7

മ​ര​ണ​ക്കെ​ണി​യായി 16 മ​ര​ങ്ങ​ൾ; ഭീ​തി​യി​ൽ 17 കു​ടും​ബ​ങ്ങ​ൾ

ചെ​ങ്ങ​ന്നൂ​ർ: ഏ​തു​ നി​മി​ഷ​വും വീ​ഴാ​വു​ന്ന കൂ​റ്റ​ൻ മ​ര​ങ്ങ​ൾ തീ​ർ​ത്ത മ​ര​ണ​ഭീ​തി​യി​ൽ ഉ​റ​ക്ക​മി​ല്ലാ​ത്ത രാ​ത്രി​ക​ൾ ത​ള്ളി​നീ​ക്കി ഒ​രു നാ​ട്. ചെ​ങ്ങ​ന്നൂ​ർ ബ്ലോ​ക്ക് പ​ഞ്ചാ​യ​ത്ത് ഓ​ഫീ​സ് പ​രി​സ​ര​ത്തെ 16 കൂ​റ്റ​ൻ മ​ര​ങ്ങ​ളാ​ണ് സ​മീ​പ​വാ​സി​ക​ളു​ടെ​യും ജീ​വ​ന​ക്കാ​രു​ടെ​യും ജീ​വ​ന് ക​ടു​ത്ത ഭീ​ഷ​ണി​യു​യ​ർ​ത്തു​ന്ന​ത്. ന​ട​പ​ടി​ക്ര​മ​ങ്ങ​ളു​ടെ ചു​വ​പ്പു​നാ​ട​യി​ൽ കു​ടു​ങ്ങി ലേ​ലം പ​ല​കു​റി മു​ട​ങ്ങി​യ​തോ​ടെ, പു​ലി​യൂ​ർ പ​ഞ്ചാ​യ​ത്ത് മ​ണ്ണാ​ട്ടു​മ​ല​യി​ലെ 17 കു​ടും​ബ​ങ്ങ​ളാ​ണ് മ​ര​ണ​നി​ഴ​ലി​ൽ ക​ഴി​യു​ന്ന​ത്.

ചെ​റി​യൊ​രു കാ​റ്റ​ടി​ച്ചാ​ൽ പോ​ലും ആ​ടി​യു​ല​യു​ന്ന കൂ​റ്റ​ൻ​ മ​ര​ങ്ങ​ൾ പ​തി​ച്ച് എ​ന്ന് ദു​ര​ന്ത​മു​ണ്ടാ​കു​മെ​ന്ന​റി​യാ​തെ ഭ​യ​ന്നു​വി​റ​യ്ക്കു​ക​യാ​ണ് ഇ​വി​ട​ത്തെ സ്ത്രീ​ക​ളും കു​ട്ടി​ക​ളും അ​ട​ങ്ങു​ന്ന പ്ര​ദേ​ശ​വാ​സി​ക​ൾ.

നാ​ല് പ​തി​റ്റാ​ണ്ട് മു​ൻ​പ് നി​ർ​മി​ച്ച ചു​റ്റു​മ​തി​ലി​നോ​ടു ചേ​ർ​ന്നാ​ണ് എ​ട്ടു​ തേ​ക്ക്, നാ​ല് മ​ഹാ​ഗ​ണി ഉ​ൾ​പ്പെ​ടെ​യു​ള്ള 16 മ​ര​ങ്ങ​ൾ നി​ൽ​ക്കു​ന്ന​ത്. ആ​ഴ​ത്തി​ലി​റ​ങ്ങി​യ തേ​ക്കു​മ​ര​ങ്ങ​ളു​ടെ വേ​രു​ക​ൾ മൂ​ലം ചു​റ്റു​മ​തി​ൽ ഏ​തു​നി​മി​ഷ​വും നി​ലം​പ​തി​ക്കാ​വു​ന്ന അ​വ​സ്ഥ​യി​ലാ​ണ്. മ​തി​ൽ അ​ൺ​ഫി​റ്റെ​ന്നാ​ണ് എ​ൻ​ജി​നി​യ​റിം​ഗ് വി​ഭാ​ഗ​ത്തി​ന്‍റെ റി​പ്പോ​ർ​ട്ട്. ഇ​തി​ന് പു​റ​മെ, ബ്ലോ​ക്ക് പ​ഞ്ചാ​യ​ത്തി​ലെ ര​ണ്ടു​നി​ല​ക്കെ​ട്ടി​ടം അ​ട​ക്ക​മു​ള്ള മൂ​ന്ന് ഓ​ഫീ​സു​ക​ൾ​ക്കും ഇ​വ​യു​ടെ ഷീ​റ്റ് മേ​ൽ​ക്കൂ​ര​ക​ൾ​ക്കും തൊ​ട്ട​ടു​ത്തുകൂ​ടി പോ​കു​ന്ന വൈ​ദ്യു​തി ലൈ​നു​ക​ൾ​ക്കും ഈ ​മ​ര​ങ്ങ​ൾ വ​ൻ ഭീ​ഷ​ണി​യാ​ണ്. മ​രം വീ​ണ് വൈ​ദ്യു​തിലൈ​ൻ പൊ​ട്ടി​യാ​ൽ പ്ര​ദേ​ശ​ത്ത് വ​ൻ ദു​ര​ന്ത​മു​ണ്ടാ​കും.

2022 മേ​യ് 21ന് ​അ​പ​ക​ട​ക​ര​മാ​യ മ​ര​ങ്ങ​ൾ നീ​ക്കാ​ൻ ബ്ലോ​ക്ക് പ​ഞ്ചാ​യ​ത്ത് പ്ര​മേ​യം പാ​സാ​ക്കി. 2022 ഓ​ഗ​സ്റ്റ് 20ന് ​വ​നം​വ​കു​പ്പി​ന്‍റെ സോ​ഷ്യ​ൽ ഫോ​റ​സ്ട്രി വി​ഭാ​ഗം മ​ര​ങ്ങ​ൾ​ക്ക് 9,19,211 രൂ​പ​യു​ടെ മൂ​ല്യം നി​ശ്ച​യി​ച്ചു ന​ൽ​കി. ഉ​യ​ർ​ന്ന ത​റ​വി​ല കാ​ര​ണം മൂ​ന്ന് ത​വ​ണ ക്വ​ട്ടേ​ഷ​ൻ വി​ളി​ച്ചി​ട്ടും ആ​രും ലേ​ല​ത്തി​ൽ പ​ങ്കെ​ടു​ത്തി​ല്ല. തു​ക പു​ന​ർ​നി​ർ​ണ​യി​ച്ചു ന​ൽ​കാ​ൻ വ​നം​വ​കു​പ്പ് ത​യാ​റാ​കാ​തി​രു​ന്ന​താ​ണ് പ്ര​തി​സ​ന്ധി രൂ​ക്ഷ​മാ​ക്കി​യ​ത്.

കേ​ന്ദ്ര പൊ​തു​മേ​ഖ​ലാ സ്ഥാ​പ​ന​മാ​യ എം​എ​സ്‌​ടി​സി വെ​ബ്പോ​ർ​ട്ട​ൽ വ​ഴി മൂ​ന്നു​ത​വ​ണ ക്വ​ട്ടേ​ഷ​ൻ ക്ഷ​ണി​ച്ചെ​ങ്കി​ലും പ​ര​മാ​വ​ധി വ​ന്ന തു​ക 3.81 ല​ക്ഷം രൂ​പ മാ​ത്ര​മാ​ണ്. ത​റ​വി​ല ഒ​ൻ​പ​ത് ല​ക്ഷ​ത്തി​ന് മു​ക​ളി​ലാ​യ​തി​നാ​ൽ ലേ​ലം ഉ​റ​പ്പി​ക്കാ​നാ​യി​ല്ല.
ജ​ന​ങ്ങ​ളു​ടെ ജീ​വ​ൻ

ക​ള​ക്‌​ട​റു​ടെ കൈ​ക​ളി​ൽ

ഏ​റ്റ​വും അ​പ​ക​ട​ക​ര​മാ​യി നി​ല​കൊ​ള്ളു​ന്ന ര​ണ്ട് തേ​ക്കു​മ​ര​ങ്ങ​ൾ അ​ടി​യ​ന്ത​ര​മാ​യി മു​റി​ച്ചു​മാ​റ്റാ​ൻ അ​സി​സ്റ്റ​ന്‍റ് എ​ക്സി​ക്യൂ​ട്ടീ​വ് എ​ൻ​ജി​നി​യ​റു​ടെ റി​പ്പോ​ർ​ട്ട് പ്ര​കാ​രം എ​ൽ​എ​സ്ജി​ഡി ജി​ല്ലാ ജോ​യി​ന്‍റ് ഡ​യ​റ​ക്‌​ട​ർ തീ​രു​മാ​നി​ച്ചി​ട്ടു​ണ്ട്. എ​ന്നാ​ൽ മ​രം മു​റി​ക്കാ​നു​ള്ള അ​ന്തി​മാനു​മ​തി ന​ൽ​കേ​ണ്ട​ത് ജി​ല്ലാ ദു​ര​ന്തനി​വാ​ര​ണ അ​ഥോ​റി​റ്റി​യാ​യ​തി​നാ​ൽ ജി​ല്ലാ​ ക​ള​ക്‌​ട​റു​ടെ മാ​ർ​ഗ​നി​ർ​ദേ​ശ​പ്ര​കാ​രം അ​പേ​ക്ഷ ന​ൽ​കാ​നും പു​ന​ർ​മൂ​ല്യ​നി​ർ​ണ​യം ന​ട​ത്താ​നും ജോ​യി​ന്‍റ് ഡ​യ​റ​ക്‌​ട​ർ നി​ർ​ദേ​ശം ന​ൽ​കി. ഈ ​രീ​തി​യി​ൽ മ​രം മു​റി​ച്ചാ​ൽ മു​റി​ക്കു​ന്ന മ​ര​ങ്ങ​ളു​ടെ അ​ള​വും എ​ണ്ണ​വും തി​ട്ട​പ്പെ​ടു​ത്തി ലേ​ല​ത്തി​ൽ പോ​കു​ന്നി​ടം വ​രെ ബ്ലോ​ക്ക് പ​ഞ്ചാ​യ​ത്ത് കോ​ന്പൗ​ണ്ടി​ൽ സൂ​ക്ഷി​ക്ക​ണം . ഓ​ഫീ​സ് വ​ള​പ്പി​ൽ സു​ര​ക്ഷി​ത​മാ​യി സൂ​ക്ഷി​ക്കാ​നു​ള്ള സം​വി​ധാ​ന​വു​മി​ല്ലെന്ന് വൈ​സ് പ്ര​സി​ഡ​ന്‍റ് ജി. ​വി​വേ​ക് പ​റ​ഞ്ഞു.

എം​എ​സ്‌​ടിസി പോ​ർ​ട്ട​ലി​ലെ അ​വ​സാ​ന ലേ​ലത്തീയ​തി ഈ ​മാ​സം നാ​ലി​ന് അ​വ​സാ​നി​ച്ച​തോ​ടെ വീ​ണ്ടും ലേ​ല ന​ട​പ​ടി​ക​ൾ​ക്ക് ഒ​രു​ങ്ങു​ക​യാ​ണ് അ​ധി​കൃ​ത​ർ.

Tags : Nattuvishesham DistrictNews DeepikaNews attention