31

വീടുകളും വാഹനങ്ങളും തകർത്തു,

ആക്രമിച്ചത് ലഹരിവിരുദ്ധ പ്രവർത്തനങ്ങൾക്ക് നേതൃത്വം നൽകിയവരുടെ വീടുകൾ

ക​ഴ​ക്കൂ​ട്ടം: ല​ഹ​രി​വി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​യാ​യ​തി​ലു​ള്ള വൈ​രാ​ഗ്യ​ത്തി​ൽ നാ​ട്ടു​കാ​ർ​ക്ക് നേ​രെ ഗു​ണ്ടാ സം​ഘ​ത്തി​ന്‍റെ   ആ​ക്ര​മ​ണം. നാലു പേർക്ക് പരിക്കേറ്റു. സംഭവത്തിൽ മൂ​ന്ന് പേ​രെ അ​റ​സ്‌​റ്റ് ചെയ്തു. കൈ​ലാ​ത്ത് കോ​ണം സ്വ​ദേ​ശി​ക​ളാ​യ മി​ഥു​ൻ , രാ​ഹു​ൽ , ശ്രീ​ജി​ത്ത് എ​ന്നി​വ​രാ​ണ് അ​റ​സ്റ്റി​ലാ​യ​ത്.
കൈ​ല​ത്ത്കോ​ണം സ്കൂ​ളി​ന് സ​മീ​പം ​വ്യാ​ഴാ​ഴ്ച രാ​ത്രി 10.30 നാണ് സം​ഭ​വം. വ​ധ​ശ്ര​മം, അ​ക്ര​മം, വീ​ടു​ക​ളും വാ​ഹ​ന​ങ്ങ​ളും ത​ക​ർ​ക്ക​ൽ തു​ട​ങ്ങി​യ വ​കു​പ്പു​ക​ൾ ചു​മ​ത്തി ക​ണ്ടാ​ല​റി​യാ​വു​ന്ന പ​തി​ന​ഞ്ചോ​ളം പേ​ർ​ക്കെ​തി​രെ മം​ഗ​ല​പു​രം പോ​ലീ​സ് കേ​സെ​ടു​ത്തു.

നാ​ട്ടു​കാ​രാ​യ ലി​ബീ​ഷ്, ഹേം​ജി​ത്ത് എ​ന്നി​വ​ർ പ്ര​ദേ​ശ​ത്തെ ല​ഹ​രി​വി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​യി പ്ര​വ​ർ​ത്തി​ച്ചി​രു​ന്നു. ഓ​ണാ​ഘോ​ഷ പ​രി​പാ​ടി​ക്കി​ടെ പ്ര​ശ്ന​മു​ണ്ടാ​ക്കി​യ അ​ക്ര​മി​സം​ഘ​ത്തി​നെ​തി​രെ ഇ​വ​ർ പോ​ലീ​സി​ൽ പ​രാ​തി ന​ൽ​കി​യ​താ​ണ് പ്ര​തി​ക​ളെ പ്ര​കോ​പി​പ്പി​ച്ച​ത്. ഇ​തി​ന്‍റെ  ​വൈ​രാ​ഗ്യ​ത്തി​ൽ ഇ​രു​മ്പ് ക​മ്പി​യും വെ​ട്ടു​ക​ത്തി​യു​മ​ട​ക്ക​മു​ള്ള മാ​ര​കാ​യു​ധ​ങ്ങ​ളു​മാ​യി എ​ത്തി​യ അ​ക്ര​മി​ക​ൾ, ലി​ബീ​ഷ്, ഹേം​ജി​ത്ത്, കൃ​ഷ്ണ​ൻ എ​ന്നി​വ​രു​ടെ വീ​ടു​ക​ൾ​ക്ക് നേ​രെ ആ​ക്ര​മ​ണം അ​ഴി​ച്ചു​വി​ടു​ക​യാ​യി​രു​ന്നു. വീ​ട്ടി​ലെ ക​ത​കു​ക​ളും വീ​ടു​ക​ളു​ടെ മു​ൻ​വ​ശ​ത്ത് നി​ർ​ത്തി​യി​ട്ടി​രു​ന്ന പ​ത്തോ​ളം മോ​ട്ടോ​ർ സൈ​ക്കി​ളു​ക​ളും ര​ണ്ട് കാ​റു​ക​ളും അ​ക്ര​മി​ക​ൾ അ​ടി​ച്ച് ത​ക​ർ​ത്തു.

പ്ര​ദേ​ശ​വാ​സി​യാ​യ ബി​ജു​വി​ന്‍റെ  ​വീ​ടി​ന് മു​ന്നി​ലെ​ത്തി​യ സം​ഘം കൊ​ല​വി​ളി മു​ഴ​ക്കി​ക്കൊ​ണ്ട് ആ​ക്ര​മി​ക്കു​ക​യാ​യി​രു​ന്നു. ഇ​രു​മ്പ് ക​മ്പി കൊ​ണ്ട് ബി​ജു​വി​ന്‍റെ ​ത​ല​യ്ക്ക​ടി​ച്ച് ഗു​രു​ത​ര​മാ​യി പ​രി​ക്കേ​ൽ​പ്പി​ച്ചു. ത​ട​യാ​ൻ ശ്ര​മി​ച്ച അ​നു​ജ​ൻ അ​നൂ​പി​നെ വെ​ട്ടു​ക​ത്തി കൊ​ണ്ട് ത​ല​യ്ക്ക് വെ​ട്ടി പ​രി​ക്കേ​ൽ​പ്പി​ച്ചു. ജ്യേ​ഷ്ഠ​ൻ ദീ​പു​രാ​ജി​ന്‍റെ കൈ​യ്ക്ക് ഇ​രു​മ്പ് ക​മ്പി കൊ​ണ്ടു​ള്ള അ​ടി​യി​ൽ അ​സ്ഥി​ക്ക് പൊ​ട്ട​ലേ​റ്റു. അ​ക്ര​മ​ത്തി​ൽ പ​രി​ക്കേ​റ്റ മ​റ്റൊ​രാ​ളാ​യ ജി​ഷ്ണു​വി​നെ​യും ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ശ്രീ​ജു (ഡോ​ൺ), സൂ​ര​ജ് (ഹെ​യ​ർ​ബോ​യ്), ശ്രീ​രാ​ജ്, ശ്രീ​ജി​ത്ത്, ഫ​ഹ​ദ്, അ​ൽ​സ​ഹാ​ദ്, അ​മ്പാ​ടി എ​ന്നി​വ​രും ക​ണ്ടാ​ല​റി​യാ​വു​ന്ന എ​ട്ടോ​ളം പേ​രു​മാ​ണ് പ്ര​തി​പ്പ​ട്ടി​ക​യി​ലു​ള്ള​ത്. പോ​ലീ​സ് അ​ന്വേ​ഷ​ണം ഊ​ർ​ജിത​മാ​ക്കി​യി​ട്ടു​ണ്ട്.

Tags : Nattuvishesham DistrictNews DeepikaNews attack