. വിനോദും ഏറ്റുവാങ്ങി. ജില്ലാ സമ്മേളനത്തിന്‍റെ ഭാഗമായ ബഹുജനറാലി ഇന്നു മൂന്നിന് കടുത്തുരുത്തി ബ്ലോക്ക് ജംഗ്ഷനിലെ ബൈപാസ് റോഡിനു സമീപത്തുനിന്ന് ആരംഭിക്കും.

അഞ്ചിന് പൊതുസമ്മേളനം സിപിഎം കേന്ദ്രകമ്മിറ്റിയംഗം പി. രാജീവ് ഉദ്ഘാടനം ചെയ്യും. നാളെ ഗൗരീശങ്കരം ഓഡിറ്റോറിയത്തില്‍ രാവിലെ പത്തിന് പ്രതിനിധി സമ്മേളനം എഐകെഎസ് വൈസ് പ്രസിഡന്‍റ് ഇ.പി. ജയരാജന്‍ ഉദ്ഘാടനം ചെയ്യും. വൈകുന്നേരം ആറിന് സെമിനാര്‍ സിപിഎം സംസ്ഥാന സെക്രട്ടേറിയറ്റംഗം വി.എന്‍. വാസവന്‍ ഉദ്ഘാടനം ചെയ്യും. ഞായറാഴ്ച സമ്മേളനം സമാപിക്കും.

Tags : Nattuvishesham DistrictNews DeepikaNews Farmers