15

കോ​ഴി​ക്കോ​ട്: രാ​ജ്യ​ത്തി​ന്‍റെ 79-ാം സ്വാ​ത​ന്ത്ര്യ​ദി​നാ​ഘോ​ഷ വേ​ള​യി​ല്‍, മു​ന്‍​വ​ര്‍​ഷ​ങ്ങ​ളി​ലേ പോ​ലെ പൊ​തു​പ​രി​പാ​ടി​ക​ളി​ല്‍ സ​ജീ​വ​മാ​യി പ​ങ്കെ​ടു​ക്കാ​ന്‍ പ​റ്റാ​ത്ത​തി​ന്‍റെ വി​ഷ​മ​ത്തി​ലാ​ണ് പ്ര​മു​ഖ സ്വാ​ത​ന്ത്ര​സ​മ​ര​സേ​നാ​നി സോ​ഷ്യോ വാ​സു (103).
ഏ​താ​നും ദി​വ​സ​ങ്ങ​ള്‍​ക്കു മു​മ്പാ​ണ് പ​നി പി​ടി​പെ​ട്ട​ത്. പ​നി​യു​ടെ തു​ട​ര്‍​ച്ച​യാ​യു​ള്ള ശാ​രീ​രി​ക അ​വ​ശ​ത​ക​ള്‍ കാ​ര​ണം ഇ​ത്ത​വ​ണ സ്വാ​ത​ന്ത്ര്യ​ദി​നാ​ഘോ​ഷ പ​രി​പാ​ടി​ക​ള്‍ കു​റ​ച്ചു. ക​ഴി​ഞ്ഞ​ദി​വ​സ​ങ്ങ​ളി​ല്‍ വി​വി​ധ​യി​ട​ങ്ങ​ളി​ല്‍ നി​ന്നാ​യി വി​ദ്യാ​ര്‍​ഥി​ക​ള്‍ ചെ​റു​വ​ണ്ണൂ​രി​ലെ വീ​ട്ടി​ലെ​ത്തി അ​ദ്ദേ​ഹ​ത്തെ ആ​ദ​രി​ച്ചി​രു​ന്നു. ശാ​രീ​രി​ക അ​വ​ശ​ത​ക​ള്‍​ക്കി​ട​യി​ലും അ​ദ്ദേ​ഹം വി​ദ്യാ​ര്‍​ഥി​ക​ളു​മാ​യി സം​വാ​ദി​ക്കാ​ന്‍ ത​യാ​റാ​യി.

പ​നി​യെ തു​ട​ര്‍​ന്ന് അ​ച്ഛ​ന് സ്വ​ന്ത​മാ​യി എ​ഴു​ന്നേ​റ്റു ന​ട​ക്കാ​ന്‍ നി​ല​വി​ല്‍ ശേ​ഷി​ക്കു​റ​വു​ണ്ടെ​ന്ന് മ​ക​ന്‍ ര​മേ​ശ്ബാ​ബു പ​റ​ഞ്ഞു. പ​നി​പി​ടി​പെ​ടു​ന്ന​തി​നു മു​മ്പു​വ​രെ അ​ദ്ദേ​ഹം ഊ​ര്‍​ജ​സ്വ​ല​നാ​യി​രു​ന്നു. ഇ​ള​യ മ​ക​ന്‍ രാ​ജു​നാ​രാ​യ​ണ​നൊ​പ്പ​മാ​ണ് സോ​ഷ്യോ വാ​സു താ​മ​സി​ക്കു​ന്ന​ത്. ഏ​താ​നും ദി​വ​സ​ത്തെ വി​ശ്ര​മം കൊ​ണ്ട് ആ​രോ​ഗ്യ വീ​ണ്ടെ​ടു​ക്കാ​നാ​വു​മെ​ന്നാ​ണ് പ്ര​തീ​ക്ഷ. അ​ച്ഛ​നെ പ​ങ്കെ​ടു​പ്പി​ച്ച് ഇ​ന്ന് രാ​വി​ലെ മു​റ്റ​ത്ത് ദേ​ശീ​യ​പ​താ​ക ഉ​യ​ര്‍​ത്തു​മെ​ന്ന് മ​ക​ന്‍ പ​റ​ഞ്ഞു.

കോ​ഴി​ക്കോ​ട്ടെ സ്വാ​ത​ന്ത്ര്യ സ​മ​ര സേ​നാ​നി​ക​ളി​ല്‍ അ​വ​ശേ​ഷി​ക്കു​ന്ന പ്ര​മു​ഖ വ്യ​ക്തി​ത്വ​മാ​ണ് സോ​ഷ്യോ വാ​സു. സോ​ഷ്യ​ലി​സ്റ്റ് ആ​ശ​യ​ങ്ങ​ളോ​ടു​ള്ള ആ​ഭി​മു​ഖ്യം കൊ​ണ്ടാ​ണ് അ​ദ്ദേ​ഹ​ത്തി​ന് സോ​ഷ്യോ എ​ന്ന പേ​ര് ല​ഭി​ച്ച​ത്. കോ​ഴി​ക്കോ​ട്ട് അ​ദ്ദേ​ഹം ന​ട​ത്തി​യി​രു​ന്ന ത​യ്യ​ല്‍​ക്ക​ട​യ്ക്ക് 'സോ​ഷ്യോ' എ​ന്നാ​യി​രു​ന്നു പേ​ര്. അ​ങ്ങ​നെ സോ​ഷ്യോ വാ​സു എ​ന്ന​റി​യ​പ്പെ​ട്ടു

യൗ​വ്വ​നം മു​ത​ല്‍ സോ​ഷ്യ​ലി​സ്റ്റ് പ്ര​സ്ഥാ​ന​ങ്ങ​ളു​മാ​യി ചേ​ര്‍​ന്ന് പ്ര​വ​ര്‍​ത്തി​ച്ച സോ​ഷ്യോ വാ​സു ശ​ക്ത​മാ​യ നി​ല​പാ​ടു​ക​ളി​ലൂ​ടെ​യും ല​ളി​ത​മാ​യ ജീ​വി​ത​രീ​തി​യി​ലൂ​ടെ​യു​മാ​ണ് ശ്ര​ദ്ധേ​യ​നാ​യ​ത്. 13-14 വ​യ​സു​ള്ള​പ്പോ​ള്‍ മ​ഹാ​ത്മാ​ഗാ​ന്ധി​യെ നേ​രി​ല്‍ കാ​ണാ​ന്‍ സാ​ധി​ച്ച​തി​ന്‍റെ അ​ഭി​മാ​ന​ബോ​ധ​മി​ന്നും സോ​ഷ്യോ വാ​സു​വി​ന്‍റെ മു​ഖ​ത്തു​ണ്ട്. ഇ​ന്ത്യ​യ്ക്ക് സ്വാ​ത​ന്ത്ര്യം ല​ഭി​ക്കു​മ്പോ​ള്‍ 24 വ​യ​സാ​യി​രു​ന്നു അ​ദ്ദേ​ഹ​ത്തി​ന്‍റെ പ്രാ​യം.എ​ല്ലാ തെ​ര​ഞ്ഞെ​ടു​പ്പു​ക​ളി​ലും നേ​രി​ട്ട് ബൂ​ത്തി​ലെ​ത്തി വോ​ട്ട് ചെ​യ്യു​ന്ന​താ​ണ് സോ​ഷ്യോ വാ​സു​വി​ന്‍റെ പ​തി​വ്. 1949 മു​ത​ലു​ള്ള തെ​ര​ഞ്ഞെ​ടു​പ്പു​ക​ളും ജ​ന​വി​ധി​ക​ളും അ​ദ്ദേ​ഹ​ത്തി​ന്‍റെ ഓ​ര്‍​മ​യി​ല്‍ മ​ങ്ങാ​തെ​യു​ണ്ട്.

രാ​ജ്യ​ത്ത് വ​ര്‍​ധി​ച്ചു​വ​രു​ന്ന വ​ര്‍​ഗീ​യ​ത​യ്‌​ക്കെ​തി​രേ ശ​ബ്ദ​മു​യ​ര്‍​ത്തി​യും സോ​ഷ്യോ വാ​സു ശ്ര​ദ്ധേ​യ​നാ​യി​ട്ടു​ണ്ട്. 1942ല്‍ ​പ​ത്തൊ​ന്‍​പ​താം വ​യ​സി​ല്‍ ക്വി​റ്റ് ഇ​ന്ത്യ സ​മ​ര​ത്തി​ന്‍റെ ഭാ​ഗ​മാ​യി കോ​ഴി​ക്കോ​ട് കു​ണ്ടാ​യി​ത്തോ​ട് മു​ത​ല്‍ ചെ​റു​വ​ണ്ണൂ​ര്‍ വ​രെ കൂ​റ്റ​ന്‍ പ്ര​ക​ട​ന​ത്തി​ന് സോ​ഷ്യോ വാ​സു നേ​തൃ​ത്വം ന​ല്‍​കി. ബ്രി​ട്ടീ​ഷ് ഭ​ര​ണ​കൂ​ട​ത്തി​നെ​തി​രെ പ്ര​ക​ട​നം ന​യി​ച്ച​തി​ന്‍റെ പേ​രി​ല്‍ പൊ​ലി​സി​ന്‍റെ പി​ടി​യി​ലാ​വു​ക​യും ജ​യി​ല്‍ ശി​ക്ഷ അ​നു​ഭ​വി​ക്കു​ക​യും ചെ​യ്തു. 103 -ാം വ​യ​സി​ലും ആ​ദ്ദേ​ഹ​ത്തി​ന്‍റെ ഓ​ര്‍​മ​ക​ള്‍​ക്ക് മ​ങ്ങ​ലി​ല്ല. പ​നി​യു​ടെ അ​വ​ശ​ത​ക​ള്‍ മാ​റി​യാ​ല്‍ ഉ​ട​ന്‍ ത​ന്‍റെ ഓ​ര്‍​മ​ക​ള്‍, അ​നു​ഭ​വ​ങ്ങ​ള്‍ പു​തു​ത​ല​മു​റ​യ്ക്ക് പ​ങ്കു​വ​യ്ക്കാ​ന്‍ അ​ദ്ദേ​ഹം സ​ജീ​വ​മാ​കും.

Tags : Nattuvisesham DistrictNews DeepikaNews